[solom]

السلام عليكم ورحمة الله وبركاته
اليوم أول مرة أقرأ عن كيوماكس H2 mini
انا كان نفسى أشترى جهاز مافيهوش سنة مجانية لفك القنوات المشفرة لأنى أخاف عقاب الله لو أخذت خدمة بدون دفع ثمنها
وبفضل الله قرأت هنا موضوعاتكم الرائعة عن كيوماكس H1 و H2 المينى الخاليين من اللان ومن ********* - وهذا بالضبط ما كنت أبحث عنه

وناوى أشتريه بكرة بإذن الله
فيا ترى كم سعره الآن فى السوق؟
انا قرأت انه كان ب 190 الشهر اللى فات - أكتوبر
فهل رخص حاليا ام مازال بنفس السعر؟
وهل معه ضمان ام بدون ضمان؟
وهل يعرض 1080p وللا 1080i فقط ؟

بارك الله فيكم ووقانا واياكم شر الحرام ومتعكم بالصحة والعافية

[ZATONA202001]

سعره 190 جنيه ويعرض 1080p على السوفت رقم 1.15

[solom]

هايل جزاك الله خيراً أخى الكريم
ربنا يبارك لك

[ZATONA202001]

المشاركة الأصلية كتبت بواسطة solom

هايل جزاك الله خيراً أخى الكريم
ربنا يبارك لك

وجزاك الله خيراً أخى الكريم فى الله اى استفسار انا فى الخدمة

[ZATONA202001]

المشاركة الأصلية كتبت بواسطة solom

هايل جزاك الله خيراً أخى الكريم
ربنا يبارك لك

وجزاك الله خيراً أخى الكريم فى الله اى استفسار انا فى الخدمة

[solom]

هل الجهاز عليه ضمان سنة ام بدون ضمان ؟
وهل معاه كابل اتش دى فى العلبة ؟

[solom]

الحمد لله اليوم اشتريت الريسيفر H2 mini
سعره فى محلات باب اللوق يتراوح بين 200 و 230 - لكن انا عرفت اشترى جهازين ب190 الواحد
هو معاه ضمان عبارة عن صفحة فى دليل المستخدم - لكن البائع قال لى ما تعتمدش على الضمان لإنهم لو رحت لهم بعيب فيه حيبعتوه اسكندرية ويستغرق شهرين لغاية ما يرجع لك

الجهاز جميل وسعره خيالى - الصورة بنفس جودة الجوكر V1 اللى عندى من 3 سنين - لكن يتفوق عليه فى انه بيعرض 1080p بينما الجوكر 1 بيعرض 1080i فقط
وكمان المينى اسرع من الجوكر 1 فى التنقل بين القنوات
اما السوفت فهو نفسه سوفت السوبر بتاع الجوكر 1 - مع بعض التحسينات للأفضل

الجهاز معاه ريموت صغير مختلف عن ريموت الجوكر 1 وعن الاتش 1
وقد صورتهم جنباً الى جنب لكم

الريموت الصغير بتاع الاتش 2 مينى شكله أمتن من ريموت الجوكر الكبير
لكن صغر حجم الزراير يجعله غير مريح فى الاستخدام خصوصا للأيدى الكبيرة
وكمان لا يوجد زر فى الريموت لبرمجة التسجيل كما هو موجود فى الريموت القديم - وعشان تبرمج التسجيلات لازم تدخل جوة المينيو فى خطوات متعددة
(ياريت لو حد إكتشف طريقة لبرمجة التسجيل من الريموت مباشرةً يفيدنا )

وجود زراير الآرقام تحت مكانهم غريب ومش متعودين عليه - وصعب تدوس مثلاً على الصف الأخير الا لو استخدمت ايدك التانية

ترتيب الملفات على اليو اس بى أفضل من الجوكر 1 - والجهاز بينشئ مجلد منفصل لتسجيلاتك حتى يسهل الوصول اليها فيما بعد - وبعد دخولك المجلد سيظهر لك فقط ملفات العرض فقط بدلا من عرض باقى الملفات التى لن تحتاج ان تضغط عليها (هذه الملفات تظهر لو وضعت اليو اس بى فى الكمبيوتر)

الجهاز يعرض قنوات الاتش دى المفتوحة (6 قنوات حاليا على النايل سات) بصورة جميلة لا تقل جودة عن الجوكر 1
بالمناسبة حد يعرف قناة دريم اتش دى قفلت وللا ايه؟ هى اختفت من النايل سات مش عارف ليه

الجهاز معه كابل اتش دى جودته معقولة وبيعرض بكفاءة بلا مشاكل

انا قرأت انه ممكن يسجل من قناتين فى نفس الوقت - لكن مش عارف ازاى
ممكن حد يشرح لنا الطريقة من فضلكم؟
لما بسجل من قناة بيكتب Rec 1
معنى كدة انه ممكن يسجل على 2 - بس ازاى بقى؟
لما ادوس على زر التسجيل الأحمر فى قناة تانية بيسألنى عايز اسجل كام دقيقة ... مش بيسجل القناة التانية

[ibrahim2010551]

