[kim000]

اوبشنز اتمنى وجودها فى ريسيفر 900 HD

1- بحث عن القنوات بالحروف واقصد هنا ليس البحث بأول حرف بل باى حرف موجود فى اسم القناة
مثلا قناة super Movies
عشان اجد القناة لازم ادور على s ثم باقى حروق الكلمه
اما اذا كتبت movies فقط فانه سوف يبحث عن قناة تبدا ب movies
النظام دة من البحث بقى هو الاساسى فى مويايلات نوكيا و ليس البحث باول حرف كما كان فى الموبايلات القديمة
وهذا يسهل البحث عن قنوات مش فاكر اذا كانت تبدا ب EL or AL
كما يساعد فى البحث عن اشياء عامة مثل series, movies, cinema, geographic


2- التسجيل من الريسيفر ينتج عنه الفايلات الخاصة بالتسجيل و فولدر بجانب هذة الفايلات يحوى نفس الداتا
ودة بياخد من مساحة الفلاشة او الهارد

3- لو ينفع ان اشغل افلام من هارد على الريسيفر و ليس فقط الافلام المسجله من الريسيفر (افلام عامه avi, mpg, wmv,...

4- اخذ صورة من الشاشة المعروضة بيتسجل ياسم غير معروف و بيخلى الفلاشة غير مقروءة ويجب اعادة فورمات لها

5- اوبشن ان احط صورة wallpaper بدل شاشة الترومان اللى بتطلع فى الاول

6- اوبشن انى اعمل hidden favourites وتتجاب بطريقة معينه صعبه التخيل

7- اوبشن ان الغى رساله ******* من الظهور (ودى مهمة جدا لانها بتطلع كتير جدا لما يكون ******* بيقطع و احيانا كتيرة بتطلع كتير من غير ما يكون ******* هنج ولا حاجة) وبعدين انا مش مهتم مثلا انى كل يوم افتح تطلعلى نفس الرساله عشان اتاكد من عدد الايام...انا واثق فيكم متلقوش


8- اهم حاجة
ال epg اللى بيطلع بتاع البرنامج او الفيلم اللى شغال و اللى بعده فقط
مش بيجيب full schedule
مع انى جربت مثلا ال fox movies على ريسيفر استرا القديم لقيته جايب كل حاجة لمدة اسبوع
ف عيب اوى الترومان 900 يجيبلى الحاجة اللى شغاله واللى بعدها بس

9- EPG بياخد وقت كبير اوى عشان يظهر لما بكون بقلب بين القنوات (بس دى مش مشكله كبيرة اوى)

10- اثناء عمل ال favourites وترتيب للقنوات لا استطيع مشاهدة القناة اللى اريد ان اعدلها او اجعلها من ضمن المفضلات
ولان فى قنوات كتيرة مش ببقى عارف تخصصها اية بالظبط.
لذا يجب ان اشاهد فى جزء من الشاشة ماهى هذة القناة بالظبط (مع العلم ان دة كان موجود بردة فى الاسترا القديم)

11- اثناء بدء التسجيل تظهر رساله هل تريد ان تكمل التسجيل حتى نهاية البرنامج
بصراحة ممله جدا
ممكن تخليها اوبشن نتحكم فيها
او نخليها تسجل لاخر البرنامج by default
وال user لو حب يوقف التسجيل يوقف براحته
يبقى كدة ملغناش الاوبشن بس بقى افضل شويه

12- بردة حاجة رخمة جدا
لما بتنقل بين مثلا fav 1 & fav 2
لو انا واقف على اى قناة فى fav1 وحبيت اروح لقناة فى fav 2
بمجرد انى اختار fav2 يقوم مشغل اول قناة فيها
المفروض انه ميشغلش اى قناة غير لما ادوس عليها

بتبقى مرهقة العملية دى جدا لما اكون عايز اقلب بين قناتين كل واحدة فى مفضله غير التانية (عن طريق ال recall) ساعتها بتكون العمليه دى مستحيله لانها لازم تعدى على اول قناة فى fav 2


لو اى حد عنده افكار تانية يكتبهالنا فى نفس الموضوع و بعد اذن الادارة نخليها فى موضوع منفصل لانها خاصة بجهاز 900 HD فقط ولان الموضوع الاساسى صعب الوصول اليه

واتمنى اخد هذة النقاط باهمية لتحسين عمل هذا الجهاز الرائع اذا كان احد من اعضاء هذا المنتدى له علاقة بشركة ترومان


ولكم جزيل الشكر

[SALAH SALEM]

ان شاء الله اخي الحبيب
هناك اصدارات كثيرة قادمة
ربما تصل رسالتك لهم