[مصطفي تايجر]

انا عايز اشتري فلتر مياة وفي ناس بتقولي ان هما سالوا دكاترة عن الفلتر قللولهم انة غير صحي وبيجيب امراص كتيرة انا عندي في المنطقة المية اوقات بتيجي فيها ريحة مجاري او لونها مش مظبوط فعايز اشتري فلتر وبعد الكلام دة قلقان اية العمل يا مصراوية ولو هو صحي اجيبة كام مرحلة مع انة امامي فلتر 1 مرحلة +او2 مرحلة +او 3 مرحلة اجيب انهي برجاء سرعة الرد علشان انا هجيبة النهاردو

[علي امين2010]

موضوعك ليس في مكانه الصحيح اخي الكريم

[مصطفي تايجر]

لية يا استاز علي هي دي مش من الصحة والمعرفة
انا بساءل عن معلومة يا اخي وعايز جواب وبصراحة انا قولت
اول واحد هيرد علية الاستاز علي امين علشان انا متابع كل مشاركاتك

[محمدسالم يوسف]

وزارة الصحة‏:‏ جميع فلاتر المياه
المتداولة غير صالحة للاستخدام
أكد الدكتور يسري احمد حسين وكيل وزارة الصحة لشئون البيئة ان جميع فلاتر المياه المتداولة بالأسواق غير معتمدة وغير مصرح بها نظرا لخطورتها علي الصحة‏.‏

وقال: إن تلك الفلاتر غير مخصصة للمنازل في الأساس ويتم استخدامها في الخارج وفقا لظروف معينة ولفترات محددة وليس بصورة مستمرة كما يحدث بمصر, مشيرا إلي أن تلك الفلاتر غير مصرح بها من وزارة الصحة وليست للاستخدام المنزلي إنما تستخدم في المعسكرات والأماكن البعيدة عن شبكات المياه. وأوضح حسن أن فلاتر المياه الموجودة بالأسواق تعمل علي إزالة الأملاح المذابه في المياه وهي لازمة لجسم الانسان كما ان استمرار استخدام الفلتر لفترة طويلة يحوله لمصدر للتلوث يمثل خطورة علي الصحة بسبب كميات الرواسب التي تلتصق بالفلتر
http://www.ahram.org.eg/The%20First/News/149101.aspx

[مصطفي تايجر]

بجد شكرا علي المعلومة وبعد اللي انتة قولتة مش جايبة بجد انتة انسان محترم علي ردك الجميل

[مصطفي تايجر]

يا اخي انا شوفت في نفس المصدر اللي انتة بعتة ان الناس بتكزب زلك

[محمدسالم يوسف]

على فكرة الاحسن من ده وده طريقة هقولكم عليها علمية مية في المية ومن غير فلوس
اولا : يا جماعة الفلاتر اللى بتشيل الاملاح من المية بتغير في تركيبة الميه اصلا لو اخدتم بالكم حتى من طعمها وده معناه ان فايدة المية اتغيرت للاسوأ مش للاحسن
ثانيا :لو انتى عايزة تفلتري المية من الرواسب والكلور والرمل والحاجات الصلبة وتعقمي المية وتشربي ميه صحية هقولكو على طريقة قالها خبير عالمى في المية على قناة المحور في برنامج العيشة واللى عيشينها
قال ان احسن حاجة للمية عشان تشربوا مية صحية تتغلي المية كويس جدا وبعدين تسيبيها تبرد خالص وبعدين تدخليها الفريزر تتجمد وبعدها طلعيها من الفريز تفك او فيكها على النار واشربي منها بس في شوية مية في الاخر بيكون فيها الرواسب دى طبعا بترميها
بالنسبة للرمل والكلور والحاجات الصلبة بتجيبي قماشة قطن وكمان تحطى فيها قطنة وتربطيها بأستك او بدبارة حولين الحنفية
وبكدا نشرب مية الى حد كبير صحية لان المية المعدنية بتجيب املاح في الجسم والمية المعالجة بتعتبر فاقدة حاجات كتير من فوايدها وربنا يرحمنا برحمته
منقول

[مصطفي تايجر]

دة من بعص الردود
امتلك هذا الفلتر منذ عده سنوات والحمد لله لا اواجه اي مشكلة صحية في الكلي حيث انا دائم التاكد من وظائف الكلي بحكم متابعة عند الاطباء ...كان وقتها نسبة الاملاح في مياه الصنبور 286 جزء في المليون ...علما بان النسبه العالمية لا تتعدي 180 جزء في المليون (علي حد علمي والله اعلم) وكانت نسبه املاح المياه المنقاه بالفلتر في حدود من 25 الي 0 جزء في المليون.علاوة علي ان طعم المياه المفلتره افضل بكثير جدا من التي في الصنبور ...وكما تفضل الاخ طاهر قائلا انه يفضل ان يصاب المرء بنقص في الاملاح يمكن استخدام بعض اقراص الاملاح لعلاجه علي ان يصاب المواطن بفشل كلوي لا علاج له .....ولكن اؤكد علي اهمية تنظيف شمعات الجهاز في كل فترة صيانه حتي يتم التخلص من العوالق والبكتريا ....ولا يتم الاكتفاء بتغيير بعض الشمعات فقط ...ولماذا يتم الان الحدث عن هذه المواضيع واين كانت وزارة الصحة عند استيراد الاف الاجهزة منذ سنوات طويلة ..؟؟ لماذا لم تمنع دخولها او علي الاقل تقننها ؟؟؟

[محمدسالم يوسف]

السلام عليكم
انا اقولك الفرق بين الفلتر الثلاثي والخماسي لانه تخصصي وشغلي
الثلاثي نوعين
1- نوع ثلاثي عادي والحنفية فيه وله وصله علي الحنفية مباشرة وده مش حلو ومش بفضله .
2- والتاني الثلاثي بالتعقيم وده بيعقم الميه فوق انه بيشيل منها الشوايب والرمل والصدا والكلور والشبه .
اما الخماسي بقا فبارضو نوعين
1- خماسي بالتعقيم بالاضافة بارضو لنزع الشوايب والرمل والصدا والكلور والسموم فبيحلي طعم الميه وده بيعتبر محطة ميه مصغرة للمنزل وده ممتاز لو مية نيل.
2- اما في خماسي بالممبرين وده بينزع املاح المية وبيبقا افضل لو مية ابار او حد عنده مشاكل كلي .
منقول

[علي امين2010]

المشاركة الأصلية كتبت بواسطة مصطفي تايجر

لية يا استاز علي هي دي مش من الصحة والمعرفة
انا بساءل عن معلومة يا اخي وعايز جواب وبصراحة انا قولت
اول واحد هيرد علية الاستاذ علي امين علشان انا متابع كل مشاركاتك

اولا شكرا لك استاذي الفاضل
ثانيا انا والله مش قصدي اضايق حضرتك
بس حضرتك طلبت الفرق بين الفلاتر في المراحل وهذا مايصعب علينا بسبب عدم معرفتي لتركيب كل واحد منهم وفوائد كل منهم
اكرر اسفي

[علي امين2010]

طب لوسمحت أ:محمدسالم يوسف

ممكن اعرف مزيد من عمليه تكرير المياه يعني المشرف علي هذه العمليه والمنفذ الخ
شكرا لك تفبل من خالص التحيه

[السيدحسين]

واللة العظيم كلمكم كلة جميل بس أنا مركب فلتر 7 مراحل وفعلا ميتة جميلة جدا لانة بيشيل الشوائب والرمل الموجودة بالمياة وتحياتى للجميع