[طهنشا]

السلام عليكم // كل عام وانتم بخير
استازنا الفاضل المستشار// احمد على بعد التحيه
عندى شبكة نت واير لس (هوائى) مداها 2 كيلو متر هل لها ترخيص ام لا وان كان ليها ترخيص ما الاجرائات مع العلم انى رحت مديرية الامن قسم المصنفات قالو ما فيش حاجة اسمها رخصة شبكة نت وفى ناس عاديه مش مسؤلين قالو ان لازم فى تصريح او رخصة لادارة الشبكة فما رأ يك ولك كل احترام وتقدير

[احمد علي علي]

المشاركة الأصلية كتبت بواسطة طهنشا

السلام عليكم // كل عام وانتم بخير
استازنا الفاضل المستشار// احمد على بعد التحيه
عندى شبكة نت واير لس (هوائى) مداها 2 كيلو متر هل لها ترخيص ام لا وان كان ليها ترخيص ما الاجرائات مع العلم انى رحت مديرية الامن قسم المصنفات قالو ما فيش حاجة اسمها رخصة شبكة نت وفى ناس عاديه مش مسؤلين قالو ان لازم فى تصريح او رخصة لادارة الشبكة فما رأ يك ولك كل احترام وتقدير

اخي الفاضل كل عام انت بخير ..................................
انا فاكر انك سألت هذا السؤال من حوالي سنه والامور وقتها كانت هادئه قبل انشاء المحاكم الاقتصاديه ونقل كافه التراخيص الفنيه للشبكات ومحلات النت وخلافه الي القريه الذكيه طريق مصر اسكندريه الصحراوي وعليك السؤال عن هذا الترخيص تحديدا في القريه الذكيه طريق مصر اسكندريه الصحراوي
واذكر لك هذه الماده من قانون الاتصالات لا علي سبيل التخويف ولكن للاهتمام

الماده 73 من القانون رقم 10 لسنه 2003 والخاص بتنظيم الاتصالات ....

مع مراعاة حكم الفقرة الأخيرة من المادة (48) من هذا القانون ، يعاقب بالحبس مدة لا تقل عن سنة وبغرامة لا تقل عن عشرين ألف جنيه ولا تجاوز خمسين ألف جنيه أو بإحدى هاتين العقوبتين كل من قام دون الحصول على تصريح بذلك من الجهات المختصة بأحد الأفعال الآتية :


1- استيراد أو تصنيع جهاز من أجهزة الاتصالات بغرض تسويقها فى الداخل .

2- حيازة أو تركيب أو تشغيل أية أجهزة اتصالات لاسلكية ، ولا تسرى هذه العقوبة فى حالة الأجهزة اللاسلكية التى يصدر الجهاز ترخيصاً عاماً باستخدامها أو تركيبها أو تشغيلها وبما لا يخل بأحكام المادة (44) من هذا القانون .

وتضاعف العقوبة فى حديها الأدنى والأقصى فى حالة العود

وتكون العقوبة السجن إذا كان الاستيراد أو التصنيع أو الحيازة بغير تصريح بغرض المساس بالأمن القومى .

وتحكم المحكمة فى جميع الأحوال بمصادرة المعدات والأجهزة محل الجريمة ومكوناتها .


فلو كانت الامور تسير معك علي مايرام وليس هناك ما يكدر صفوك من رجال المباحث فاستمر ولكن لو كنت تخشي شيء او هناك تهديد من اي شخص فعليك بالسؤال عن هذا الترخيص كما اشرت لك وتمنياتي لك بالتوفيق.

[طهنشا]

استازى الفاضل ايوه انا سالت حضرتك السوال ده قبل سابق ورحت لمدرية الامن قسم المصنفات قالو ان مافيش ترخيص ولا تصريح لحاجه اسمها شبكة نت لاسيلكيه قولت ليهم يعنى مافيش اى معارضه من ناحية المصنفات للشبكة دى قالو ملفيش نص فى القانون بشان الشبكات ولو فيه اى قانون صدر ناحية الشبكات هتلاقى المصنفات جتلك على طول والوقت انا بسال حضرتك لانى مش هاستنا لما المصنفات تيجى وتصادر الاجهزه على العموم انا متشكر للمعلومات اللى حضرتك قولتها دى وهبادر بالسوال عن القرية الزكية دى ومره اخرى اشكر حضرتك على اهتمامك بالرد المفيد

[احمد علي علي]

المشاركة الأصلية كتبت بواسطة طهنشا

استازى الفاضل ايوه انا سالت حضرتك السوال ده قبل سابق ورحت لمدرية الامن قسم المصنفات قالو ان مافيش ترخيص ولا تصريح لحاجه اسمها شبكة نت لاسيلكيه قولت ليهم يعنى مافيش اى معارضه من ناحية المصنفات للشبكة دى قالو ملفيش نص فى القانون بشان الشبكات ولو فيه اى قانون صدر ناحية الشبكات هتلاقى المصنفات جتلك على طول والوقت انا بسال حضرتك لانى مش هاستنا لما المصنفات تيجى وتصادر الاجهزه على العموم انا متشكر للمعلومات اللى حضرتك قولتها دى وهبادر بالسوال عن القرية الزكية دى ومره اخرى اشكر حضرتك على اهتمامك بالرد المفيد

تمنياتي لك بالتوفيق وفي انتظار ردك بعد ان تذهب الي القريه الذكيه تقبل تحياتي واحترامي