[mylover]

بسم الله الرحمن الرحيم
السلام عليكم ورحمة الله وبركاته
لحد إمتى هنفضل ساكتين !! – لازم نتكلم
والكلام اللى من غير عمل – ملوش لازمة – لازم يكون لينا تصرف إيجابى

لو شفت عرضك بينتهك – وأختك بتغتصب وإنت قاعد ساكت – هتبقى ديوث والكل هيحقر منك
ولو شفت دينك بينتهك – والاسلام بيحارب فى كل مكان – حتى من حكومة دولتك المفترض إنها مسلمه .. وسكت هتبقى إيه !!


من فتره عدت – وبسبب شكوى اليهود الإسرائيليين – تم إنذار قناة الرحمه بالإغلاق
وهى قناة إسلامية تطبق السنه الصحيحه والمنهج الصحيح وتعلمنا تعاليم ديننا وتنصح للأمه الإسلاميه بالحق
ومن كام يوم فوجئنا بإغلاق ثلاث قنوات إسلاميه بدون سابق إنذار ،، وهى قنوات تطبق السنه الصحيحه أيضاً
]قناة الناس - قناة الحافظ - قناة الخليجيه]
ركزوا – لما اليهود هما اللى كانوا سبب إغلاق القناة تم إنذار القناة أولاً ..
لكن لما المنافقين فى بلدنا – هما اللى كانوا سبب فى إغلاق القنوات الإسلاميه – أغلقت حتى بدون إنذار
لأن المنافقين أقبح والعياذ بالله من اليهود .. وياريت الناس تقرأ كلامى للآخر …
من لحظات – فوجئنا كمان بإغلاق قناة الرحمة والحكمه ،، وبرضوا بدون سابق إنذار !!
إيه اللى بيحصل بالظبط ؟؟ – أقوللكم أنا إيه اللى بيحصل …
مصر بالخصوص تشهد فى الثلاث السنوات الأخيره صحوه إسلاميه كبيره جداً بفضل الله
وده لظهور دعاه كرثوا كل اموالهم وأوقاتهم ومجهوداتهم لخدمة دين الله وإصلاح المجتمع وتعليم الناس الدين ورجوعهم للإسلام
ظهروا العلماء دول بالخصوص فى الإسكندريه – وفى المنصوره – وفى القاهره
وإمتدت شعبيتهم لباقى محافظات مصر وللدول العربيه كلها عن طريق الفضائيات اللى على المنهج الصحيح
طيب .. هل ده يرضى دولتنا وحكومتنا الموقره ؟؟
أكيد لأ ،، وبدون تعصب وبكل حق – اللى ميرضيش اليهود ميرضيش حكومتنا ..
حكومتنا والله والله زى ما تكون عاوزه الشعب يكفر ..
لما تتقفل الـ 5 قنوات الفضائيه الإسلاميه اللى على الحق كلها ،، وميتبقاش ولا قناة ممكن الناس تشوفها تتبع الحق
وتتبع سنة نبينا محمد – صلى الله عليه وسلم – زى ما حبيبنا علمنا .. مش زى ما هما عاوزين دلوقتى !
قنوات الدعاره والأفلام كلها شغاله ،، وكمان قنوات التنصير ،، والقنوات الشيعيه اللى بتكفر علناً على شاشاتها أم المؤمنين
وحبيبة رسول الله (أمنا عائشه رضى الله عنها) ،، وصحابة رسول الله ،، قنوات بتكفر كل دول وشغاله وزى الفل
ومش بعيد تاخد دعم كمان من حكوماتنا اللى بتحارب الاسلام أكتر ما عدونا من اليهود والغرب بيحاربه
ياريت الناس تفوق – أبوس إيديكم فوقوا
والله العظيم والله العظيم الإسلام ما هيوقف على قناة ولا داعيه إسلامى ولا ألف حتى ..
الإسلام دين الله ،، والله ناصره ولو كره الكافرون
