[ايمن حماد]

على باب سفارة كندا.

.لمحت ابليس و ف ايده استماره
بقول له على فين ..قاللي بص ..يا هجره يا اعاره
يا عم زهقت كفرت ..الاقيش معاك سيجاره
..انا انتهيت خلاص ..لا نافع وسواس ولا خناس
..ولا ليا عيش وسط الناس
دي عالم مجرمين

..عندكوا فائض ف الفساد
..في كل البلاد
..ومش محتاجين شياطين
..مليش عيش ف البلد دي
....بقالي سنين عاطل
...و انتوا بتعرفوا
..تقلبوا الحق باطل
..و تسلكوا القاتل
..و تمشوا ف جنازة المقتول
..ومفيش مشاكل
..يا عم ده انا بقيت أوسوس بالمقلوب
...و أقول للحرامي كفايه بقى توب
..انت هاتعمل كل الذنوب لوحدك
...و أنا ابليس
أشتغل واعظ
..ولا كمساري ف اتوبيس
..يا عم ده انا زمان
..كنت استنى حد ينسى
يسمي
..وهو بياكل لقمته
..دلوقتي كل اكلكم ملوث
..و بصراحه الواحد خايف على صحته
...ده مفيش ضمير اساسا
..عشان اموته
..و كل واحد بمزاجه
..خربانه ذمته
...يا عم ده كل حاجه اتسرقت
..وكده الاجيال الجديده
..م الحراميه اتظلمت
..يا راجل ده من كتر ما لطشت معايا
..خرجت ف مظاهره
..مع الناس اللي بتقول كفايه
...و برضه مفيش فايده

[خوليو_سات]

حوار فكاهى بس فيه حكمه

[jaber alking]

بارك الله فيك

[عبده نت]

...و انتوا بتعرفوا
..تقلبوا الحق باطل

ربنا يكفينا شر الشيطان وشركه ويحفظنا منه....
حوار به كثير من الفائدة .. والعبرة لمن يعتبر
شكرا لك .. وتمنياتى لك بالتوفيق

[ايمن حماد]

المشاركة الأصلية كتبت بواسطة خوليو_سات

حوار فكاهى بس فيه حكمه

شكرا ياغالى

[ايمن حماد]

المشاركة الأصلية كتبت بواسطة jaber alking

بارك الله فيك

شكرا يازمالكاوى ياجميل

[طه بغدادى]

تسلم الايادى
واصل ابداعتك

[احمد لاشين]

الشيطان فعلا في المرة دي اتكلم صح ههههههههههههههههه

[@@@ محمد كمبيوتر @@@]

معانى القصه اكبر
تسلم استاذى

[samsam_8989]

تسلم ايدك يا كبير

[عبدالوهاب محمد]

تسلم استاذى الغالى على ما قدمت