[احمد البطل]

كيفية عمل مشاركة للكمبيوتر والتسجيل عليه بدلا من الفلاشة للكيوماكس الجوكر

الموضوع عبارة عن كيفية عمل مشاركة بين الكمبيوتر والكيوماكس 999 اتش دى ( الجوكر ) لامكانية التسجيل مباشرة على الكمبيوتر وايضا امكانية عرض الافلام الموجودة على الكمبيوتر بدون الحاجة الى استخدام فلاشة ....... وطبعا من الممكن ان يتم تحميل السوفت كام او ملفات القنوات ايضا بنفس الطريقة

وداعا للفلاشة

نبدأ بأولى الخطوات وهى تجهيز الكمبيوتر للمشاركة وذلك بالدخول على Control Panel ثم الدخول الى User Accounts

ثم تفعيل اكاونت ال Guest

وعمل باسورد للاكاونت Guest

ثم الدخول الى بارتيشن C وانشاء فولدر جديد باى اسم وليكن مثلا osama ثم عمل شير للفولدر كما بالصورة التالية

وبكده نكون انتهينا من الخطوات اللازمة على الكمبيوتر وننتقل الى الريسيفر لضبط الاعدادات اللازمة كما بالصور التالية على الترتيب

ندخل الى القائمة الخاصه بالريسيفر ونختار Advanced

ثم نختار SMB File Setup

ثم يتم كتابة البيانات كما بالصورة التالية مع تغيير الايبى الى ايبى الكمبيوتر الخاص بك وطبعا ممكن تغير اسم الفولدر حسب اسم الفولدر اللى اتعمل على بارتشن C فى الكمبيوتر كما ذكرنا سابقا ثم نكتب الباسورد الخاص باليوزر Guest كما ذكرنا ثم ننزل الى اختيار SMB Enable ونختار امامه Yes بدلا من No ثم اوك

يتم الضغط على زر USB من الريموت ( خللى بالك ان مفيش فلاشة فى الريسيفر )

ثم يتم الضغط على الأصفر ونختار Set Recording Path

ونفعل كما بالصورة التالية ونختار Yes

والان لو لوضعنا فلاشة داخل الريسيفر وحاولنا الدخول عليها سنجد الريسيفر قد اعطانا الشكل التالى مما يدل على تعرفه على الكمبيوتر وان الاعدادات سليمة

O تعبر عن البارتشن C على الكمبيوتر
C تعبر عن الفلاشة التى ادخلناها فى الريسيفر

الان يمكننا التسجيل مباشرة على الكمبيوتر وبدون الحاجة الى الفلاشة تماما

اضغط على Record

ثم يمكننا وقف التسجيل لنشاهد النتيجة انه تم التسجيل على الكمبيوتر مباشرة

شكرا خاص الى الاستاذ OSAMA على الشرح الفوق ممتاز

وهذا هو ما طلب
تنبيه : الرجاء عدم استخدام هذا الموضوع فى ما يغضب الله ويسمح بالنقل بحرية كاملة مع ذكر التنبيه ..... هدانا الله واياكم الى سواء السبيل

ملحوظه :
لو انت على ويندوز اكس بى تأكد من تسطيب النتورك صح ......... يعنى تفتح My Network Places ثم من القائمة التى على اليسار تضغط على Set up a home or small office network ثم تضغط على Next الى اخر الخطوات وبعد ما يخلص السيت اب الكمبيوتر هيعمل ريستارت ...... ان شاء الله بعد الريستارت ستجد ان الريسيفر تعرف على الكمبيوتر بنجاح

لو انت على ويندوز سيفن يبقى لازم تبقى مفعل خيار turn on Network discovery and file sharing

[احمد البطل]

كيفية عمل باسورد للاكاونت Guest

[denasat]

مشكور اخى فعلا كل يوم مع الجهاز العملاق جديد

[احمد البطل]

