[moh2012561]

علمت "الوطن" من مصادر موثوقة، أن هناك العديد من الأسباب كانت وراء تأخير عرض لقاء الرئيس محمد مرسي مع الإعلامي عمرو الليثي عن موعده، منها بعض المعوقات التي ظهرت قبل التسجيل، ومنها ما كان بعد التسجيل.
كان من المتفق عليه أن يتم اللقاء بين "مرسي" و"الليثي" على الهواء مباشرة، لكن الرئاسة عدلت عن ذلك، وقررت أن يكون مسجلاً، وبالفعل كانت هناك معوقات فنية، لكن تم تداركها بعد دقائق.
وأشارت المصادر، إلى أن السبب الرئيسي، في تأخير بدء التسجيل هو الاتفاق حول الأسئلة، حيث كان من المقرر أن تخصص الفترة الأخيرة من البرنامج لعرض أسئلة جمهور الـ"فيس بوك" على الرئيس، بعدما أقنعه "الليثي" أن ذلك نوعًا من أنواع التواصل الحي مع جمهور مواقع التواصل الاجتماعي.

وكعادة برنامج "90 دقيقة" يتم عرض السؤال كما كُتِبَ على صفحة "الفيس بوك" مكان شريط الأخبار، أسفل الشاشة، بالتزامن مع طرحه على الرئيس، وهنا جاء اعتراض مرسي علي "كلمة" في إحدى أسئلة مواطن، حيث كان سؤاله "الغلابة يضمنوا حقوقهم في عهدك إزاي يا مرسي؟"، لم يكن اعتراض الرئاسة على السؤال، ولكن كان على كلمة "يا مرسي" حيث اعتبرتها جملة غير لائقة.
وأصرت الرئاسة على حذف الكلمة من على الشاشة، وكان الأمر صعبًا حيث يتم وضع السؤال، كما هو عن طريق "الإسكانر"، وبعد مفاوضات تم إلغاء فقرة "الفيس بوك" من الأساس.

بعد الاتفاق علي الأسئلة، وضبط "ميكسات الصوت" لتفخيم الصوت في جمل الرئيس الإنسانية، لتصبح أكثر تأثيرًا، تم الانتهاء من التسجيل في تمام العاشرة مساءً.
وكان من المتفق أن يتم المونتاج بحضور "الليثي"، لكن الرئاسة أمرت أن يتم المونتاج دون حضور أحد من قناة "المحور"، ما اضطر "الليثي" وفريق عمله للذهاب للقناة لانتظار الشريط المسجل الذي وصلهم بعد حوالي ساعة ونصف.
وراجع "الليثي" ومدير تحرير البرنامج، في وجود مسؤولين من القناة، الشريط مرة أخرى، ووجدوا أنه تم حذف نصف ساعة مما تم تسجيله، وشاهدوا الحلقة كلها مرة أخرى، ولاحظوا إدخال بعض التعديلات عليها، ومؤثرات صوتية، إلى جانب حذف جزء كبير منها، مما أخَّر بدوره عرض اللقاء إلى أن تم عرضه في ساعة مبكرة من صباح اليوم.

وعلمت "الوطن" أن فريق عمل "90 دقيقة" استاء مما لاقوه من تحكمات وشروط من قبل الرئاسة، قبل وبعد عرض اللقاء على شاشة "المحور" من تأجيل موعد اللقاء أكثر من مرة وتغيير خطة عرضه من مباشر إلى مسجل، إلى جانب عدم تحديد ساعة بعينها ما أثار غضب الجمهور.

فأن كان هذا صحيحاً فنحنوا أمام كارثة أدارية . فأن كان هذا فى حوار و لم نستطع أدارته فمابالونا بأدارة شئون دولة!!!!!!!!!!!

