[sandoby]

السلام عليكم
أنا عندى سوقت 3.31 ولما حملت 3.39 ظهرت على الشاشة رسالة
not optimized mode
recommended 1920*1080
60 HZ
وتظل الشاشة سوداء
الشاشة سامسونج 24"

[josef800]

خلي الرسيفر شغال و اقفل التلفزيون و ارجع شغله تاني
اعتقد ان تلفزيونك HDReady , لو مانفعش ادخل علي اعدادات التلفزيون وخليه علي 1080 HDMI , و من الرسيفر كله AUTO
و اتمنا يشتغل معاك لني كان عندي نفس المشكله قبل كده
و تقبل تحياتي

[sandoby]

شكرا أستاذ josef800 لكن التليفزيون
FULL HD كما أن الشاشة تظل سوداء فلا استطيع الدخول على قوائم الرسيفر على العموم سوف احاول مع التلفزيون واخبرك بالنتيجة
تحياتى

[walid_elfeqi]

ظبط التلفزيون وظبط الرسيفر على تلفزيون عادى علشان تقدر تشوف :::: بس حبيبى انت بتستخدم الوصلة الى جاية مع الرسيفر للاتش دى . متابع

[sandoby]

شكرا استاذ وليد
أنا باستخدم الوصلة اللى جاية مع الرسيفر
وحاظبط الرسيفر على تلفزيون عادى واتابعك بالنتائج

[hicare]

سوفت 3.39 بعد التحميل ومع أول مرة لتشغيل الجهاز بيعمل إختبار لاعدادات التليفزيون ثم يتم توليف خرج الريسيفر تبعا للإعدادات التي حصل عليها، فحضرتك ضبط جها التليفزيون علي (Auto) أو (Pal ) ، ثم عمل إعادة تشغيل للريسيفر، وإن شاء الله هيشتغل.

[sandoby]

شكرا لكم جميعا وكل عام وانتم بخير
أنا نقلت الرسيفر على تلفزيون عادى وظبطه والحمد لله اشتغل على ال lcd

[walid_elfeqi]

المشاركة الأصلية كتبت بواسطة sandoby

شكرا لكم جميعا وكل عام وانتم بخير
أنا نقلت الرسيفر على تلفزيون عادى وظبطه والحمد لله اشتغل على ال lcd

تمام حبيبى الف مبروك حبيبى

[aboeyad2]

يا جماعه الموضوع ده ما لوش اى حل نفس المشكله عندى مع الشاشه السامسونج 2494
بعد كل سوفت لازم اشغل الريسيفر على تليفزيون عادى واظبطه الاول قبل ما اشغله على lcd ما لوش حل الموضوع ده

[العشماوى 43]

يا غالي انت مش محتاج تليفزيون تاني تظبط عليه كل اللي هاتعمله انك توصل الريسيفرعلى شاشه lcd بوصلة hdووصله rca العاديه (الاوديو فيديو) وتظبط اعدادك للشاشة على نفس التليفزيون

[pepo]

يا جماعه الحل بسيط جدا وصل الاديو والفديو العادي بلشاشه واضبط
الlcd
فيه طبعا مخرج اديو وفديو

[sandoby]

المشاركة الأصلية كتبت بواسطة pepo

يا جماعه الحل بسيط جدا وصل الاديو والفديو العادي بلشاشه واضبط
الlcd
فيه طبعا مخرج اديو وفديو

للأسف الشاشة samsung 2494 hs ليس بها av in فيها hdmi ، dvi فقط

[sandoby]

المشاركة الأصلية كتبت بواسطة aboeyad2

يا جماعه الموضوع ده ما لوش اى حل نفس المشكله عندى مع الشاشه السامسونج 2494
بعد كل سوفت لازم اشغل الريسيفر على تليفزيون عادى واظبطه الاول قبل ما اشغله على lcd ما لوش حل الموضوع ده

الحل الوحيد اللى اكتشفته هو أن بعد لما السوفت ينزل تضغط من الريموت ( وطبعا مش حاتكون شايف )
1- منيو
2- تنزل بالسهم لاسفل مرتين ثم مفتاح ok
3- تنزل بالسهم لاسفل مرة
4- تتحرك بالاسهم يمين وشمال الى أن تصل الى resolution 1080
بعدها ان شاء الله تجد الصورة ظهرت