[محمود رشوان]

بغض النظر عن تجاوزات التوام و التى متاكد ان جمهور الزمالك نفسه يعرفها ولكنه يرفض الاعتراف بها

وبغض النظر عن اخطاء التحكيم

وبغض النظر عن قوة المنافسة التى قد تمنعنى من ذكر تلك الحقيقة

الا انه للامانة الزمالك عادت له الروح

لا اقل ان الزمالك قد عاد :: ولكن عودة الروح هى البداية الحقيقية لعودة الكيان ككل

وخصوصا انها جاءت فى الوقت الذى فقد لاعبو الاهلى تلك الروح و بطريقة مخجلة

اجل..

لا عبو الاهلى فقدوا الروح و من قبل مباراة الجونة وبكثير

ولكنها تجلت بصورة مفجعة فى المدينة المطلة على البحر الاحمر

كلنا بنهاجم البدرى لانه اسهل شيىء انك تهاجم المدرب

و اصعب شيىء انك تهاجم اللعيبة لانهم عصب اللعبة

البدرى فعلا مشارك بجزء كبير من فقدان اللاعبين روح الاهلى بفشله فى التعامل النفسى معهم

سواء كان بيعاملهم بعنف او بدلع زيادة

لعيبة الاهلى بتنزل والدوافع عندها صفر:: ومش مهيأة انها تتعادل حتى

وبنعدى من الماتشات بطريقة غريبة عجيبة و لسبب الهى يعلمه الله

والاسوا من كل ذلك ان الادارة تعيش فى برج عاجى محاط بنقوش من المبادىء الحجرية

وهى ترى فريق الكرة يغرق وهى تتابع سقوطه بكل كبرياء وغرور

الزمالك رغم كل مشاكله :: اللعيبة بتنزل تاكل النجيلة

اللعيبة بتحترم حسام حسن لدرجة مرعبة :: عكس اللى بيحصل من اصغر لعيب مع البدرى

لاول مرة نشوف طلعت بيشوح لميهوب ::: عفروتو يطلع يشتكى مع شلبلب

يعنى حتى المسلمات والمبادىء اللى حفظناها فى الاهلى هى كمان بتروح

من حوالى 4 شهور وبعد غياب متعب

كانت مشكلتنا اننا بنعمل هجمات كتيرة.... ومفيش حد يترجمها

وبعدها بشوية بقينا بنمسك كورة على اى فرقة.... بس مبنعملش هجمات كتير

ودلوقتى مبنمسكش كورة حتى!!

هل ادارة الاهلى حاسة بالوضع الحالى؟!!

و هنا مش قصدى اقالة البدرى... لان بامانة الوقت ضيق جدا

انا قصدى اللعيبة لان فى ايديهم كل حاجة مهما كانت نقائص الادارة الفنية

اللعيبة دى لازم تعرف هى بتلعب باسم مين؟

وتعرف ان الجماهير فيها عينين

وبتعرف تميز مابين مشكلة ادراة فنية :: او تراخى لاعبين لا داعى لذكر اسماءهم

بكل امانة..

رجولة لاعبى الزمالك امام الاسماعيلى ::: و......لاعبى الاهلى امام الجونة

تلخص الوضع الحالى اللى بقينا فيه سواء اعترفنا او معترفناش ...

مبرووك للزمالكاوية

من حقهم يفرحوا فى العيد

[aiman noor eldein]

بارك الله فيكم اخى محمود موضوع ولا اروع و الف مبروك للزمالك و للكابتن الكبير حسام حسن

[عبده نت]

الاخ الفاضل .. محمود

احييك على هذا الموضوع الرائع

ولاكن لا تكن يائس لهذه الدرجة لان نادى الاهلى

يستطيع ان يعود فى اى وقت واظن انى الاصابات الحالية

تسبب ازمة فادحة ولاكن ان شاء الله بعد عودت . متعب .

وعودة الصقر وبركات وان شاء الله عودت ابوتريكة لفرمته

سوف يكون للاهلى شكل جديد وقوى .. وسوف ينافس بكل شراسة

على قمة الدورى واذا تمسك بها اعاهدك .. لن يفرط فيها بسهولة

تحياتى لك

[م/السيد منطاوى]

الاهلى حيفضل فى دمى مهما حصل ولن استطيع ان اقول غير كبوه وان شاء الله تمر سريعا بتغيير الجهاز الفنى باكمله

[محمود رشوان]

المشاركة الأصلية كتبت بواسطة عبدو نت

الاخ الفاضل .. محمود

احييك على هذا الموضوع الرائع

ولاكن لا تكن يائس لهذه الدرجة لان نادى الاهلى

يستطيع ان يعود فى اى وقت واظن انى الاصابات الحالية

تسبب ازمة فادحة ولاكن ان شاء الله بعد عودت . متعب .

وعودة الصقر وبركات وان شاء الله عودت ابوتريكة لفرمته

سوف يكون للاهلى شكل جديد وقوى .. وسوف ينافس بكل شراسة

على قمة الدورى واذا تمسك بها اعاهدك .. لن يفرط فيها بسهولة

تحياتى لك

ان شاء الله
والف شكر على المرور والرد
تقبل تحياتى

[وليد طه]

بارك الله فيكم اخى محمود موضوع ولا اروع و الف مبروك للزمالك و للكابتن الكبير حسام حسن

[السيدعبدالعزيز]

اوفقك فى ارتفاع مستوى الزمالك .
ولكن ملاحظه واحده ... الم يقل ابراهيم حسن بعد فوز الاهلى على بتروجيت
( الاهلى بيجيب الحظ ده منين )..
طيب بالامس كان الحظ كله للزمالك .
بدليل هدف تسلل لم يحتسب .. هدف للمعتصم فى مرماه .. كرة للاسماعيلى فى اسفل القائم فى وقت قاتل . ومعروف ان معظم تلك الكور ترتطم باسف القائم ثم فى ظهر الحارس ثم تسكن الشباك.
هذا هو الحظ الذى يتكلمون عنه .!.

[مصراوى2]

اعترض كثيرا على عنوان الخبر.
نشيد باداء الزمالك نعم .
لماذا نقحم الاهلى داخل الخبر؟؟؟؟ .

[محمدزكريا59]

الف شكر أخى محمود