ربنا وعدنا بنصر الإسلام ،، وإنه راجع راجع ،، والرسول وعدنا بنصر الإسلام وإنه راجع راجع
أيوه – والله رسولنا قال على الوضع اللى إحنا فيه دلوقتى ده من ذل وهوان ونفاق من ناس وسطنا عاوزين يودونا فى داهيه
ووعد بإن بعد كل ده الدين هيرجع هيرجع ،، وانا بصدق رسول الله ،، وطبعاً طبعاً بصدق ربنا ..
وعلى يقين من إن الدين راجع ،، ودين الله سينتصر على العلمانيين فى بلدنا قبل اليهود بره بلادنا
المشكله مش فى كل ده ! – المشكله عندنا إحنا !!
اللى حارق قلبى ،، ومخلينى هنفجر – الناس !! – إحنا فين ؟؟؟
الدين راجع راجع – بس المهم إنت هتكون فين ؟؟ – هتكون من اللى بيحاربوا رجوعه – بقصد او بدون قصد
ولا هتكون من اللى بيشجعوا رجوع الإسلام ورفع رايته وتطبيق الاسلام بشكل صحيح فى بلادنا !
لما الإنتخابات جايه – وعمالين يضحكوا على كل الناس وشجعوا جمال ويحيى ابن الريس ونؤيد جمال …
إيه النفاق اللى فى الناس ده ،، وإيه الغباااااااااااااااااااااء المتفحش اللى فى الناس ده !!!!
فوقوااااااااااااااا – فوقوا ابوس ايديكم ورجليكم
أنا مبقولش اطلعوا اعملوا مظاهرات وكسروا الدنيا – لأن ده مش من الإسلام أصلاً ..
بس الوعى العام فين ؟؟
اللى بيحارب دينك – تأيده ليه ؟؟
شفت إيه من أبوه كويس علشان تشوف منه !!
كل شىء غلى ،، والاسعار كلها نار والشباب كله عاطل والناس حالتها حاله – والفساد مالى البلد من اولها لآخرها
ولسه بنقول جمال !! ولسه بنقول بنحبك يا ريس !!
وإيه دخل جمال والريس فى إغلاق قناة الرحمة والناس والحكمه والحافظ والخليجيه !!
ولا اللى بيكتب ده عميل لمرشح تانى ضد الريس !!
فيه ناس هتقول كده – لأن الناس مش هيهما الموضوع كله وهتفكر فى النقطه دى ..
أنا أقسم بالله لا مع حد تانى ولا تالت ،، أنا شاب مصرى بحب دينى وبحب بلدى
وعاوز حاكم يتقى الله فى شعبه – وعاوز أوعى شباب بلدى
ماله إزاى !! – فى تصريح واضح جداً قالوا إن إغلاق القنوات الثلاث الفضائيه جه بقرار من وزير الإعلام
سايبين قناة ميلودى وقناة الحياه (النصرانيه) وقنوات الأغانى كلها والقنوات الأجنبيه اللى أفلامها كلها دعاره علنيه و
قنوات الشيعه وقنوات التنصير ،، ………. كل ده شغال فى بلدنا بدون مشاكل
– رغم ان لو فيه دين عند المسئولين مكنش القنوات دى هتبث فى بلادنا ..
ويغلقوا كل القنوات الإسلاميه !!!!
بالله عليك تسمى ده إيه ؟؟؟
اللى عاوز يدافع عنهم – هيقول ايه !! – ده حتى والله النصرانى اللى عاوز يدافع مش هيبقاله عين يتكلم
الاسلام بيحارب فى دولة إسلامية من حكومة الدوله – وعلناً – وقبل الإنتخابات كمان ..
إستنتجتوا حاجه تانيه ؟؟؟؟؟؟
إنهم حتى مش عاملين حساب للرأى العام بتاع الشعب ولا إن الناس هتتقلب ضد الحكومه لمحاربة دين الاسلام ولا …….
عارفين ليه ؟؟؟
