[osamasaad]

ارسلت وكالة رويترز عرضا لاتحاد الاذاعة و التليفزيون زيه زى جميع القنوات اللى بتتعامل معاها بيقول العرض ان الوكالة هاتبث ملخص مدته 3 دقايق من بطولة العالم للقارات بالبرازيل و هايكون الملخص لكل مباراة بعد نهايتها بربع ساعة و المقابل 20 الف دولار لكل ملخصات البطولة ولاد الحرامية و يبدو ان دى مقدمة لرفع اسعار الاشتراك الشهرى فى الوكالة و اللى يبلغ حاليا 80 الف دولار بالتمام و الكمال و على فكرة انا سامع ان الوكالة الانجليزية الالمانية المشهورة بتحاول تانى تاخد ملخص ماتشين من الدورى الانجليزى للموسم الجاى بعد طريقة التوزيع الجديدة للمباريات لكن الانجليز طالبين عشرة الاف دولار على ملخص 3 دقايق لكل مباراة و الوكالة عايزة تدفع نصهم بس
انا شخصيا متصور ان اتحاد الاذاعة هايرفض العرض مع ان اللى ماسك لجنة الحقوق القانونية دلوقتى حمدى الكنيسى بدل عبد الفتاح حسن و الرفض بسبب الظروف الاقتصادية للبلد اضافة الى ان مافيش حد هايهتم بالبطولة اصلا نظرا لعدم مشاركة المنتخب الوطني بها
على فكرة كاس العالم الجاية مالهاش ملخصات من اى مكان و رويترز و اس ان تى فى فشلوا فى الحصول عليها لان الفيفا طلبت 15 الف دولار على ملخص اى ماتش باستثناء الدور قبل النهائى و النهائى طبعا لان دول ليهم اسعار خاصة

[egyeminem]

بدون مصدر ياغالي لاتوجد مصداقيه
ياريت تعدل اسلوبك في مواضيعك ياغالي بارفاق مصادر اخبارك زي كل اعضاء المنتدى المحترمين

[osamasaad]

اهلا بيك مجددا

ادخل موقع رويترز على النت و انت تعرف التفاصيل و الوكالة هى المصدر الوحيد لانها بقت صاحبة الحق فى الملخص و على فكرة انا مش شغال فى رويترز لكن الاخبار دى ما بتجيش فى وكالات و هاتلاقى عرض رويترز واضح لكن للتفاصيل لازم تكون مشترك فى خدماتهم الاخبارية للوايرز بس مش حتى المصورة .. انا بقى مش مشترك معاهم لكن بتجينى الاخبار من مكان تانى مش مهم لاى حد يعرفه و ملاحظة فى اليوم الاخير من الدورى الانجليزى هاتعلن ادارة الدورى الممتاز مين اللى فاز بالحقوق فى منطقة الشرق الاوسط و هى مش مفاجأة لاحد لكن نظرا لان ما فيش حد هايصدق نسيب الوكالات تقول مين الفائز و بالدليل بس انا عارفه بفضل الله من يناير اللى فات و هناك مفاجأة كبيرة فيه و لما تعرفوا التفاصيل نبقى نتكلم ساعتها تانى و هى مش اسرار حربية و لا حاجة يعنى زى ما اتحاد الاذاعة رفض الدورى البرازيلى " مجانا " و البلجيكى و دى حاجات عمرها ما يمكن الاتحاد يقولها و لا حتى للمصادر اللى بيتعامل معاها لكن بنعرفها من خلال مصادر معينة و على النت برضه لكن باساليب تحتاج لاشتراكات و شبه مستحيلة على الشخص العادى لكن المتخصص بقت نسبيا سهلة و على فكرة الوكالة بتاعة الوليد بن طلال اللى اخدت حقوق الدورى الانجليزى طلعت عنينا المرة دى علشان ناخد منها تفاصيل بالعافية و اشترطت ما نذيعش اى حاجة لغاية ما الانجليز يعلنوا رسمى
طيب تعرف ان قناة النيلين السودانية التعبانة اخدت حقوق ملخص دورى ابطال افريقيا مجانا و قناة النيل للرياضة ما خدتوش اسالنى عن السبب اقولك مرحبا انت فى مصر .. يعنى تقدر تقول لى ان ميزانية القناة السودانية افضل من النيل ؟؟ لكنها كلها افكار و عقول بتخطط و تنفذ و المرير هنا ان اللى جاب الملخص هو شطة المدير التنفيذى للاتحاد الافريقى اللى بيعيش فى مصر و تحب اقولك ان فيلته فى الرحاب كمان و جنب فيلا الخطيب المشهورة .. عايز ايه كمان اقولك عليه ؟؟

[egyeminem]

رغم اني مبحبش اغلط في بلدي بس للاسف دي تبقى قمه التخلف عشان اساسا قنواتنا الرياضيه متاخره يجي مليون سنه
ولو يرفضوا حاجه مجانا او حتى مايحاولوش يطوروا نفسهم ان ياخدوا اي حاجه يبقى فعلا هي دي مصر للاسف

[osamasaad]

انت باين عليك لسه شاب ما طلعتش بره و ما جربتش كتير
فى مصر عايشين على وهم اسمه لنا الريادة و لما الواحد يطلع على بره بيعرف الحقائق كلها و الموضوع ما اختلفش قبل الثورة عن دلوقتى كتير كل اللى اختلف قشور فلسه الموظفين هما هما و اللى ماسكين الاعلام بيخرجوا لسانهم و يقولوا قاعدين على قلبكم ما حدش يقدر يمشينا و بعضهم حاطط صور المخلوع لغاية دلوقتى فى مكاتبهم لانه هو اللى حطهم فى مناصبهم و بس خلاص

[egyeminem]

اولا كل الكلام ده احنا عارفينه واكيد معاك حق فيه
بس اللي مش فاهمه .. عمرك ماطلعت بره .. لوتقصد بره مصر فاحب اقولك انا اصلا ماعشتش جوه غير 4 سنين الجامعه ومبنزلش مصر غير اسبوعين في السنه للاسف
شكرا

[osamasaad]

لا اللى اقصده فى بلد تانى يعنى اوروبى او اميركى او حتى عربى لانى عشت شخصيا حوالى 16 سنة فى لندن و دلوقتى باتنقل بينها و بين القاهرة لكن اسعار السفر حدت من تحركاتى

[egyeminem]

انا بقى دايما في اسبانيا بحكم شغلي وزرت انجلترا اكتر من مره واكيد انشاء الله الصيف ده برضو رايح شهر لو انت هناك نتقابل ونتكلم براحتنا عن مواضيعك هنا
وعلى فكره انا مكنتش ضدك ولاحاجه انا بس كنت بقول رأي وان نكون متاكيد من معلومات الاعضاء مش اكتر