[mdyab1968]

ارجو من الاعضاء المحترمين امدادى بمعلومات عن ريسيفر ig هل هو ريسيفر كويس ولا به مشاكل ؟
وارجو الرد سريعا لانى اريد شراء ريسيفر اليوم ومحتار

[mdyab1968]

ماشاء الله 50 مشاهدة
ولااااااااااااااااااااااااااا اى رد
معقوووووووووووووووووووووول

[اشرف ابراهيم احمد]

انا عندى ريسيفر ig740 ريسيفر ممتاز وسيرفر سنه وحاليا ليه اكتر من سنه ولسه شغال تقريبا سنه وشهرين وداخل فى التالت وريسيفر به كامه وثبات فى *******

[احمد البطل]

المشاركة الأصلية كتبت بواسطة اشرف ابراهيم احمد

انا عندى ريسيفر ig740 ريسيفر ممتاز وسيرفر سنه وحاليا ليه اكتر من سنه ولسه شغال تقريبا سنه وشهرين وداخل فى التالت وريسيفر به كامه وثبات فى *******

يااغالى

الجهاز بينزل عليه 720 يوم وليس 365 يوم

[data2008]

جهاز مش حلو بلاش منه
خليك فى الترومان او الكوماكس 999

[ismail hassan]

الجهاز شغال معايا تمام ولكن يوجد به عيوب مش مؤثرة بالنسبة للسرفر بتاعه شغال نايل تمام الجزيرة واية ار تي أموس بافة يس تمام دبليو 3 يوجد تقطيع علي دجي تورك الاوربي باقة سكاي تمام الفرنسيات تمام كانل بولندا تمام نوفا يوجد به تقطيع دبليو 2 شغال من السابعة ص الي الرابعة عصرا تمام استرا شغال باقة سكاي والفرنسيات شغالة بدون شيرنج فاتح ****** من غير نت تمام .ده حاله الباقات العامله علي الجهاز مميزات الجهاز به بحث يوتيوب لكن بالانجلش ولي بالعربي به عدد 2 كامة داخلية مدمجة به عدد 2 يو أس بي للعرض والتسجيل علي الجهاز وعلي فترات التوكيل بينزل سوفت لحل المشاكل الخاصة بالجهاز تقدر تحمل السوفت بنفسك علي فلاشة وتعمل تحديث بنفسك والجهاز فاتح 725 يوم وسعره مرتاح بالنسبة للاجهزة الاخري اتمني ان تكون وصلت ليك المعلومة.

[اشرف ابراهيم احمد]

المشاركة الأصلية كتبت بواسطة احمد البطل

يااغالى

الجهاز بينزل عليه 720 يوم وليس 365 يوم

اصل انا كنت جايب واحد تانى لزبون اشتغل10 شهور وحلف ما يفتح تانى وكنت شاريه بكرتونته وانا الى مفعله

[saber_kh2001]

المشاركة الأصلية كتبت بواسطة data2008

جهاز مش حلو بلاش منه
خليك فى الترومان او الكوماكس 999

رشحلنا جهازين يا ابو رحمه يكون ممتاز
واحد فى حدود 1000 ج
انت رجل خبره وجربت اجهزه كتيره
ولو ممكن الاخر موديل من الترومان والكيوماكس كما ذكرت
لاخى جارى بالسكن
وشكرا ليك اخى العزيز

[hasan aladawy]

حزارى من هذا الجهاز من اردء الاجهزة اللى شفتها
لو عاوز جهاز حلو اشترى تايجر hdفلاشة 8ميجا موجود فى مصر بكثرة ومش غالى جهاز محترم عن تجربة ودعم رهيب من الشركة ولو عاوز جهاز غالى شوية ترومان بريمر بلص جهاز محترم جدا

[data2008]

هات ترومان wifi hd
او اى ترومان hd كلهم كويسين

[masteregyptx]

المشاركة الأصلية كتبت بواسطة hasan8

حزارى من هذا الجهاز من اردء الاجهزة اللى شفتها
لو عاوز جهاز حلو اشترى تايجر hdفلاشة 8ميجا موجود فى مصر بكثرة ومش غالى جهاز محترم عن تجربة ودعم رهيب من الشركة ولو عاوز جهاز غالى شوية ترومان بريمر بلص جهاز محترم جدا

هل تقصد ريسيفر تايجر t6 class full hd 8m ام موديل اخر ؟ و اين يوجد في مصر بكثرة؟ لاني بحثت كثيرا و لم اجد سوي موديل تايجر 1000hd و كان معروض في احد التوكيلات فقط!