[aboayat_tv]

لابد ان تعلم اخى الحبيب انه فى حالة تلاقى الاسئلة من شبكة التواصل الاجتماعى وعرضها على شريط القناة ان هناك من سيتطاول على رئيس الجمهورية بالسباب والشتائم والعالم كلة سيتابع فليس من اللائق ان يتعرض رئيس اعظم دولة فى العالم اى من مثل هذة الاهنات حتى ولو كنا نختلف معة سياسيا وايدلوجيا وللعلم لقد تابعت الحلقة من اولها الى اخرها ولمن اشعر بمثل ما قلت اطلاقا فان كل سؤال يخرج من الليثى كان قويا ولابد ان يتحدث الرئيس ويجب بكل هدوء ولقد عاهدناة على ذالك ولا تنسى قول الله تعالى (يا ايها الذين امنو ان جاءكم فاسق بنباء فتبينو ان تصيبو قوما بجهالة فتصبحو على ما فعلتم نادمين )صدق الله العظيم

[عبدو على]

يعني جريدة الوطن بتاع مجدي الحلاق هتقول ايه غير الكذب اللي احنا متعودين عليه منهم وحسبنا الله ونعم الوكيل فيهم

[khlloooood]

المشاركة الأصلية كتبت بواسطة عبدو على

يعني جريدة الوطن بتاع مجدي الحلاق هتقول ايه غير الكذب اللي احنا متعودين عليه منهم وحسبنا الله ونعم الوكيل فيهم

عندك حق مع الاعتذار لاى حلاق

[شوقى نجيب]

المشاركة الأصلية كتبت بواسطة عبدو على

يعني جريدة الوطن بتاع مجدي الحلاق هتقول ايه غير الكذب اللي احنا متعودين عليه منهم وحسبنا الله ونعم الوكيل فيهم

صدقت و الله
جريدة شعارها الكذب
أكثر إفترائتها قصدى أخبارها
( يقولك علمت من مصادر موثوقه )
لو الأخبار بتتراجع بعد النشر و تصحح كالإمتحان
كان هيبقى تقديرهم ضعيف جدا
مع مرتبة القرف

[M -KHWAS]

المشاركة الأصلية كتبت بواسطة khlloooood

عندك حق مع الاعتذار لاى حلاق

نحن مش نحنوا

بالنا مش بالونا

الله يخرب بيتك يا مبارك شفتوا التعليم فى عهده خرج لنا ايه

[احمدعلىمعوض]

يعني جريدة الوطن بتاع مجدي الحلاق هتقول ايه غير الكذب

[abo-sami]

يا ربى على المنافقين هو من امتى مرسى بيحكم مصر والله انا مشفق عليه خلال الحوار كرر كلمة انا رئيس لكل المصريين اكثر من ست مرات دليل انوا حاسس انو مش ريس لكل المصريين لان الواثق من نفسه لا يقول كدا بغض النظر عن ما قلته جريدة الوطن او غيرها

[takey]

المشلكة انه احنا بنصبر نفسنا
جريدة الوطن مش صادقة ومرسي التاني مش صادق
مش قصدي كلامه لا وعوده
انا عن نفسي مش شايف اي وعد من اللي وعدنا بيهم في برنامجه الانتخاي اتنفذ الا وعد واحد "انبوبة البوتجاز" فعلا اتوفرة وده كان واحد من وعود كتير زي المرور والعيش والزبالة اللي ملت الشوارع اكتر والعدالة الاجتماعية اللي اوقات كتير بحس انه احنا مطلبناش عدالة بلعكس بحس انه كنا بنطلب ظلم اجتماعي

وبعدين يعني ايه يعلنوا عن انه اللقاء الساعة 8 ولحد الساعة 11 يتكتب علي الشاشة بعد قليل "ده بالنسبة ليا مقدرتش استني وان كنت عارف انه كلامه لا يغني ولا يثمن من جوع" والاخر يتذاع الساعة 1.40 الصبح ، ده لو ليه تفسير هيكون استخفاف بالناس

[salah@2012]

ربنا يهدي الناس الاول هو يعني لازم مرسي يدخل كل بيت ويديه فلوووس علشان يحس بالتغيير اتقوا الله في مصر

[takey]

