[osamaroshdi]

اخوانية اخوانية...هي مصر اخوانية ؟؟
مش هنسمح ... لو للحظة ... أن تبقى شيطانية..
مش هنسمح .. لو للحظة... أن يعلى بس صوتكم .. بالأذية
أن يبقى الفُجر .. بينا
بين حياتنا وبين نفوسنا
يبقى عادة ماسونية
أن تبقى العيشة .. بيكم .. مأساوية
أن يبقى العدل (منحة) للغلابة المستحية
مش هنسمح ... لل فاكر نفسه شاعر
و المطبل والمزيف وال فاتح بقه يمدح ... في الجهالة الأخوانية
وال عايش كالمصارع
وال تحت الحقد .. ضايع
مش هنسمح .. غير بدولة.. ديموقراطية
فيها كل الناس كإخوة... ربانية
وهي فعلا اخوانية ؟؟

مهما صوت الظلم يعلى فوق كتافكم
مهما فيكو الحقد يغلى بين قلوبكم
مهما نار الحق تطفي فوق جبينكم
إلا تبقى .. رغم عنكم ... رغم خوفكم ..أو صراخكم
أن مصر حرة وأبية .. مش اخوانية
مش هتبقى شيطانية
أيوا هي حرة وأبية .. مش هتبقى شيطانية
رافضة اى جسور تاخد منها الحرية
رافضة اى حوار ياخد منها الديموقراطية
رافضة بس عشان بترفض ... تكون اخوانية

مش عايزة فلول مريضة
مش عايزة أحزاب كرتونية
ولا المعارضة الجرثومية
عايزة تكون بس مصر الحرة الأبية
مش هتبقى شيطانية...
تدى للشاطر براءة ... ( أبدية )
تدى للمرشد شهادة .. ( صلاحية )
تدى ليكم ... ايوه ليكم ... ليكوا انتم .. أهمية

انتو عايزينها بصراحة ... ليكم انتم
انتو عايزينها ف مقاسكم
وف جيوبكم
تحت رجليكم تشيلكم
انتو عايزينها – الخلاصة – اخوانية
وهي مصر اخوانية ؟؟

[mohamed yaser]

مع انى مش اخوانى لكن طريقة النقد يجب ان تكو ن بمستوى ارقى من ذلك

[kareem800]

مش هنسمح ... لل فاكر نفسه شاعر

بيت من كلامك

والمعنى فى بطن كاتب هذا الرد

[علي امين2010]

عمل ممتاز اخي الكريم
شكرا

[adoool]

باشا و استاااااااااذ كبير

تسلم ايدك

بجد عمل اكتر من رائع

[خلف الفنان]

نفسي نعيش مع بعض مصريين مسلمين ومسحيين اخوان وليبراليين ونحب مصر ونضحي شويه ونفعل فينا خلق التسامح وفضيلة المحبة ياااااااااريت