ولا انسى ان الموضوع موجود لكننى فضلت عمله بالتنسيق الافضل

http://www.masrawysat.com/vb/showthread.php?t=10276

[ABO SAIF&NOOR]

[waled_2009]

[lando_bix]

[سمعان]

الله ينور عليك يا بطل و الف الف الف شكررررررررررررررررر

[محمد سماحة]

الف شكر ياأحمد باشا . الموضوع دة موضوع جامد جدا وأنا عملتة ونجح معايا وفعلا دلوقتى بسجل على الكمبيوتر من غير فلاشة ولكن فية مشكلة أعتقد أنها ستواجة كل واحد يستخدم هذة الخاصية وهى : لما بشغل الفيديو المسجل على الكمبيوتر عن طريق الريسيفر بالريموت بيشتغل مية مية . ولكن عند الدخول على الكمبيوتر لتشغيل الفيديو من على الكمبيوتر (بالماوس) الميديا بلاير بيعرض الصورة بحركة بطيئة . ودة معناة أن الريسيفر موجود بداخلة مشغل ميديا بلاير ممتاذ فى تشغيل ملفات ال mpeg ts .. يبقى ناقص عندنا للكمبيوتر مشغل ميديا بلاير يشغل هذا النوع من الملفات بكفاءة عالية .. ياريت أكون وصلت المعلومة الى أنا أقصدها صح .. وياريت لو مشغل الميديا بلاير دة موجود ترفعهولنا حتى تكتمل هذة الخاصية الرهيبة . لهذا الجهاز العملاق .

[احمد البطل]

المشاركة الأصلية كتبت بواسطة محمد سماحة

الف شكر ياأحمد باشا . الموضوع دة موضوع جامد جدا وأنا عملتة ونجح معايا وفعلا دلوقتى بسجل على الكمبيوتر من غير فلاشة ولكن فية مشكلة أعتقد أنها ستواجة كل واحد يستخدم هذة الخاصية وهى : لما بشغل الفيديو المسجل على الكمبيوتر عن طريق الريسيفر بالريموت بيشتغل مية مية . ولكن عند الدخول على الكمبيوتر لتشغيل الفيديو من على الكمبيوتر (بالماوس) الميديا بلاير بيعرض الصورة بحركة بطيئة . ودة معناة أن الريسيفر موجود بداخلة مشغل ميديا بلاير ممتاذ فى تشغيل ملفات ال mpeg ts .. يبقى ناقص عندنا للكمبيوتر مشغل ميديا بلاير يشغل هذا النوع من الملفات بكفاءة عالية .. ياريت أكون وصلت المعلومة الى أنا أقصدها صح .. وياريت لو مشغل الميديا بلاير دة موجود ترفعهولنا حتى تكتمل هذة الخاصية الرهيبة . لهذا الجهاز العملاق .

تمام حبيبى

لكن ممكن تحول الصيغه الى صيغه اخرى

[osamaharam]

المشاركة الأصلية كتبت بواسطة احمد البطل

وهذا هو ما طلب
تنبيه : الرجاء عدم استخدام هذا الموضوع فى ما يغضب الله ويسمح بالنقل بحرية كاملة مع ذكر التنبيه ..... هدانا الله واياكم الى سواء السبيل

شكرا اخى الكريم على الامانة فى النقل والأهم هو تلبية الطلب

بارك الله فيك ..... ومرة اخرى رجاء عدم استخدام هذا الموضوع فى ما يغضب الله

[mahmoudbadr]

شكرا استاذ اسامة صاحب الموضوع وشكر خاص للاستاذ احمد البطل اللى طول عمره بطل بالفعل بجد بجد مجهود رائع بارك الله فيكم والى الامام ديما يارب

[Ashrafkmn]

مشكورا باأخى عملا رائع

[med7at8]

شكرا لكن للاسف انا عملت كل الخطوات صح وبيكتبلى فى الرسيفر امام file system كلمةunsupport والمساحه صفار ولا يقبل تسجيل ما الحل من فضلك

[khalid]

الكمبيوتر يرفض الشير