[walid_elfeqi]

حصريا :::: وعلى مصراوى سات اثبات بالدليل القاطع لن تقوم بشحن الفلاشة بعد الان

لن نحتاج الى لودر للجهاز لن نخاف بعد اليوم كنت فى مشاركة سابقة اشرت الى أنه لا خوف من شحن الفلاشة اذا انقطعت الكهرباء وانه يمكن تمرير السوفت للجهاز بطريقة معينه اليوم وبالدليل القاطع والذى لايدع مجالا للشك فى التجربة التى قمت بها لأثبت يوما بعد يوم أن رجال مصراوى سات يحققون المستحيل فقط من اجل اعضاء منتداهم الغالى وسأضع لكم رابط المشاركة القديمة لى . وسأضع ايضا رابط المشاركة التى جائتنى من احد الاعضاء الاعزاء وما زاد سعادتى انه يعيش بالخارج يعنى كانت المشكلة صعبة عليه جدا ولكن بتوفيق من الله عز وجل وبفضله سبحانه وتعالى طبقت التجربة ونجحت والحمد لله ارجوا من كل الاعضاء تسجيل مشاركة لأن الموضوع ده جد هام ورائع للجميع اعتبروها عدية مصراوى اليكم وسيبقى لكم عدية عندى قبل العيد بإذن الله ومنه وفضله المهم التعليقات مهمة جدا والف مبروك للجميع .

الرابط الأول ::::: المشاركة القديمة عن التجربة التى قمت بها

اضغط على مصراوى

الرابط الثانى ::::: المشاركة الجديدة لمشكلة عند احد الاعضاء المقيمين بالخارج والتى تدل على نجاح التجربة وللمرة الثالثة " انقطاع كهرباء اثناء التحميل "

اضغط على مصراوى

مع ارق تحياتى وامنياتى القلبية للجميع والف مليون مبروك :::::::: وليد الفقى

[waled_2009]

بارك الله فيك

[hany_h2001]

بس ياريت تنوه يا استاذ وليد ان الفلاشة لو كانت fat32 أحسن من ntfs والسوفت بينزل زى الحرير

[magdy andrawos]

كلام مضبوط يا استاذ هاني

[السيد جمال]

شكر لك يا حبيبى على موضوع حصريا
مثبت

[م / احـمد سمير]

تسلم ياغالى على حصرياتك
تقبل تحياتى

[sayeeed]

المشاركة الأصلية كتبت بواسطة hany_h2001

بس ياريت تنوه يا استاذ وليد ان الفلاشة لو كانت fat32 أحسن من ntfs والسوفت بينزل زى الحرير

صح كلامك اخى هانى وحصلت معى عن تجربة فحاولت تنزيل السوفت من على الفلاشةوهى ntfs والله الجهاز واقف معى على كيوماكس اتش دىفبعت مشاركة
فى احدى المنتديات والجميع اجيبوا ان الفلاشة لازم تتشحن فقولت اجرب انزل
السوفت fat32 ومش هخسر حاجة وفعلا نزل السوفت واشتغل الجهاز ومن وقتها بنزل اى سوفت من على الفلاشةfat32

[hany_h2001]

المشاركة الأصلية كتبت بواسطة sayeeed

صح كلامك اخى هانى وحصلت معى عن تجربة فحاولت تنزيل السوفت من على الفلاشةوهى ntfs والله الجهاز واقف معى على كيوماكس اتش دىفبعت مشاركة
فى احدى المنتديات والجميع اجيبوا ان الفلاشة لازم تتشحن فقولت اجرب انزل
السوفت fat32 ومش هخسر حاجة وفعلا نزل السوفت واشتغل الجهاز ومن وقتها بنزل اى سوفت من على الفلاشةfat32

فعلا بس مش عارف ليه في كل المنتديات في شرح السوفتوير بيقولوا لازم تفرمطها ntfs عموما المهم ان كده الواحد يجرب السوفتات وهو مش خايف من حاجه والتحويلات وخلافه
ويشوف ويقارن ايه الاحسن

[ahmed72274]

الحمد لله على هذا العمل الأكثر من رائع . سلمت يداك ياباشمهندس وليد . وكل عام وانتم بألف خير .

