[mahmedadel2100]

لعب الزمالك مساء السبت امام فريق اتحاد الشرطة بقميص لونه وردى يرتديه الفريق لاول مرة فى لقاء رسمى وهو ما اثار السخرية التى اظهرت خفة الدم الذى يتمتع به المصريين.
وعلى الفور امتلئت مواقع التواصل الاجتماعى بتعليقات ساخرة وقفشات كوميدية وصور كوميدية تعكس مدى خفة الظل حتى انم شجعى الزمالك اتهموا الادارة بوضع النادى فى مواقف محرجة والتسبب فى احراج ناديهم باختيار هذا اللون.
حيث تم تخصيص اكثر من هاشتاج مخصوص لهذا الامر عبر موقع تويتر وقال احد الزمالكوية: لا والله مين اللي تعاقد على الزي ده ؟؟ شاف فيه ايه يعني حلو ؟ امال الفريق الحريمي يلبس ايه! واخر .. كدة أي جول هايجيبو الزمالك هايبقي "حظ عوالم".
ولم تقتصر التعليقات على هذا الامر فربطها البعض بالاحداث التى تمر بها البلاد وقال : و ده لما يتشد من الفانيلة يبقى فاول ولا تحرش .. ودافع البعض قائلا: اللاعيب مش بفانلته اللاعيب بالجول اللي بيجيبو لفرقته.، وبالطبع كان لاقتراب موعد عيد الحب اثره على التعليقات والصور فقالوا: البنت بعد كدا هتجيب تيشرت الزمالك هدية لحبيبها في الفالانتين.
واظهر بعض المنتمون الى الزمالك سخطهم من اللون كاتبين: ياااربي ...قال يعني الزمالكاويه ناقصين سبب جديد للشقاء وتريقه الكون علينا.! .. مقتنع إن الزمالك يغير لونه عشان النحس يمكن يتفك..لكن #فوشيا يبقى كده عيب وحرام وتتهزله سبع سماوات
ودافع البعض قائلين .. يا بخت المراته زمالكوية يدوبك يجبلها تيشرت الزمالك تلبسه قبل النوم .. الناس دي بتعمل فينا كده ليه يا كابتشن .. قل كابتشن نادي الزمالك ولا تقل كابتن نادي الزمالك .. شعار الزمالك من حقنا من حقنا نلاقى حضن يضمنا.

[hady2004]

الموضوع عادى جدا يعنى المهم فى اللعب وليس الشكل

[جمعه الديسطي]

شكر لك اخي

[الجوكرالفضائى]

دة حال الشعب المصرى يجى على الخايبة ويتصدر
سبنا كل مشاكل البلد وبنتكلم فى لون فانلة كرة قدم

[السيدعبدالعزيز]

رغم لون التيشيرت لايعجب الكثيرين الا ان اداء الزمالك كان رائع جدا ...