[محمد نوفل]

افضل الطرق لتنظيف البوردة


هناك بعض الاعطال التى يصعب تشخيصها فى بوردات الكمبيوتر او الريسيفرات او اى جهاز يحتوى على بوردة الكترونية



ويظهر العطل فى صورة تهنيج او ريستارت واحيانا يعمل مرة ومرة

والسبب نتيجة وجود اتربة او اوساخ نتيجة ابخرة (جهاز يعمل فى مطعم او مقهى......الخ)

واحيانا انسكاب سوائل داخل الاجهزة

وتلك الاتربة يوجد بها بعض الاملاح التى يكون لها مقاومة وتعمل على التوصيل بين اطراف المكونات الدقيقة للبوردة مثل البروسيسور او الفلاشة او الكريستالة....والتى بدورها تعمل تشويش للإشارات والداتا بين المكونات

ومن هنا يأتى العطل على حسب كمية ونوعية التراب

بعض الاجهزة والاعطال الشهيرة



الرسيفرات ( الهيوماكس والجميع يعرف مشاكله )

(الاسترا وخاصة البروسيسور zoran مسح القنوات والريستارت)

(وجود خلل فى الاشارة)

الكمبيوتر (البورد القديمة مثل جيجا بايت 848 و845 تهنيج اوعدم عمل البوردة نهائيا)

كمبيوتر السيارة (اذا دخل الماء بعد غسيل السيارة )

والعديد من الاجهزة المعرضة للتراب

اهم مافى الموضوع

تشخيص العطل السليم لكل جهاز بعد الكشف على كل المكونات الاليكترونية وفحصها جيدا

طريقة التنظيف

هناك الطرق المعتادة والتى ضررها اكثر من نفعها

1- البنزين

يوجد رواسب به وبعد جفافه تظهر فى صورة بودرة بيضاء

كسر المواد البلاستيكية (مخارج AV او السكارت اوبيت الرامة او قاعدة البروسيسور....)

احيانا يتلف المكثفات

2- الثنر

جميع ما سبق بل هو مذيب اقوى من البنزين



افضل الطرق للتنظيف

غسل البوردة بالماء الساخن والمنظف (بريل او فيرى او صابون)

ربما تستغربون ولكن اقسم بالله انى اعمل بهذه الطريقة منذ سنوات

لان المنظف والماء الساخن هما الوحيدان يذيبان الاتربة والاوساخ والاملاح بكل سهوله



ربما يقول البعض ان الماء يتفاعل مع النحاس الموجود فى البوردة

نعم صحيح ولكن اذا ترك مدة كبيرة لاتقل عن24ساعة واحيانا اكثر

واقسم بالله انى اصلحت العديد من الاجهزة بهذه الطريقة وليس لها اى اضرار تذكر

كيفية الغسيل

غسل البوردة بالماء الساخن اولا

وضع المنظف او البريل كمية قليلة ثم ننظف بفرشاة ناعمة او خشنة حسب الحاجة وخاصة اطراف البروسيسور والفلاشة

غسل بالماء ونحرص على انسياب الماء بين الاطراف الدقيقة للمكونات

لان بعد ذوبان الاتربة يجب التخلص منها عن طريق انسياب الماء

نكرر ما سبق ثلاث او اربع مرات او التأكد من النظافة جيدا ولمعان البوردة

نترك البوردة حتى تجف تماما من ساعة الى اربع ساعات حسب نوع البوردة

الريسيفر حوالى 1-2 ساعة

الكمبيوترمن ساعة الى 3-4



او التجفيف السريع بسيشوار على درجة حرارة متوسطة لا تتلف المكونات




تحياتي للجميع

[احمد جمعة على]

بعد احترامى الشديد ليك ازاى ياباش اغسل واتركة ساعتين او اربعة حتى يجف طيب ماانا بحاجة لكل الوقت دة وعلى فكرة انا اشتغلت قبل كدة بالماء لمرة لان كان جالى ريسيفر صينى البردة بتحتة كانت مليانة سكر ناشف والسكر طبعا مطلعش غير بالماء وبعد كدة نشفتة جيدا وغسلتة تانى بالثنر واشتغل الجهاز تمام وبالنسبة لطريقة حضرتك لسا اسخن ماء واجيب صابون واشطف واغسل واشطف بص ياغااالى مجرد راى الشخصى انك تنظف الجهاز جيدا بالبلور وبعد كدة ثنر وهتلاقى البردة زى الفل تقبل تحياتى

[م ربيع الجادورى]

تسلم اخى الكريم وانت فعلا رجل كريم ولم تبخل بما عندك
وصدقنى انا عملتها مره واحده ولاكن بالماء الساخن فقط
وان شاء الله من اليم لن اغسل اى جهاز الا بالماء والبريل
شكر اليك وبارك الله اليك

[رحمة ونور]

مانجيب غسالة فول اتوماتيك احسن علي الاقل هتنشف علي طول

[malk11]

يجب علينا شكر اخونا على هذة المعلومة

[sanbad323]

وجهة نظر تحترم جدااااااااااا الله ينور وشكرا جداااااااا علي المعلومه المفيده :)
ويكفي انك لم تبخل بها علي احد خصوصا اني اعتقد ان الكثير لا يعرفها

[islam_mohsen]

شكرا لك ياغالي وذادك الله من علمه

[فتحى فضل]

مش عاجبك الموضوع متردش ياسيدى ليه التريقه والله لو انا ليه الحق لااعطيتكم ايقاف والله انا عن تفسى بستعمل الماء الساخن والبريل من زمن اخى الكريم موضوعك منتاز ولك منى الف شكر

[alikoutit]

دى فعلا من اجمل الطرق ....وانا بشتغل بالطريقة دى وهيا ممتازة
بس طبعا مش كل جهاز بننضفة كدة عشان الوقت .....لكن اللى بيعجز معاة التنر
لازم يتم تنظيفة بالطريقة دى
بارك الله فيك

[محمد نوفل]

شكرا لكم جميعا انا قلت اللى اعرفه حتى لااكون كاتم علم اوبخلت به على اخوانى من يراها مفيدة يجرب ومن عنده طريقة اخرى فليفعل مايراه شكرا لكم جميعا

[row456]

شكرا لك اخى الكريم وشكرا لافادتك وانا هاجرب بالماء الساخن واشوف الفرق وزادك الله من علمه

[mohamedaly]

السلام عليكم
لاغريب فى هذا
غسلت مازر بورد بماء والصابون

[المركز المصرى]

طريقه جميله ولا تطرق اسر لاترابه

[barakat]

شكرا على المعلومة ولكن مراى الاخوة فى علب سوائل التنظيف الجاهزة التى تباع عند محلات الاليكترونيات وغيرهم

[محمدالنوبي]

شكرا لك اخى الكريم وشكرا لافادتك