[adelrefaat]

هو كدا الشغل ...تسلم يا وليد وكل سنه وأنت طيب ...

[hamadasat96]

استاذي العزيز وليد الفقي حقيقي عمل رائع بل اكثر من رائع
لانك طمنت عبدالعال ذات نفسه ولك مني فائق الاحترام
وفائق التقدير لمجازفتك بالجهاز وليس ب100 جنيه
القيمة المعنوية التي قدمتها الينا لاتقدر بمال بل بمجهود صعب جدا
واجهته وحدك وغامرت من اجل اسعاد الجميع

[walid_elfeqi]

المشاركة الأصلية كتبت بواسطة hany_h2001

بس ياريت تنوه يا استاذ وليد ان الفلاشة لو كانت fat32 أحسن من ntfs والسوفت بينزل زى الحرير

اخى الفاضل كلا النظامين للفورمات يعملان وكلاهما صالحان لتمرير السوفت ولكن كل واحد بيحس ان فيه نظام احسن من نظام بالنسبة ليه تمام زى رأينا فى السوفتات وانا أوعدك انى سأعمل مقارنة عمليه بين الاثنين لنجرج بمعلومة جيدة من الافضل للجهاز وإن كنت أقول حتى الان انهما فورمات وكلاهما صالح ويجب ان نستفيد من كلاهما حسب رغبة كل واحد فينا .... وتقبل تحياتى

[walid_elfeqi]

المشاركة الأصلية كتبت بواسطة السيد جمال

شكر لك يا حبيبى على موضوع حصريا
مثبت

مرور ولا اروع للأستاذ / السيد جمال استاذى الفاضل كل الشكر على التثيت ودائما مصراوى سات من افضل الى افضل وتقبل تحياتى ...

[walid_elfeqi]

المشاركة الأصلية كتبت بواسطة م/ احـــمـــد ســـمـــير

تسلم ياغالى على حصرياتك
تقبل تحياتى

بأذن الله ستتوالى الحصريات على مصراوى سات منتدى كل المصريين وكل الشكر لك استاذى الفاضل على وجودك الدائم بيننا وتشرفى بتسجيل مشاركة فى موضوعى بجد نورت الموضوع يا باش مهندس احمد وربنا يبارك فى حضرتك

[ابو ميدو]

هذه تجربتى التى تؤكد هذا الموضوع
الاخوه الاحباب اعضاء المنتدى الغالى

احب اولا اشكر الاستاذ صلاح عبدالعال الوكيل لاجهزة الكيوماكس واحب اطمن الاخوة الزملاء على مستقبل الجوكر وذلك للاتى

1 - انا اشتريت الجوكر فى بداية شهر يونيه 2010 وغيرت السوفت بدل المره عشره بمعنى ان مع كل سوفت جديد اغير عليه وبدون اى مشاكل وكان كل ده بنفس الطريقة الاولى لتنزيل السوفت حيث اننى مخصص فلاشة 4 جيجا للجوكر فقط دون ان اضع عليها اى ملفات اخرى وكنت عامل لها فرمته بنظام NTFS

وكنت اضع السوفت بداخل ملف مكتوب عليه - files - على الفلاشة ثم اقوم باطفاء الريسيفر ووضع الفلاشة بالريسيفر ثم 0000000 حتى نهاية العمليه

2 - بعدما قام الاستاذ حمدى بعمل موضوع افضل طريقه لترقية سوفت بطريقة الجولد على الفور لثقتى الشديده فى الاستاذ حمدى وكذلك كافة اعضاء الفريق العربى للكيوماكس بفرمت الفلاشة على الوضع الجديد وقمت بتنزيل السوفت رقم 333 بنفس طريقة الاستاذ حمدى وقام الريسيفر بتحميل السوفت على مرحلتين فقط وليس 6 مراحل وكتب على الشاشه لا تطفىء الريسيفر ولم يطلب اعادة تشغيل الجهاز مع العلم انه كتب على الريسيفر END فبعد فترة قمت بسحب الفلاشه واطفاء الريسيفر من الخلف واعادة تشغيله مرة اخرى وقبل السوفت واشتغل بس كان فى مشكلة التهنيج كثيره زيادة عن اللازم 0

