[محمد عوض ابو ياسين]

عندى جهاز كوماكس 999 HD v2 نزلت ملف قنوات والملف طلع غلط المهم بعد كده الجهاز دلوقتى يجى يفتح ويظهرلى على الشاشة كوماكس اتش دى اللى المفروض بتظهر وبعد كده الجهاز بيفتح يقوم الجهاز عايد من الاول تانى زى ريسترت عايز اعرف الحل ايه وانا مشترك فى ***** مدفوع والشرح بالتفصيل بعد اذنكوا

[GAHER]

حمل ياغالى الملف دة

خاص بالفريق العربى الموحد للجوكر فيرجن 2

[محمد عوض ابو ياسين]

طيب حملت الملف عايز اعرف اعمل ايه بعد كده ماالجهاز مبيدخلش على ان انا احط الفلاشة واختار الملف ده من الفلاشة

[elsayedhazem]

الجهاز محتاج سوفت وير صحيح

[محمد عوض ابو ياسين]

استاذ gaher حملت الملف على الفلاشة عايز بعد اذنك شرح للمبتدئين اعمل ايه بالظبط ؟

[GAHER]

ياغالى شرح الملف موجود فى ورقة


هاتحمل الملف عادى زى السوفت بالظبط

واما يفتح هاتعمل ضبط مصنع وبعدين تعمل بحث يدوى للقنوات

[محمد عوض ابو ياسين]

انا اسف استاذ gaher بس مفيش ورقة موجودة اللى موجود ملف اسمه NxpRom وانا معرفش السوفت بيتحمل ازاى انا دلوقتى خطيت الملف ده على فلاشة والجهاز مبيدخلش على ان انا افتح الفلاشة من جوه وانا اسف مرة اخرى لتعبك معايا ولو عملت الخطوة دى ******* المدفوع اللى انا مشترك فيه هيتمسح

[GAHER]

مش تتاسف ياغالى

الملف موجود فى ملف اسمة files

حط فولدر files

اللي داخله الملف بعد فرمتة الفلاشة على fat32 وحط الفلاشة فى الرسيفر وهو مغلق وافتح الرسيفر والجهاز هايبدا بتحميل الملف واصبر لحدايت اما يكتب endعلى الشاشة وشيل الفلاشة الجهاز هايرستر ويفتح على القائمة


تعمل ضبط مصنع مرتين وبعدين تنزل القنوات يدوى

[محمد عوض ابو ياسين]

طيب بعد الخطوة دى ******* المدفوع اللى انا مشترك فيه راح ولا لا علشان لو ******* المدفوع هيتلغى اروح للراجل اللى عامله عنده

[GAHER]

اهم حاجة شغل الرسيفر ولو راح تبقة تجيبة تانى من الراجل ياغالى

[محمد عوض ابو ياسين]

شكرا استاذ gaher المشكلة اتحلت وروحت رجعت ******* عند الراجل

[GAHER]

الحمد لله ياغالى

خلى الملف عندك بقة لوقت اللزوم

[محمد عوض ابو ياسين]

اوك الملف ده وفرلى 125 جنيه والله العظيم فى باب اللوق كلمته قبل مااخد الملف واعمله قالى ده الجهاز عايز شحن فلاشة وهيدخل صيانة وهيكلفك 125 جنيه