الف شكر على المتابعه الجميله

[solom]

العفو يا أستاذ ابراهيم

[solom]

ملاحظاتى على الأتش 2 مينى - بعد يومين استخدام لجهازين بالمقارنة مع الجوكر 1

• الصوت منخفض عن الجوكر 1 - أقصى درجة صوت أقل من نصف مستوى صوت الجوكر 1 - أتمنى أن تكون مشكلة سوفت تتحل فى الإصدارات القادمة - اما لو كان تصميم الهاردوير كدة يبقى المشكلة مالهاش حل
• يبدو ان رامات الجهاز قليلة - لأنه الجهاز بيتأخر فى تنفيذ الطلبات السريعة - يعنى مثلا لو ضغطت على زر الصفحات ولم ترفع يدك يتم التنفيذ ببطء - وبعد ما ترفع يدك يواصل الجهاز الانتقال للصفحات التالية مدة طويلة - فهو متأخر فى التنفيذ السريع
• ريموت الاتش 2 المينى الصغير ازراره متلاصقة بطريقة تنرفز ويصعب التنشين على الزر المراد
• لا يوجد فى الريموت زر Time للأسف مثلما كان فى الريموت الكبير القديم - وعشان تبرمج التسجيل على الفلاشة لازم تدخل على المنيو فى أكثر من خطوة
• أكبر مشكلة لاحظتها هى عند مشاهدة قنوات اتش دى - مثل الجزيرة للأخبار الرياضية وقناة ابو ظبى الرياضية - إذ فجأةً الجهاز بيقطع صوت والصورة تقف وترجع تتحرك وتقف تانى ثم الجهاز كله يهنج ولازم تطفى الجهاز من ورا وتفتحه تانى - جربت تغيير الصوت من بى سى ام الى ايه سى 3 وجربت 1080 آى و 720 و570 بلا فائدة - هناك احتمال يكون من كابل الاتش دى ودى لسة مجربتهاش

[ZATONA202001]

المشاركة الأصلية كتبت بواسطة solom

ملاحظاتى على الأتش 2 مينى - بعد يومين استخدام لجهازين بالمقارنة مع الجوكر 1

• الصوت منخفض عن الجوكر 1 - أقصى درجة صوت أقل من نصف مستوى صوت الجوكر 1 - أتمنى أن تكون مشكلة سوفت تتحل فى الإصدارات القادمة - اما لو كان تصميم الهاردوير كدة يبقى المشكلة مالهاش حل
• يبدو ان رامات الجهاز قليلة - لأنه الجهاز بيتأخر فى تنفيذ الطلبات السريعة - يعنى مثلا لو ضغطت على زر الصفحات ولم ترفع يدك يتم التنفيذ ببطء - وبعد ما ترفع يدك يواصل الجهاز الانتقال للصفحات التالية مدة طويلة - فهو متأخر فى التنفيذ السريع
• ريموت الاتش 2 المينى الصغير ازراره متلاصقة بطريقة تنرفز ويصعب التنشين على الزر المراد
• لا يوجد فى الريموت زر Time للأسف مثلما كان فى الريموت الكبير القديم - وعشان تبرمج التسجيل على الفلاشة لازم تدخل على المنيو فى أكثر من خطوة
• أكبر مشكلة لاحظتها هى عند مشاهدة قنوات اتش دى - مثل الجزيرة للأخبار الرياضية وقناة ابو ظبى الرياضية - إذ فجأةً الجهاز بيقطع صوت والصورة تقف وترجع تتحرك وتقف تانى ثم الجهاز كله يهنج ولازم تطفى الجهاز من ورا وتفتحه تانى - جربت تغيير الصوت من بى سى ام الى ايه سى 3 وجربت 1080 آى و 720 و570 بلا فائدة - هناك احتمال يكون من كابل الاتش دى ودى لسة مجربتهاش

السلام عليكم ورحمة الله وبركاته كلام حضرتك مضبوط فالسوفت اللى على الجهاز رقم 108 وهو فعلا بطىء عن تجربة شخصية ويزيد عيوب اضافة لما زكر عند فصل الجهاز على وضع استاند باىتظهر الساعة ولكن الرقام مقطعة وغير كاملةعلى شاشة الرسيفر واوقات لايريد العمل من الريموت مرة اخرى ولازم تفصله من البور الخلفى وكانت اعلى جودة صورة1080i وقمت بتحديث السوفت الى السوفت رقم 115 وكانت المفاجأة شاشة الرسيفر تعمل جيداً وجودة الصورة1080p والجهاز ولا أروع صارسريع جدأ جدأ جدأبالمقارنة بالسوفت القديم والبحث على القنوات سريع جدا وبلاتهنيج وشكل القوائم جميل والتسجيل والعرض على الفلاشة يعمل بشكل جيد جدأ ولكن لااعرف كيف يسجل من قناتين فى وقت واحد وبالنسبة للصوت فهو نقى جدأ ومسموع وليس منخفض لدرجة تضايق المشاهد واكيد طلما عرفوا يحلوا البطء وتقطيع الارقام على شاشة الرسيفر لانى بصراحة كنت فاكر ان الشاشة بيظة ورايح اغيره من التاجراللى اشتريته منه يبقى اكيد هايعالجوا الصوت فى الاصدارات القادمة ان شاء الله وبالنسبة للريموت فهو تحفة بمعنى الكلمة ومتين جداولكن ترتيب الزراير جديد غير المعتاد ومع الاستخدام هانتعود عليه والتهنيج لايحدث الا مع كثرة اعطاء الاوامر للجهاز بسرعة والجهاز فى المجمل جيد جداااا ويرب الوكيل يدعمه ولا يتركه كالعادة كما يفعل مع باقى الاجهزة اول متخلص من السوق ولاسوفت واحد ينزل جديد فهو بهذة الطريقة يخسر ثقة الناس فيه وفى النهاية رئى الشخصى فى الجهاز ممتاز جداً فى كل امكانياته وسعره ولكن هذة الاجهزة حساسة يعنى لاللعبث بالاجهزة والتحديثات التى لا تضيف ميزة جديدة حتى لانتلفها

