[محمود رشوان]

هذا حوار سريع مع عم شحتة العربجي الذي يسكن في 00000



ياعم شحتة الأهلي عندة باك شمال أسمه سيد معوض ومتصاب نعمل أية ياعم يا عربجي؟
حيقولك من غير ما أفكر عندكم واد صغير أسمه أيمن اشرف بيلعب في المنتخب الأوليمبي وأوظف عفرتو في هذا المركز احتياطي
طيب ياعم يا عربجي أيه رأيك في حسام غالي وأينو في خط النص؟
يجيب العربجي: أحسن شيء ينزلوا يلعبوا مع الشباب أربع خمس ماتشات علشان يعرفوا يعني أية لعيب في الأهلي ونثبت شهاب وفتحي ديفدرات في نص الملعب
طيب ياعم يا عربجي ومين يلعب باك يمين ؟
يجيب العربجي: شريف طبعا أيه التفكير الغبي منكم ده لعيب باك يمين على أعلى مستوى أودية باك شمال ألوحه طبعا مش حيعرف يلعب!
ياعم شحتة الأهلي عندة لاعب أجنبي أسمه فرانسيس يعملوا معاه أيه؟
يجيب: أحسن حاجة يحجزولواتذكرة بدون عودة ويرحلوه على بلادة دة مينفعش يشتغل عندي يشيل سباخ مش لعيب في الأهلي .. يابني لعيب محترف يعني واد جامد يكسر ال حولية زي الواد بتاع تونس ال هد الدفاع عندنا ضرب وتشليت وخلى هجوم الترجي يشتغل براحتة لأننا مسكناه بأتنين وسيبنا الدفاع يرمحوا فيه.. علشان كدة الأهلي عايز واد حيطة يجيب أجوان بالعافية وجرم زي فلافيو ينضرب ويقوم زي الحمار لامؤاخذه
طيب ياعم يا عربجي وتقترح مين يلعب في الهجوم
يجيب العربجي: أخلي جدو ومعاه الواد الصغير عبد الله عبد العظيم لغاية لما متعب يجي في ينايز ومعاه الواد الأفريقي الجديد وأرجع طلعت وشكري لفريق الشباب علشان يتظبطوا شوية وأدي غدار أستمارة 6
طيب ياعم يا عربجي واللاعبين الكبار نعمل فيهم أيه؟
يقول وهو يستعد للأنطلاق بالعربية الكارو: يابني الدهن في العتاقي شششششششششششششششششششششششششششششششششي
استنى شوية ياعم ياعرجبي أنت شوفت ماتش الجونة؟
يقولك: يابني هو دة ماتش أنا لولا عندي نقلة سباخ كنت أنا وريتكم أزاي أكسب الماتش دة وأنا نانيم فوق العربية الكارو بتاعتي!!
يعني أية ياعم ياعربجي هو كان فيه حاجة ناقصة؟
يرد على طول: طبعا يابني كان مفروض الكابتن حسام يسافر مع الفريق ويحضر الماتش مش ينام في بيتهم!
لا ياعم كان موجود
يقول: أزاي كان موجود هو مانزلش سعيود ليه دة الوحيد ال كان حيرمي كور لجدو وطلعت يابني مفيش في الفرقة لعيب هيدي للهجوم كور زية
أقولك أنا تعبت وقرفت شششششششششششششششششي ياحماااااااااااااااااااااااااااااااااااااااااااااا ااااااااار

تفتكروا هل يصلح كلام عم شحتة العربجي علشان يعمل بيه مدرب الأهلي حسام البدري؟؟؟؟؟؟؟؟؟؟؟؟؟؟؟؟؟

[ٱحےـمد اسےـماعيل]

أهلا أخي محمود

تعودنا إنتقادك اللاسع

ولكن هذه المرة مبالغ بها وأيضا يوجد بعض الكلمات لا يستحقها نادي القرن

الأهلي بحاجة للوقف بجواره لا لإنتقاده بهذه الطريقة

[حمادة البيلي]

ههههههههههههههههههه
شر البلية ما يضحك فعلا
طوال عمري من متابعتي لمجلة الأهلي ولدي أرشيف كبير منها من السبعينات لأن الوالد والعم معا كان حريصان عليها والاحتفاظ بها كنت أقرأ أن الأهلي فوق الجميع وأن مصلحة الأهلي فوق أي اعتبار
لكني وللعجب مع البدري فوجئت بعكس ذلك
فلدينا ظهير أيسر كجلبرتو أفضل من مليون كمعوض لو لديه الجنسية المصرية ما تردد شحاتة في ضمه وكونه أساسيا على معوض وكل ظهير أيسر في مصر يتركه الأهلي لأنه رغب كما قيل أن يرحل وفي الوقت ذاته لو قيل له لا ترحل لبقى كما ذكر القيعي صوتيا
الأهلي فضل مصلحة اللاعب على مصلحة النادي وهو تهريج لأن الأهلي بلا بديل في خمس بطولات وكانت النتيجة أن آخر ثمانية مباريات منهم خمس مباريات بلا ظهير أيسر
وقس على الأمر الكثير تكتشف سر ما فيه الأهلي حاليا

[السيدعبدالعزيز]

مع احترامنا الكامل لمهنه ( العربجى )
ولكن المقصود من الاخ محمود ان يبين ان الرجل البسيط يعرف ان يدير مباراه فى كرة القدم خصوصا لو وجدت لديه الاوراق المناسبه للعب ولا يعرف معنى الكوسه والمحابه لبعض اللعيبه وتفضيل بعضهم على بعض .!.
شكرا لك استاذ/ محمود ..على المجهود .

[batista_cena]

حتي العربجي بيعرف في الكوره اكتر من البدري
لاحول ولا قوه الا بالله

[ابوهمام]

المشكله كلها عندي
ازاي البدري قعد مع جوزيه
ده كله
ومقدرش يتعلم منه حاجه

[جابر وليد جابر]

الف شكرااااااااااااااااااااااااااااااااااااااااا

[محمدزكريا59]

للأسف البدرى ميعرفش لغة الحمير لأن العربجى لو بيدير مباراة الجونة كان كسبها

[godaelmasry2000]

على فكرة العربجى دة قريب لجوزية هو عربجى من البرتغال احسن كلامك ومفيش كلمة غلط
انت مدرسة

[hamada 20]

شكرااااااا

[م/السيد منطاوى]

حتي العربجي بيعرف في الكوره اكتر من البدري لاحول ولا قوه الا بالله

[موكشة]

عدد سكان مصر يتعدى ال 80 مليون نسمة
كلهم عاوزين يكونوا موديرين فنيين للاهلى