[africano19_5]

أنا من مدينة الأقصر جنوب مصر وعندى طبق 180 كان متحرك وجعلته ثابت وخليت عليه القمر التركى سنتر وجبت مسطرة وركبت عليها قطعة للقمر عربسات اللى عليه قناة اريتريا وكله شغال تمام وسمعت كتير على الباقة الرياضية على قمر الهلاسات وحبيت اركبها عندى وقلت قبل ما أجيب قطعة جديدة للقمر ده أنا أجربه على قطعة القمر عربسات الموجودة أصلا وبالفعل طلعت وحركت القطعة وهى على المسطرة بتجاه القمر التركى السنتر عندى لانى عارف ان تقريبا مفيش مسافة بينهم المهم عملت جميع المحاولات عشان التقط اى تردد للقمر زى 12688 أفقى 30000 أو 12524 أفقى 30000 ومفيش فايدة وحاولت أعلى بالمسطرة وأنزلها يا أخوانى وبردوا مفيش فايدة وهنا أطرح على حضراتكم السؤال طبعا المشرفين والأعضاء الكرام هل لانى من الأقصر ممكن يكون ده السبب ومفيش اشارة ولو ده السبب متعبش نفسى خالص فى تركيب القمر واللا هناك أسباب أخرى ولو حد يعرف طريقة تركيب القمر بس على طبق 180 زى اللى عندى أكون شاكر بس يا ريت بالصور لو أمكن ولو بالشرح أتمنى بس ارجوكم ساعدونى وأشكر من سيتفضل بالرد من كل قلبى وشكرا جزيلا

[المهندس / محمد هشام]

أولاً عاوز أعرف اسم الباقة اللى بتتكلم عنها وهل عندك سرفر ولا رسيفر عادى

ثانيا انت بتقول

وبالفعل طلعت وحركت القطعة وهى على المسطرة بتجاه القمر التركى السنتر عندى لانى عارف ان تقريبا مفيش مسافة بينهم المهم عملت جميع المحاولات عشان التقط اى تردد للقمر زى 12688 أفقى 30000 أو 12524 أفقى 30000 ومفيش فايدة وحاولت أعلى بالمسطرة وأنزلها يا أخوانى وبردوا مفيش فايدة

انت كنت بتجرب بترددات ضعيفه اخى الكريم

أولاً هتشيل القطعه من على المسطرة خالص ثم هتقف على اليمين وانت امام الطبق ثم جرب على هذه الترددات

11146 عمودى / 03333
11052 عمودى / 30000

ثم جرب وخد وقتك بإستفاضه فى المحاوله للحصول على اشارة لفوق ولتحت ولف القطعه فى ايدك وسنه شمال مع سنه يمين وان شاء الله هتلقطه على طول بعد كده عدل المسطره على الوضع اللى لقطت فيه القمر وبالتوفيق ياغالى

[africano19_5]

أشكرك يا باش مهندس على الرد انا بتكلم عن باقة البولسات اللىى هى نوفا وديما اللى موجودين على هذا القمر وانا الرسيفر بتاعى عادى هو بالمناسبة ستار بورت 9400 واشكرك على التواصل وانتظر ردك ومساعدتك انت والأخوة العباقرة

[المهندس / محمد هشام]

تمام ياغالى يبقى هتلقط اشارتك بالترددات اللى كتبتهالك وبعد كده عدل وضع المسطره وركب العدسه وقبل ماتربط جامد هتشوف الترددات اللى انت كاتبها وتظبط اشارتهم وبعد ما تتأكد ان الاشارة تمام ربط صواميلك
وبالنسبه لقناة ديما

هذه اخر **** لقناة ديما من موقع النجم

[ Bulsat 39.0°E ] Emus Frequency | Irdeto2 |Caid: 060400 | 04-11-2012
key 04: 07B6289B43AEE146B32DF989B3B73468 ;Bulsat (39°E) Active
key06:08B08F42090C588E7253E53AFA5CBAD7 ];Bulsat (39°E) Next

يفضل التجربه بهذه العدسه



اعتقد ان ده نوع جهازك

[حورس العاطفى]

المشاركة الأصلية كتبت بواسطة المهندس / محمد هشام

تمام ياغالى يبقى هتلقط اشارتك بالترددات اللى كتبتهالك وبعد كده عدل وضع المسطره وركب العدسه وقبل ماتربط جامد هتشوف الترددات اللى انت كاتبها وتظبط اشارتهم وبعد ما تتأكد ان الاشارة تمام ربط صواميلك
وبالنسبه لقناة ديما

هذه اخر **** لقناة ديما من موقع النجم

[ Bulsat 39.0°E ] Emus Frequency | Irdeto2 |Caid: 060400 | 04-11-2012
key 04: 07B6289B43AEE146B32DF989B3B73468 ;Bulsat (39°E) Active
key06:08B08F42090C588E7253E53AFA5CBAD7 ];Bulsat (39°E) Next