لأنهم عن طريق القناة الاولى والتانيه ودريم والحياه و…….. – ربوا شباب الدوله كلهم على نسيان الدين
وحب المسلسلات والافلام – وكل ما ينافى الدين
كمان لأنهم عارفين كويس جداً – إن القنوات دى – لو كانت قنوات (رياضيه) زى قناة الأهلى ولا مودرن سبورت ولا ….
كان اكتر من نص شباب مصر باتوا فى الشوارع إحتجاج على إغلاق قنوات الكوره
لكن القنوات الاسلاميه !! – فى داهيه وهى فارقه معاهم ايه ؟؟
للأسف – ده اللى وصلناله – وده اللى وصله شبابنا – ولا حول ولا قوة الا بالله
وحسبى الله ونعم الوكيل
لما كلب يهاجم الاسلام والقنوات الاسلاميه على القناة الرسمية للبلد ويتورط فى إغلاق القنوات الاسلاميه
وحتوا زملاؤه فى نفس البرنامج رفضوا الحلقه اللى هاجم فيها القنوات الاسلاميه والمشايخ بتوعنا وأئمتنا ..
وهو بكل بجاحه وقف وقال وافترى عليهم كتير وهزأ مشايخنا وعلماؤنا ورموز الدين فى بلدنا وأمتنا الإسلاميه !!!!
مين إتحرك ؟؟ ومين إتكلم ؟؟
محدش !! – لأ فيه ناس إتحركت …
فيه حكومة بلدنا تشجيعا للحيوان ده ولغيره من مهاجمى الاسلام فى بلدنا إتحركت وأغلقت القنوات دى
كانت مستنيه صحفى ولا إعلامى يتكلم وهما هيقوموا بالواجب
فيه إدارة تنصير سات (نايل ست سابقاً) – أغلقت القنوات الاسلاميه كلها بقرار من وزير الاعلام فى مصر
ليه ديننا بيتحارب فى بلدنا ؟؟ – حرب على النقاب وحرب على القنوات الاسلاميه وحرب على كل ما يمت للإسلام بصله !!
وبنعيب على الغرب لمحاربة الاسلام ؟؟
دينكم بيهان يا مسلمين
الاسلام بيهان ،، وبيقفلوا فى وشكم كل سكه تتعلموا منها دينكم .. إلا السكك اللى بتعلمكم الدين اللى معموله Update
من شيخ الازهر والمفتى وغيرهم من اللى حللوا الموسيقى وربا البنوك والاغانى وغيره وغيره – إرضاء للدوله
هتروحوا من ربنا فين ؟؟ – ما رسول الله صلى الله عليه وسلم قالنا والله عليكم وعلى اللى هتعملوه
لكن انا بكلم كل شاب وكل فتاه وكل أب وكل أم بيحب دين الله
ما تسمعوش كلامهم ،، ومتشجعوهمش على محاربة دين الله ،، وقولوا لأ لإغلاق القنوات الإسلاميه بأعلى صوتكم
متدوش صوتكم لواحد تانى يكفرنا – ويحارب الاسلام بإيدينا
إرجعوا لربنا وخالوا الأزمه دى نصر لدين الله ،، وقاطعوا كل قنوات الافلام والاغانى والمسلسلات ،، وكمان قاطعوا القنوات العلمانيه
كفايه بقى ..
اللى مكانش بيسمع لمشايخنا وعلماؤنا يسمع ويشوف ويحكم بنفسه
لولا ما القنوات دى وصلت لكل الناس والناس حبتها جدا وبدأت ترجع للدين لولا ما حاربوها وقفلوها
القنوات دى هترجع تانى بإذن الله ،، وإن مرجعتش حتى فيه مخلصين فى الأمه والتزام الناس مش هيوقف
راجعوا أنفسكم – وراجعوا ضمايركم – وأخلصوا لدينكم – وإلتزموا بالإسلام الصح – وإسمعوا لعلماؤنا
وجزاكم الله كل الخير