3 - بعد نزول الاصدار 335 قمت بتنزيله بنفس الطريقه السابقه الخاصة بالاستاذ حمدى لكن الريسيفر هنج وهو فى نصف المرحلة الثانية من تنزيل السوفت وانتظرت اكثر من خمس دقائق دون جدوى فقمت بنزع الفلاشة واطفاء الريسيفر وقلت عوضى على الله وكنت متأكد ان الفلاشه طارت وشغلت الريسيفر دون جدوى يفتح على الشاشة الاولى فقط وحاولت انزل السوفت مره ثانيه بالطريقة القديمه دون جدوى 0

4 - اخذت الريسيفر يوم الخميس 23/9/2010 وذهبت لمركز صيانة عبدالعال فى لوران بالاسكندريه وسلمت الريسيفر واخذت ايصال بذلك وقالو لى اسأل عليه بالتليفون يوم الاثنين قبل ما تيجى فطلبت مقابلة الاستاذ صلاح عبدالعال او الاتصال به وبعد محاولات وصفولى مكان مكتبه 0

5 - على الفور ذهبت لمكتبه وطلبت مقابلته من السكرتيرة لامر هام وقالت لى انه لديه ضيوف وبعد الحاح دخلت السكرتيرة له وكلمته وجائت لى وقالت ادخل دقيقتان فقط فوافقت ودخلت له 0

6 - وهنا كانت المفاجأة وجدت مكتبه عبارة عن غرفة عمليات للجوكر ومعه عدد 2 خبراء من الصين ويوجد على الحائط عدد 2 شاشة تليفزيون Lcd كبيره معروض عليهم قوائم الجوكر للتعديل والتظبيط فيها وده سر ان تقريبا كل يوم كان ينزل سوفت جديدوقال لى ما مشكلتك فقلت له اثناء تنزيل السوفت 335 من الموقع الرسمى على الريسيفر فهنج فى منتصف التحديث ولم يعمل بعد ذلك وحكيت له كل عيوب الجوكر فقال لى ان الجوكر احسن جهاز ريسيفر فى العالم وان التهنيج ده ليس عيب من الريسيفر ولا السوفت ده عيب ثانى عندك وقال للسكرتيره بان تذهب لمركز الصيانة وتحضر الريسيفر له ليعرضه على الصينين وقال لى سنتصل بك فور حل مشكلة الجهاز0

7 - اتصلت بعد يومين بمركز الصيانة للاستفسار عن الجوكر فقالو لى اتصلح وتعالى استلمه وبالفعل ذهبت لاستلامه ولم يطلبو منى اى مبالغ ماليه فسألتهم عاوزين كام فقالولى لا شىء ببلاش فسألت السكرتيرة هو الجوكر كان فيه ايه فقالت لى معرفش هما ادوهولى متصلح عشان اسلمهولك فقط 0

8 - وهنا المفاجأه بعد ما روحت وشغلت الريسيفر لقيته شغال وعليه السوفت 331 لحد هنا ماشى فتحت صفحة ********* وجدتها كما هى ذى ما انا عاملها وكمان ******* المدفوع موجود مفيهوش مشاكل متمسحشى 0

هنا السؤال شحن الفلاشه مش المفروض انه بيمسح كل شىء من على فلاشة الريسيفر ويرجعها بكر كما كانت ولا انا غلطان حد من المتخصصين يجاوب عليه

معنى كده ان الريسيفر متشحنتشى فلاشته طب العيب فين للافادة فى مثل هذه الحالات مستقبلا

اسف للاطالة وشكرا للجميع