يفضل التجربه بهذه العدسه



اعتقد ان ده نوع جهازك

متابعة طيبة يامحمد

Hellas Sat 2 @ 39° East
Bulsatcom


12688 H 30000 7/8
Nova Sport Bulgaria
Diema Family
National Geographic Channel Bulgaria
AXN Bulgaria
Fox Life Bulgaria
Fox Crime Bulgaria


12565 H 30000 7/8
Super 7
TCM Russia & South Eastern Europe (21-03)


12524 H 30000 7/8
Diema
Discovery Channel Bulgaria
Kinova
Nova TV Bulgaria
bTV
BNT 1
Planeta TV

[المهندس / محمد هشام]

متابعتك أنت هى الأفضل استاذنا بارك الله فيك لكل ما تقدمه فى هذا القسم من مخزون معلومات وفيره ومهما كتبنا نروح فيك فين احنا لسه تلامذتك

[africano19_5]

أشكر حضراتكم على الرد بجد ده اللى مخللينى أول حاجة أعملها انى بفتح المنتدى الرائع ده بس انا ليا استفسارأنا مقيم فى صعيد مصر هل ده يمثل مشكلة فى التقاط القمر وكمان القطعة بتاعتى عادية مش بريفكس زى ما على الشاشة وكمان انا الرسيفر ربتاعى ستاربورت 9400 usb عادى مش hd هل اركب القمر وانا مطمن واللا المواصفات دى لا تنطبق على تركيب قمر الهلاسات وأشكركم شكرا جزيلا على ردودكم اللى بمشى عليها دايما

[المهندس / محمد هشام]

المشاركة الأصلية كتبت بواسطة africano19_5

أشكر حضراتكم على الرد بجد ده اللى مخللينى أول حاجة أعملها انى بفتح المنتدى الرائع ده بس انا ليا استفسارأنا مقيم فى صعيد مصر هل ده يمثل مشكلة فى التقاط القمر وكمان القطعة بتاعتى عادية مش بريفكس زى ما على الشاشة وكمان انا الرسيفر ربتاعى ستاربورت 9400 usb عادى مش hd هل اركب القمر وانا مطمن واللا المواصفات دى لا تنطبق على تركيب قمر الهلاسات وأشكركم شكرا جزيلا على ردودكم اللى بمشى عليها دايما

ماتقولش كده احنا إخوات

المواصفات دى كلها تنفع بس انا كنت بنصحك بالبرفكس علشان اشارتها حلوة على كل الاقمار جرب واتكل على الله وابقى قلنا على النتيجه

بالتوفيق ياغالى

[africano19_5]

باشمهندس محمد أشكرك على اهتمامك ومتابعتك لى فى هذا الموضوع وسأشرح لحضرتك اللى حصل امبارح لانى طلعت اركب القطعة طبعا كنت لوحدى وطلعت عينى فى حمل التليفزيون والرسيفر القصة اياها دى المهم انا شقتى فى الدور الثالث والسطح فوقى مباشرة يعنى المسافة مش بعيدة المهم قعدت فترة طويلة احاول ومشيت على نصايح حضرتك لحد ما ربنا وفق بعد فترة جمعت اشارة وتقريبا كنت مخلى القطعة لاذقة فى قطعة التركى ده عشان يجيب اشارة المهم الاشارة على التردد 12524 عمودى 30000 كانت جايبة 47% وحاولت واللهى يا باش مهندس عشان اجيب اشارة اكتر من كدة مفيش فايدة المهم بحثت على القنوات وجابت القنوات الرياضية اللى انا عوزها المفاجأة بقى انى كنت مجهز أحدث **** لباقة البولسات وكتبتها وللأسف مشتغلتش القنوات فحسيت بحزن على طول الفترة اللى قضيتها فى تركيب القطعة وللعلم انا جهازى ستاربورت 9400 usb وكنت طلبت من الاخوة حد يساعدنى فى تنزيل ملف لشفرة الارديتو 2 لان مكنش عندى غير ارديتو بس وبالفعل احد الاخوة المحترمين زى حضرتك جابلى الملف ونزلته عن طريق ال usb ولما دخلت على ارديتو 2 لقيت ***** كتير فى الملف ولقيت ***** للبولسات بس البروفايدر كان مكتوب فيه 050604 وحضرتك تعلم أن ****** بتبدأ ب 060400 اعتقد ان 060400 دى مش بروفايدر لان مكتوب جنبها caid فمش عارف تتكتب فين دى هل مكان البروفايدر واللا ليها طريقة معينة وبعدين كتبت ****** دى وهى الاحدث
[LEFT] 04: 07B6289B43AEE146B32DF989B3B73468
ومحصلش أى نتيجة القنوات مشفرة
عاوزك تساعدنى هل أمسح كل ***** الارديتو 2 واكتب السطر ده بس واللا أصلا جهازى من ألأول مش بيدعم ****** دى مع ان جهازى قبل ملف ******* اللى اخدته عن طريق ال USB
دى أول مشكلة أما الثانية فهى انى لما نزلت تحت وشغلت القمر لقيت اشارته بعد ما كانت 47 % وصلت 36 % فقط فبصراحة يا باش مهندس اتعقدت شكلى كدة مش هكمل المهم انا منتظر ردك لعل وعسى أجد عندك وعند كل العباقرة اللى هنا علاج للأمور دى وأنا اسف للاطالة حاسس ان ده اكبر تعليق كتبه اى مشارك فى المنتدى سامحونى وياريت الاقى الحلول عندكم باذن الله وشكرا على المتابعة

[المهندس / محمد هشام]

أولاً أنا اللى عاوز أشكرك على طريقتك الشيك فى كلامك المحترم جدا جدا جزاك الله خير أخى الكريم وربنا يزيد من حسن أخلاقك كمان وكمان ويكرمك بالذريه الصالحه .