كلمة أخيره للعالمانيين والمنافقين وأنصار حكومة التكفير وأنصار الحرب على الإسلام والقنوات الإسلاميه ..
والله العظيم ما هتفلحوا فى أى حاجه من اللى بتعملوها !
أنا بقول بكل ثقه وبحلف – لأنكم مش بتحاربوا فكر ولا حزب .. إنتوا بتحاربوا دين ربنا – اللى هو وعد بحمايته
حاربتوا النقاب – إنتشر أكتر من الأول أضعاف أضعاف
بتسخروا كل طاقاتكم وإعلامكم لحقدكم الكبير على إنتشار القنوات الاسلاميه وبيان قبح قنواتكم ودعارتها للجميع

قفلتوا قناة الرحمة قبل كده – وكان ده سبب فى إن ناس كتير مش بتتفرج على القناة شافتها وحبتها ورجعت لدينها وعرفت حقيقتكم
وعرفت حكم الإسلام بكلام رسول الله صلى الله عليه وسلم فى كل اللى بيحصل حوالينا
وده بين قبح المشايخ اللى إنتوا مصدرينم للشعب وبيفتوا بما يرضى الدوله لا بما يرضى الله – بدون قصد كمان
حاربتوا الإلتزام – إنتشر أكتر
كفايه غباااااااااااااااااااااااء – بتحاربوا مين ؟؟ – بتحاربوا ربنا !! – طيب ورونى هتوصلوا لفين واخرتكم إيه ،، والنصر لمين ؟
قال تعالى :
بسم الله الرحمن الرحيم
إِنَّ الَّذِيْنَ كَفَرُوا يُنْفِقُونَ أَمْوَالَهُم لِيَصُدُّوا عَنْ سَبِيْلِ اللهِ فَسَيُنْفِقُونَهَا ثُمَّ تَكُوْنُ عَلَيْهِمْ حَسْرَةً ثُمَّ يُغْلَبُونَ وَالَّذِيْنَ كَفَرُوا إِلَى جَهَنَّمَ يَحْشَرُونَ*
لِيَمِيْزَ اللهُ الْخَبِيْثَ مِنَ الطَّيِّبِ وَيَجْعَلَ الْخَبِيْثَ بَعْضَهُ عُلَى بَعْضٍ فَيَرْكُمَهُ جَمِيْعًا فَيَجْعَلَهُ فِيْ جَهَنَّمَ أُوْلَئِكَ هُمُ الْخَاسِرُونَ” (الأنفال: 36-37)
وقال تعالى :
بسم الله الرحمن الرحيم
(يريدون ليطفئوا نور الله بأفواههم والله متم نوره ولو كره الكافرون)
فموتوا بغيظكم – وسيظل فى الامة من يقف لكم ولن تستطيعون أن تخرسوا الجميع مهما فعلتم

[kaseem brrawe]

لو شفت عرضك بينتهك – وأختك بتغتصب وإنت قاعد ساكت – هتبقى ديوث والكل هيحقر منك
ولو شفت دينك بينتهك – والاسلام بيحارب فى كل مكان – حتى من حكومة دولتك المفترض إنها مسلمه .. وسكت هتبقى إيه !!

ما علاقة هذا الكلام بغلق قنوات تحض على الفتنة بين المسلمين والمسيحيين على ارض الكنانة مصر؟؟؟؟!!

ما علاقة هذا الكلام بغلق قنوات خالفت العقد الذي ابرمته بينها وبين الحكومة حتى وان كان فيه اجحاف ولكنها ارتضت ذلك؟؟؟

ما علاقة هذا الكلام بقنوات تريد ان تفهم الناس بان النقاب فرض ومن لم تنتقب فالى جهنم وبئس المصير هي وزوجها وابوها واخوانها؟؟؟؟

يا اخوانا تدبروا الامر وبلاش تهويل اكرمكم الله

[kaseem brrawe]

(يريدون ليطفئوا نور الله بأفواههم والله متم نوره ولو كره الكافرون)
فموتوا بغيظكم – وسيظل فى الامة من يقف لكم ولن تستطيعون أن تخرسوا الجميع مهما فعلتم

لاحول ولا قوة الا بالله !!

غلق قنوات السحر والشعوذة وتفسير الاحلام والمتاجرة بالدين اصبح اطفاءاً لنور الله !!

هذا الكلام لن ينطلي الا على الجهلة الذين لا يعرفون عن دينهم شيئاً

[نۨــٰا̍صــر ؏ــڶــۍۧ]

المشاركة الأصلية كتبت بواسطة kaseem brrawe

لاحول ولا قوة الا بالله !!

غلق قنوات السحر والشعوذة وتفسير الاحلام والمتاجرة بالدين اصبح اطفاءاً لنور الله !!

هذا الكلام لن ينطلي الا على الجهلة الذين لا يعرفون عن دينهم شيئاً

كفانا ترديد لكلام نسمعه ولا نعقله ، هل تابعت قناة الرحمه مثلا لتقول هذا الكلام ام انك اصلا لا تشاهدها فلا فرق عندك من غلقها او عدمه ، هل الشيخ محمد حسان ويعقوب وغيرهم من العلماء الافاضل يتاجرون بالدين .؟
هل اطلعت على الغيب فعلمت ما فى صدورهم ..؟
هل فسروا لك حلما اخى الفاضل ..؟
أعلم ان هناك قنوات تدعوا الى جهنم لو تم غلقها لحزن وتحسر البعض عليها اكثر من حزنهم على غلق هذه القنوات .
واعلم اخى الفاضل لو كانت هذه القنوات تفعل ما تقوله انت عنها ما تم غلقها .

