[محمود رشوان]

السلام عليكم ورحمة الله وبركاته
1- الاحتراف :- اللاعب اللى بيحترف ويطلب 3 مليون فى السنة ( تعالوا نحسبها )

هيلعب ماتشات الدورى كلها ( مفيش اصابات ولا ايقاف ماشى ) يعنى 30 ماتش

الماتش بيقف عليه ب 100 الف جنيه ( تخيلوا) يعنى لو لمس الكورة 100 مرة فى الماتش الواحد

اللمسه بتقف عليه ب 1000 جنيه؟ ( يا بلاش )

2- الدورى المصرى :- ( مفيش جديد ) حكاية كل سنة والنتيجة معروفة

3- محمود معروف :- بتنتقد فاروق جعفر ان الجيش استأسد امام الزمالك وهو ب9 لاعبين ( ايه المطلوب)

هو علشان فارو زملكاوى المفروض يتغلب من الزمالك ولا ايه ؟

4- الموضوع الممل :- يتنافس فيه بجدارة كل من ( البث الفضائى - عدم اذاعة المباريات الا بعد سداد التليفزيون

لمستحات الاندية - هجوم شبانة على سمير زاهر- مداخلات دعبس فى مودرن سبورت)

المطلوب اختيار الاجابة الصحيحة؟

5-الاعلام الرياضى :- الاول - الغندور كل همه ان يبين انه محايد ماشى يا بندق

التانى - شلبلب ( بالذمة ده كلام ) اكتفى بهذا القدر من التعليق عليه واكيد انتم متفقين معايا جدا

جدا جدا جدا والمشكلة انه فاكر ان العالم كله بيتفرج عليه حتى فى بلاد ( الواق واق )

التالت _ مصطفى عبده - خلاص يا عم عرفنا انك مش مع حد ولا ضد حد ولا لك دعوة بحد ونستناك

يوم الحد

6- الحضـــــــــــــــــــــــرى :- حارس ( كان ) عملاق اللى ضيعه حبه للفلوس الزايد عن الحد

7- احمد رفعــــ-ــــــــــــــــت : ما صنعته من تاريخ فى 40 سنة اضعته فى 10 ثوان

8 - متروك لك عزيزى القارئ اختياره ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

والسلام عليكم ورحمه الله وبركاته

[محمدزكريا59]

بارك الله فيك

[ٱحےـمد اسےـماعيل]

8- موضوع جميل

[المعلم صديق]

كلام صح ميه فى الميه

[السيدعبدالعزيز]

التانى - شلبلب ( بالذمة ده كلام ) اكتفى بهذا القدر من التعليق عليه واكيد انتم متفقين معايا جدا

جدا جدا جدا والمشكلة انه فاكر ان العالم كله بيتفرج عليه حتى فى بلاد ( الواق واق )

التالت _ مصطفى عبده - خلاص يا عم عرفنا انك مش مع حد ولا ضد حد ولا لك دعوة بحد ونستناك

يوم الحد

ايه يابنى الحلاوه دى ...
اياك بقى تغيب ولا نرى منك تلك الاعمال الجميله ..
ننتظر منك المزيد يا محمود ..