بص حبيبى أولا أنا عاوزك تتأكد من شىء إنك تصعد للطبق وتركب زى ماكنت مركب وتشوف هل الاشارة عادت 47 ولا بالفعل هى قلت ل36 ليه انا عاوزك تعمل كده ؟

علشان فيه رسيفرات بتختلف فيها معدلات الاشارة يعنى مثلا أنا بظبط الطبق برسيفر صينى من غير ما أخد التلفزيون على السطح ولو جاب معايا 57 بنزل ألاقيها حاجه و70 على الاسترونج فممكن يكون حصل معاك نفس الشىء بس العكس

أما لو فعلا قلت ل36 يبقى أكيدانت ماربطتش العدسه كويس بسبب انك خايف تبوظ اشارة القمر التانى السنتر ده على سبيل المثال

او ممكن نوعية السلك نفسها تكون مش كويسه بدليل مثلا ظبطت الاشارة كويس والعدسه مربوطه كويس فالإشارة قلت يا إما من الدايزك وده غالبا وبنسبة 90% او من رداءة السلك وده غير متوقع لأن فى الاول والاخر المسافه قريبه جدا فعليك بدايزك ترومان وان شاء الله امر الاشارة اتحل

اخيرا انا ماليش فى ******* انا اديتك احسن موقع ممكن تلاقى عليه ***** محدثه بإستمرار وأنصحك إسئل أحد من الاخوة ال3 الاخ مصعب الهوارى والاخ جمعه ***** والاستاذ حورس فى قسم ******* وان شاء الله بإذن الله هتلاقى عندهم حل أكيد لموضوع ****** والكايد

والله كان نفسى أساعدك بأى شىء لكن كُلُّ خلق لما يُسٍرَ له

ألقاك بكل خير والله هو الموفق

[حورس العاطفى]

تاكد اولا من قسم الخاص بجهازك انه يدعم اورديتو2 فان جاءت الاجابة بنعم
ارفعلى صورة من صفحة ***** الاورديتو ونتابع مع بعض

[المهندس / محمد هشام]

المشاركة الأصلية كتبت بواسطة حورس العاطفى

تاكد اولا من قسم الخاص بجهازك انه يدعم اورديتو2 فان جاءت الاجابة بنعم
ارفعلى صورة من صفحة ***** الاورديتو ونتابع مع بعض

عم الناس وحبيب الكل ربنا يحرسك ويخليك لينا يابومحمد ياعسل

[africano19_5]

أشكر الجميع على الرد وخصوصا مهندس محمد والأستاذ حورس الناس اللى بتهتم دايما بمساعدة الهواة من أمثالى جزاكم الله كل خير بس أنا عاوز أقول حاجة للاستاذ حورس انا كذا مرة طرحت السؤال ده فى القسم الخاص بجهازى ستاربورت وسألت هل جهازى بيدعم ****** دى ومش بتيجى أى ردود وأنا حضرتك عاوز ارتاح من الموضوع ده النهاردة قبل بكرة يعنى اكمل على هذا القمر واللا أشيله خالص اللى عاوز أفهمه لحضرتك انى جبت أحدث ملف ***** لجهازى ده ستاربورت 9400 usb عادى وبالفعل ظهرت فيه اريتو 2 وهى مكنتش موجودة فى الأول فده مش معناه يا أستاذ حورس ان كدة جهازى بيدعم لانى اعتقد ويمكن أكون غلطان انه طالما ظهرت اريتو 2 على جهازى يبقى كدة جهازى بيدعم ****** دى واللا أنا غلطان المهم عاوز أقول حاجة ****** بتاعة ارديتو عندى2 فيهامكان للبروفايدر ومكان للشفرة بس **** البرولسات مفيهاش بروفايدر فيها حاجة اسمها caid اللى مكتوب فيه 060400 ولان انا مش لاقى caid فكتبتها فى البروفايدر وكملت ****** انا اعتقد ان المشكلة فى دى
أيه الــ caid ده هل هو يعنى البروفايدر واللا ده مكان فى الجهاز انا محتار جدا واسف لازعاجكم كل شوية شكلها كدة المشكلة فى الرسيفر بتاعى مع انه بيقبل كل ******* فياكسس2 والبيس والسيكا اشمعنى دى مش قابلها مش فاهم ليه أسف للاطالة وشكرا على الردود

[africano19_5]

دى الصور اللى طلبتها أستاذ حورس اللى فيها **** الاريتو 2 على جهازى أرجو تفيدنى من فضلك

[africano19_5]

فين الردود يا اخوانا