[kaseem brrawe]

المشاركة الأصلية كتبت بواسطة nasser ali

كفانا ترديد لكلام نسمعه ولا نعقله ، هل تابعت قناة الرحمه مثلا لتقول هذا الكلام ام انك اصلا لا تشاهدها فلا فرق عندك من غلقها او عدمه ، هل الشيخ محمد حسان ويعقوب وغيرهم من العلماء الافاضل يتاجرون بالدين .؟
هل اطلعت على الغيب فعلمت ما فى صدورهم ..؟
هل فسروا لك حلما اخى الفاضل ..؟
أعلم ان هناك قنوات تدعوا الى جهنم لو تم غلقها لحزن وتحسر البعض عليها
اقسم بالله لو كانت هذه القنوات تفعل ما تقوله انت عنها صدقنى ما تم غلقها .

ربما لا تعلم انت انني اعقل كل ما كتبت ولم اسمعه من احد لكن شاهدته بام عيني !!

وهل ذكرت انا في كلامي قناة الرحمة تحديدا؟؟؟!!

او ذكرت احد الشيوخ الذين ذكرتهم انت؟؟؟

لكن لا شك ان الكل مخالف والمخالفات تختلف من قناة الى قناة

فكما ننادي بغلق قنوات العري والمجون ايضا علينا ان نغضب اذا خالفت قناة تدعي انها دينية فالخطأ عندها يكون اشنع وعلى فكرة انا اعلم امورا لا افضل ذكرها هنا او على النت عموما
ربك يسترها من عنده !

فقط انا احزن على الشعب المستغفل من الكل !!!!

[نۨــٰا̍صــر ؏ــڶــۍۧ]

فقط انا احزن على الشعب المستغفل من الكل !!!!


لقد عممت بكلامك عن جميع القنوات ولم تستثنى اى قناه ، الم تكن قناه الرحمه من القنوات الرئيسيه المستهدفه بالأغلاق ، ولا انت متعرفش اصلا انها اتقفلت ..؟

وعلى فكره مبرراتك التى تقولها لتبرر اغلاق القنوات الدينيه أكبر دليل على ان شعبنا فعلا مغفل ....

[kaseem brrawe]

وعلى فكره مبرراتك التى تقولها لتبرر اغلاق القنوات الدينيه أكبر دليل على ان شعبنا فعلا مغفل ....

انا اوافقك على هذه الجملة بشدة !

[kaseem brrawe]

قناه الرحمه من القنوات الرئيسيه المستهدفه بالأغلاق ، ولا انت متعرفش اصلا انها اتقفلت ..؟

قناة الرحمة !!! ........... مستهدفة ؟؟؟؟!!!!

ليه؟؟؟ ومن مين ؟؟؟

هي بتمثل ادنى خطر على حد؟؟؟

لا والله ما فيها لا خطر على النظام ولا خطر على الاعداء ولا خطر على اي احد

تبقى مستهدفة ليه؟؟؟؟!!!

[sameh moka]

((غلق قنوات السحر والشعوذة وتفسير الاحلام والمتاجرة بالدين اصبح اطفاءاً لنور الله ))
بذمتك القنوات الدينية دى بتاع شعوذه ياراجل شكلك اصلا لاتشاهد هذه القنوات ،علشان كده لا يفرق معك شئ وأحب أن أعلمك شئ تجهله أن هذ القنوات مش بتهدى الناس فقط ولكن تعلم المسلمين دينهم أيضا لذلك أرجو منك أن تصمت ولا تقول مالا تعلم...وأرجو من الله أن يهديك الى الصواب،،،،،

[ابويوسف]

بما ان الموضوع منقول
وليس منتسب لصاحب المشاركة
والكل يعلم بجميع الحقائق من كبير وصغير
فـــــلا داعي لاي مشاحنات او اى مشادات كلامية
فنحن هنا اخوة ونفيد ونستفيد من بعضنا
واستكفى بعرض المادة واغلاق الموضوع