[subzer0]

اولا انا بشكركم على تعبكم معايا وخصوصا الاستاد صلاح

تانى حاجة
انا كنت كاتب استفسار عن الشيرنج والشفرات وكدا وناويت ان شاء اللة اجيب دونجل لانة افضل وحتى لو اشتراك الشييرنج نت قليل بس النت ممكن يفصل وفية مشاكل كتير فانا احسن اخلينى فى الدونجل وخلاص

بس لية عدة استفسارت واتمنى اى حد فاهم فى الموضوع دا يفيدى

انا ناوى اجيب دونجل y6 لان ناس كتير شكرت فية وكدا
فكنت عايز اعرف افضل مكان فى القاهرة اجيبة منة وانا قريت انة فية تقليد وحجات زى كدا فانا عايز اعرف افضل مكان اجيبة منة ويكون سليم ومش مبالغ فى سعرة وطبعا اتمنى حد يحطلى اخر سعر وصل فية الجهاز دا كام

والمدة اللى هيكون شغال فيها الدونجل فى فك ******* والتحديثات وكدا

تانى حااجة عايز اعرف طبق 80 بكام واية المطلوب تانى علشان يبقى دونجل دا كامل
انا هيكون معايا الرسيفر بس هجبلة طبق جديد لانى هنقل لمكان تانى
فهل انا اجبلة طبق متحرق ولا طبق ثابت على النايل والاوربى يعنى انهى الافضل
لان ساعات بلاقى قنوات على اقمار تانية بتجيب كاس العالم فحتى لو الدونجل فصل يبقى كدا مخصرش كل حااجة
بس فية مشكلة انى جايز اجيب ريسيفر كمان فهل الاتنين هيشتغلوا منفصلين على طبق واحد متحرك ولا لو انا على النايل يبقى التانى برضو على النايل ولا اية
يحسن انا عندى طبق ثابت فالريسفيرين شغالين عادى مستقلين

وطبعا هل الدونجل y6 هيشتغل على الترومان اكس الترا 150 كويس وهل الريسفير مزود بالكابلات لية ولا هطر اعمل حااجة ولا اية

فياريت اعرف سعر الدونجل والطبق والاسلاك والحجات المطلوبة وبرضو سعر الطبق التانى للريسيفر ويفضل كام متر برضو واجيبة ثابت ولا متحرك وافضل مكان اجيب منة الحجاات دى باسعار الحقيقية
شكراا

[abunada]

البث المباشر لقناة الرحمة الفضائية | البث المباشر
www.alrahma.tv
البث المباشر لقناة الرحمة الفضائية , البث المباشر

[zohny]

بص يا غالى بكل بساطه
مفيش دنجل مقلد ولا حاجه
ام السعر قى الواى 6 بحوالى 260 جينيه
وفى الميكرو بوكس ودة يعمل حوالى 250 جينيه
اما سوالك على جهازين يعملو على طبق واحد
ينفع لكن بقطع مذدوجه 2 بورت
ولكن لازم الطبق يبقى سابت
ولكن الدنجل يشغل رسيقر واحد بكفائه بس
ام الاسعار يستحسن وانت نازل تسال واختار ارخص سعر
اما المكان عندك باب الوق هو اشهر مكان لبيع مستلزمات الستالايت

[subzer0]

طيب شكرا على الشرح الوافىى بس لية استفسارت بسيطة بعد ازنك

بنسبة لطول طبق الدونجل والريسيفر هل اجبهم كل واحد 80 ولا اخلى بتاع الريسيفر 100 افضل ؟

تانى حاجة هل الدونجل بيكون مكتوب علية مدة ولا ممكن اخدة يشتغل يوم ويوقف ولا فية ضمان ؟

واخر سؤال لو الدونجل كافى لتشغل ريسفيرين ولا لازم لكل ريسيفر مستقل دونجل برضو؟
شكراا

[zohny]

اخى الكريم بنسبه لطبق الدنجل كويس جدا 80
اما الرسيفر دى حاجه ترجعلك لو انت عايز نايل وهود بيرد بس يبقى تمام
عايز كتير يفضل اطباق اكبر
ممكن طبق متحرك بس النقطه دى ترجعلك انت
اما سوالك على الضمان لا يوجد ضمان فى عالم الدنجل
لكن اللى هيسرى عليك هو اللى هيسرى على الكل
بمعنى انو لو وقف مش هيبقى عندك انت بس بل كل من يقتنى النوع الذى تمتلكه
اما سوالك عن تشغيل رسيفرين فى انان واحد ممكن لكن مش هتفيدك لان لازم تكون
الوصله الربطه بين الدنجل والاجهزة لا يتعدى طوله عن 30 سم
يعنى مش هينفع تحط جهاز فى مكان اخر غير بقى التقطيع

[subzer0]

انا بشكرك اخى العزيز
هو كل الموضوع انا عايز اتفرج على الباقات العربية زى اوربت والشوتيام والارتى
واشوف الماتشات العالمية وطبعا الجزيرة محتكرهاها ودوريات الاوربية بس
فانا ناوى ان شاء اللة اجيب طبق ثابت 80 ومثبت على النايل والهوت