اسقاطات ....اسقاطات........اسقاطات.......اسقاطات
ازداوجية المعايير
ازدواجية المشاعر
ازدواجية ردود الفعل
صحيح عالم بقى كله اسقاطات
وكلمة اسقاط.....تعنى وصف فعل معين لغرض ما غير واضح علنا
ففلان صرح تصريح وبه اسقاط على فلان......بطريقة غير مباشرة
--------------------------------------------------------
لسة لم يمر اسبوع على موضوع (الست وطنية وشيكابالا)......وفاجئنا ابو تريكة باسقاط جديد
شيكابالا عندما ادعى وتلكك بالاصابة ....كانت اسقاط العدم رغبته فى اللعب تحت قيادة شحاتة......وليس هروبا من تادية واجبه نحو منتخب بلده.....فتجدالبعض يهاجم ويتهم بالخيانة وعدم الانتماء
ابو تريكة يصرح تصريحا به اسقاط لعدم راحته مع البدرى فى وقت غير مناسب تماما ولو كنت مكان البدرى او هادى خشبة لاستبعدت اللاعب حتى لو كان فى ماتش مهم زى بتاع الاسماعيلى....ولكن انه ابو تريكة....يقول اللى يقوله ....يعمل اللى هو عاوزه .....له فى قلوبنا كل الحب الكبير.....ولكن حبنا للاهلى ومبادئه اكتر ....وطالما كدة كدة خسرانة....يبقى نكسب مبادئنا ....ولازم ابو تريكة يتم استبعاده لفترة....ولكن هيهات,,,,,,,انه النظام الجديد بقيادة الحاج هادى والبدرى باشا.....طنااااش واعمل نفسك مش شايف,,,,,وممكن تبقى تعاقبه بعد الدورى
طب يا تريكة ما انت ساكت من زمااااااااان
انما خلااااااااااص ....نفد صبره ....فهو يظهر فى المنتخب بصورة افضل نسبيا من النادى ....والحق ان شحاتة قاعد بيتفرج على اللاعيبة ....مش بيوجه اللاعيبة ولا باص باص باص ...ولا شفنا تريكة سااقط لحد خط منتصف الملعب زى البدرى ما بيخلليه يعمل كدة
يبقى تريكة برضه انسان مش ملااك ....له صبر محدد ...ونفد صبره
طب يا بتوع الوطنية ,,,,,يا اللى مقتنعين ان الكورة فيها وطنية .....هل من الممكن ان تشككوا فى ولاء وحب تريكة للاهلى والفانلة الحمراء....هل يستطيع اى فرد من اللى هاجموا شيكابالا ان يتهم ابو تريكة بان تصريحه ده هيعمل بلاوى داخل الفريق بخلاف تاثيره على الجمهور اللى خلاص تقريبا كله هيبقى من بتوع النص اهلاوية وممكن الامور تتطور لشتيمة للجهاز داخل المباريات فى هذا التوقيت
ومحدش يقول ان فى اختلاف بين قضية شيكا وقضية تريكة ....وطبعا هتقولوا ان تريكة لم يمتنع عن اللعب مع الاهلى ......صدقونى لو امتنع احسن ,,,,لاعب حاسس ومتاكد انه مش مرتاح وان مديره الفنى مش عارف يطلع اللى جواه ولا يستفيد بيه الاستفادة المناسبة لقدراته فى هذه المرحلة.....لعب مرة واتنين وتلاتة ولا ياخذ سوى انتقادات من الجمهور والنقاد وكلهم بيتكلموا عن اعتزال اللاعب......منتظرين ايه من اللاعب؟!
هيأدى واجبه تجاه ناديه ازاى وهو حاسس ان اللى قاعد برة مش مساعده ولا مساعد نفسه
لا انكر ان الاصابات قللت من مستوى تريكة
ولكنه لم ينتهى بعد ,,,,وممكن جدا الاستفادة بيه افضل من كدة بكتير
نفس الكلام بحذافيره لازم يبقى على شيكابالا.......
كل المعسكرات السابقة على فترات متباعدة كان دور شيكابالا نجم شباك الدورى المصرى السنة اللى فاتت والسنة دى ...كل دوره الانضمام والخروج كما هو
مش حاسس بقيمته ولا مكانته اللى بيحسها فى ناديه
وتريكة مش حاسس بقيمته ولا بمكانته اللى بيحسها فى المنتخب
كلها احاسيس تنعكس على اداؤهم ورغبتهم فى اللعب
--------------------------------------------------------
شيكابالا اخطأ فى التملص والهروب من المنتخب .....يتم ايقافه دوليا ماشى ......انما لا اتهمه بالخيانه وعدم الانتماء
ابو تريكة اخطأ فى تصريحه .....لابد من استبعاده لفترة من الاهلى ......انما لا اقدر ولا يقدر اى عاقل ان يتهمه بانه غير وفى للنادى او انه اذى الفريق بهذا التصريح ...بالعكس تريكة مكانه فى القلب ...وربما هى ارادة السماء لكى تظهر لنا ان لاعب الكرة مش عسكرى فى الجيش بينفذ الاوامر
------------------------------------------
ذكرت لكم اسقاطين
اسقاط شيكا بادعائه الاصابة
اسقاط تريكة فى تصريحاته
فاضل اسقاط واحد
اسقاط كان واضح من جمهور التراس اهلاوى لما رفعوا لافتات كانت تحث الادارة على التدخل قبل فوات الاوان .....قبل ان ينفجر اللاعبون الواحد تلو الاخر بهذا الشكل المزرى....اسقاط نفتخر به كجمهور النادى الاهلى كلنا .....اسقاط لم يعجب بعض الاهلاوية الحكيكين اللى فعلا اختفوا من المنتدى ولم يبدوا رايهم فى الهجمات المتتالية على البدرى من النقاد واللاعبين....مع انها مش خناقة ولا عند ولا تحدى ....دى مناقشات محدش بيقراها غيرنا .....
اسقاط شيكابالا يستحق العقاب(رغم ان اللاعب مظلوم من شحاتة)
اسقاط ابو تريكة يستحق العقاب(رغم ان اللاعب مظلوم من البدرى)
اسقاط الالتراس اهلاوى يستحق الاشادة (رغم ان الجمهور مخطىء وليس من حقه التدخل فى الادارة)
|
2010/11/20, 10:25 PM
