[ايمن حماد]

الحلوه كبرت وأنا عاشق وكلى غرام

نظرة عنيها أمل وسكوتها كله كلام

تنطق عنيها نغم أما الشفايف صمت

وسألت عن مهرها قالوا مش أرقام

الحلوه دى مهرها مصنع يكون شغال

ويغنى صوت المكن يوم الفرح موال

وانسج خيوط الأمل فستان لزفتها

واكتب غناوى ليها أحلى كلام يتقال

والشبكه تبقى ترعه محفوره فى الصحرا

تروى الغيطان والشجر تبقى جناين خضرا

تطرح فروع الشجر فاكهه وضليله

يحلى القعاد تحتها والضجه والسهره

وجهازها لازم بقا يكون من الغالى

أسطول بيرمى الشبك والبحر بيلالى

يطلع سمك فى الشبك يرقص وبيغنى

ويقول أنا جيت ليكم طوبى هنيالى

وابنى ليها شقه أبنيها بالإيمان

طوبه تكون بالرضا والتانيه تبقى حنان

خلى المحبه أساس زود ليها المونه

لكل مبنى عمد وضميرك العمدان

شربتها نستخرجه بترول من الآبار

والبسمه هتكرره وتقدمه للجار

الجار يدوق شهدها يخلص لها وده

ويعيش على حبها ويقول لها أشعار

يوم الفرح هعمله ليله ألفين شهر

طير السما وقتها هيقول قصايد شعر

إسم العروسه
مرح صمود رفعه

دى أولى حروف إسمها


تبقى العروسه



مصر
***

[اسلام2010]

[size="لا بجد جامد دة من تئاليفك تسلم [/size]

[نۨــٰا̍صــر ؏ــڶــۍۧ]

الحلوه دى مهرها مصنع يكون شغال


دا مهر غالى قوى ، فكرتنى بال 100 ناقه حمرا بتاعة عنتره بس دول كانوا عند النعمان بن المنذر ، أما طلبك هتلاقيه فى الصين مش هنا وبطلباتك الصعبه دى العروسه دى هتعنس .

[ايمن حماد]

المشاركة الأصلية كتبت بواسطة nasser ali

الحلوه دى مهرها مصنع يكون شغال


دا مهر غالى قوى ، فكرتنى بال 100 ناقه حمرا بتاعة عنتره بس دول كانوا عند النعمان بن المنذر ، أما طلبك هتلاقيه فى الصين مش هنا وبطلباتك الصعبه دى العروسه دى هتعنس .

طول محنا عايشين لازم يبقا
عندنا يقين و امل ان احلى حب
فى حياتنا لسه معشنهوش
واحلى طعم لسه مدوقنهوش
واحلى مكان برضه مرحنهوش
واحلى كلام لسه مقلنهوش
واحلى يوم لسه معشنهوش
لازم يفضل عندنا امل ويقين
ونفضل مستنين حاجه حلوه جايه
وهتيجى هتشوفو

[محمد ربيع الجمسي]

تسلم اخى الغالى

[خوليو_سات]

يا حبيبتى يا مصر