لا مش لازم يدخل كل بيت ويدي للناس فلوس عشان تحس بالتغيير يا استاذ صلاح
الناس حست بالتغيير لما اخد من ناس كتير علشان يدي فئة معينة زي "اعضاء هيئة التدريس"
الناس حست بالتتغير بجد لما السلع الغذائية الاساسية والرئيسية سعرها رفع ورواتبها زي ما هي
هي دي بجد العدالة الاجتماعية
لو عندك من الاولاد 2 وميزت واحد عن التاني فمتنتظرش من اللي اهملته غير الجحود وعدم البر بيك ولا قبل ما تفكر في احد حاجة فكر انت عاملته ازاى

[manshcter]

يا اخوانى
ولا بلاش كلمت اخوانى دى علشان مبحبهاش اصلا
اولا كل وعد وعد بيه مرسى متحققش ولا هيتحقق والله هو قال بعد ميت يوم هترجع البلد زى الاول وهيكون فيه تقدم فى البلد استنينا الميت يوم رجع قال البلد محتاجه 10 سنين (ده على اساس انه هيقعد على الكرسى 10 سنين )
بعدها ارتفعت الاسعار وصدقونى ارتفاع الاسعار طيب الناس الغلابه دى تاكل منين ولا تعمل ايه هو انتو مش ملاحظين ان كلمه بلطجيه دى بقينا نسمعها كتير اوى
ويا ريت اللى بيتقال عليهم بلطجيه هما البلطجيه الحقيقين
احنا جى علينا ايام ربنا الاعلم بيها
انا عايش فى بلد فيها اخوان كتير والله كلهم فى وظايف وشغالين وبشرط فيه واحد منهم سنه عدى الاربعين سنه ومش عارف اتوظف ازاى واحنا ولا حد سال فينا
للاسف البلد بترجع مش بتتقدم ولا هتتقدم طول ما هى ماشيه بالكوسه زى ما هى
واكبردليل على كلامى شوفو سعد الحسينى عين كام واحد من الاخوان فى محافظه كفر الشيخ وكمان خدو بالكو من الوظايف دى
اها على فكره حكومه هشام قنديل حققت الرقم القياسى (اشترت بـ 1.7 مليون جنيه استرلينى قنابل مسيله للدموع ) احنا شعب طيب
طيب ما تعمل مشاريع فى البلد وشغل فيها الشباب ولا رايح تجيب ناس من بره علشان تعملك المشاريع هنا
مصر متستاهلش مننا كده
اللهم احفظ مصر

[modarsh76]

غير مقبول هذه الردود واذا تكررت ستقف نهائيا من المنتدى بلا عودة
الادارة

[الحسام المنتصر]

يعني جريدة الوطن بتاع مجدي الجلياط هتقول ايه غير الكذب اللي احنا متعودين عليه منهم وحسبنا الله ونعم الوكيل فيهم

[kareem800]

[sبعض انجازات سيادة الرئيس محمد مرسي :

إنهاء حكم العسكر وتحويل مصر إلى دولة مدنية

- تحويل قناة السويس لأكبر إقليم تجاري عالمي

- سامسونج تنشأ أول مصنع في الشرق الأوسط ببني سويف

- تنمية سيناء وتمليكها لأهالها وإسقاط ديون الفلاحين

- إعادة محاكمة قتلة الثوار أثناء ثورة يناير وما بعدها

- تعيين نائب عام جديد يحقق أهداف ثورة يناير

- تنمية شمال غرب خليج السويس باستثمارات 1.5 مليار

- زيادة رواتب المعلمين 100% ورفع رواتب أساتذة الجامعات

- صد العدوان على غزة وعودة هيبة مصر الخارجية

- الرئيس يصدر قانونًا بتغليظ عقوبة مهربي السلع التموينية

- سحب 26 مليون متر مربع بخليج السويس من المستثمرين غير الجادين

- ارتفاع صافي الاحتياطي الأجنبي إلى 15.5 مليار دولار

- تخصيص 72 مليون جنيه لبناء أسواق للباعة الجائلين

- توفير 500 مليون جنيه سنويًّا نظير إلغاء التهاني له