[solom]

ألف شكر على مشاركتك يا استاذ زتونة
انا لا حظت كمان ان عند برمجة التسجيل لمدة طويلة على فلاشة متفرمته NTFS يتعامل معها الهاز كما لو كانت متفرمتة FAT32 فبقوم بتقطيع التسجيل كل 4 جيجا على ملف منفصل - بينما المفروض انه يسجل المدة الطويلة على ملف واحد كما يفعل الجوكر 1 - يبدو ان السوفت يتعامل مع كل الفلاشات على انها fat32

وكمان لاحظت ان الجهاز لا يطفئ نفسه لو برمجته يقفل بعد انتهاؤه من التسجيل
وكمان التسجيل بيتلخبط بدئاً من التسجيل الثالث لنفس اليوم - يعنى لو برمجته يسجل مرتين فى اليوم ميش مشاكل - لكن لو برمجته يسجل 3 مرات فى نفس اليوم المرة الثالثة يخرف ويسجل مستمر بعد المرة الثانية حتى تمتلئ الفلاشة عن آخرها بغض النظر انت طالب منه ايه فى التسجيلة الثالثة!!
بينما فى الجوكر 1 لو برمجته يسجل 4 مرات فى اليوم نفسه يسجلهم بمنتهى الدقة وفى المواعيد اللى انت محددها له بالظبط ويقفل ويفتح زى ما انت قلت له تمام

[solom]

المشاركة الأصلية كتبت بواسطة solom

ملاحظاتى على الأتش 2 مينى - بعد يومين استخدام لجهازين بالمقارنة مع الجوكر 1

• أكبر مشكلة لاحظتها هى عند مشاهدة قنوات اتش دى - مثل الجزيرة للأخبار الرياضية وقناة ابو ظبى الرياضية - إذ فجأةً الجهاز بيقطع صوت والصورة تقف وترجع تتحرك وتقف تانى ثم الجهاز كله يهنج ولازم تطفى الجهاز من ورا وتفتحه تانى - جربت تغيير الصوت من بى سى ام الى ايه سى 3 وجربت 1080 آى و 720 و570 بلا فائدة - هناك احتمال يكون من كابل الاتش دى ودى لسة مجربتهاش

انا جربت الجهاز الثانى اللى اشتريته فوجدت ان قنوات الاتش دى الجزيرة الرياضية الاخبارية وابو ظبى شغالين زى الفل ومش بيقطعوا لا صوت ولا صورة - معنى كدة ان الجهاز الأول به عيب هاردوير - وباذن الله سأعيده للمحل لاستبداله بجهاز آخر - المهم انى حبيت اذكر هنا ان الاتش 2 المينى بيشغل قنوات الاتش دى تمام بس لما تشتروا جربوا الجزيرة الرياضية وابو ظبى وتأكدوا قبل الشراء من انهم مش بيقطعوا صوت او صورة

[solom]

قمت امس باستبدال الجهاز اللى بيقطع صوت وصورة مع قنوات الجزيرة اتش دى وابو ظبى اتش دى المفتوحين - واعطانى البائع جهاز بداله شغال تمام والحمد الله - بس بذلت مجهود شاق لاقناعه بتبديله لانه قال لى الكيوماكس مافيهوش مرتجع - بعد كدة نصيحتى ليكم ماتشتروش اى جهاز كيوماكس الا بعد تجربته تماما فى المحل قبل الشراء وخصوصا قنوات الاتش دى

[solom]

لكن تظل مشكلة برمجة التسجيل من القنوات بلا حل
لو انت ظبت الجهاز انه يسجل مثلا من الساعة 5 الى الساعة 6 - ستفاجأ بأن الجهاز بدأ يسجل ولم يتوقف الساعو 6 - بيفضل يسجل مع نفسه لغاية ما الفلاشة تتملى!!!
ولو قلت له يقفل بعد انتهاء التسجيل لا ينفذ ويظل مفتوح - حتى بعد الفلاشة ما تجيب آخرها يظل برضه الجهاز مفتوح!!!

أعتقد دة عيب سوفتوير وياريت يصلحوه فى إصدار قادم