[طه بغدادى]

الأب كان مسافر ولما رجع لقى ابنه مستنيه فى المطار ودار بينهم الحوار الجاى


إيه أحوال البيت وأنا مش موجود .. حصل حاجة وحشة !!

لالالا ماتقلقش خالص كله زى الفل .. بس هو حصل حاجة بسيطة جدا

إيه اللى حصل

لا أبدا دى عصاية المكنسة اتكسرت

بس كدة .. ولا يهمك ، بس هو إيه اللى كسرها ؟؟

إنت عارف إن البقرة لو وقعت على حاجة تكسرها صح ؟؟

إنت تقصد البقرة بتاعتنا

آه

إيه اللى حصل ؟؟

كانت بتهرب وهى خايفة فوقعت على المكنسة كسرتها

البقرة حصلها حاجة

لا مفيش حاجة ... ماتت

بتقول إيه !!! ماتت ، وهى كانت بتجرى خايفة من إيه ؟؟؟

دى كانت بتهرب من الحريقة

حريقة !! حريقة إيه ؟؟؟

لا ما فيش أصل بيتنا اتحرق

اتحرق !! اتحرق من إيه ؟؟؟

من اخويا كان بيشرب سجاير فوقعت منه سيجارة ولعت البيت

و أخوك كويس ؟؟؟

لا ماهو مات

يا نهار احوس .. وهو من امتى أخوك كان بيشرب سجاير ؟؟

لا ده هو كان بيشرب سيجارة علشان ينسى حزنه

حزن إيه ؟؟

على ماما الله يرحمها

أمك ماتت


راح الأب واقع من طوله ومات من غباء ابنه

بابا بابا ماتعملش فى نفسك كدة فداك ألف مكنسة

[samsam_8989]

ههههههههههههههههههههههههههههههههههه
تسلم الايادى

[@@@ محمد كمبيوتر @@@]

الله يرحمهم

مميز حبيبى الغالى
عاشق مصراوى

[ماجد محمد]

يعنى أبوه وأمه وأخوه والبقره ماتوا وبقى هو وحيد ..... هههههههههههههههههههههههههه