[م/ على زهران]

ايها الاعضاء الكرام من فضلكم اقراو الموضوع جيدا وياريت تخبرونى بالرد برايكم وفكركم معاية فىاختراعى المتواضع نبدا على بركة الله


انا عامل فكرة ريسيفر وسميته Real sat 666 full HD

هذا الريسيفر بيشتغل على القمر الصناعى مباشرة دون طبق ولا سلك ممكن حد يقوللى الريسيفر موجود بس انا اقولهان الريسيفر التانى مايشتغلش الا اذا توصل الانترنت وانا الجديد اللى عندى انى عامل شريحة استقبال اشارة للريسيفر بطريقة مباشرة والريسيفر بيقدم خدمة الفيس بوك والجوجل والياهو مسنجر خدمات مجانية والتحميل كمان لانه هايقدم خدمة الانترنت ذى شبكات المحمول استقبال اشارة مع انترنت بتتوذع مع الاشارة اللاسلكية للرسيفر بتاعى دالمفاجاة ان الريسيفر كيسة كمبيور بالامكانيات اللى فيه لانه هايكونفيه ذاكرة داخليا معدل 500 جيجا يعنى ممكن تخزن عليه برامج وملفات والعاب وافلام واغانى وقران واللى انت عايزه وكمان ممكن تلعب عليه الالعاب اللىانت مخزنها زى لعبة كرة القدم بيس او فيفا او غيرها والمصارعة وجميع الالعاب بلايستيشن3 وهايكون فيهذاكرة احتياطية ممكن تشتغل فىحالة امتلاء الذاكرة الاساسية ال500 جيجا والذاكرة الاحتياطية بمعدل 300 جيجا والالعاب تقدر تلعبها عن طريق دراعات الليزر او عن طريق فتحات اليو اس بى المتعددة فى الريسيفر وكمان تقدر تاخد منه نت لاى كمبيوتر اولاب توب او اى التزامات اخرى عن طريق مداخل اسلاك النت اللى بيحل محل سويتش فى الريسيفر مشغل الريسيفر برج لاسلكى مراقب وضعية الاشارة منظمها عن طريق القمر الصناعى اللى هايوفر الخدمة لاصحابنا فى امريكا وجميع الدول ممكن ان تستقبل النايل سات واقمار اخرى كثيرة طبعا الفكرة محتكرة لحين استخراجه الى النور بالمشروع هذا وخدمة الاتصال بوحدةالتحكم والتنظيم من الرسيفر مجانا بالضغط على زرار الاتصال المباشر بخدمة العملاء البرج هايستقبل من القمر الصناعى ويردلو الاشارة مرة اخرى منظمة كل قمر على كود معين والقمر بدوره المهم يقوم بتوزيع الاشارة بتتغطية اوسع على مدار الدول على اكثر من قمر صناعى فى كل منطقة فى العالم والريسيفر يستقبل ويشغل للعملاء مجانا بس الريسيفر بيشغل القنوات المجانية مجانا والمشفرة بنظير اشتراك سنوى بقيمة تناسب جميع الطبقات من الفقير والغنى باتفاق معشركات القنوات على نسب سنوية من الارباح وانا متاكد ان الشركات هاتقبل العرض لزيادة المشتركين وكثافتهم هل من مشارك بالراى والتشجيع على نفيذ المشروع هذا ارجو الرد الامكانيات كثيرة وعللى فكرة الريسيفر بيخزن كهرباء اثناء عمله ويقدر يشتغل بالشاشة او التليفزبون اكثر من 4 ساعات بعد انقطاع الكهرباء شكرا للمتابعة

[heshamzn]

يا ريت دا يبقى ممتاز هل تم تنفيذ هذه الفكرة ؟؟؟؟

[captin kisho]

هى الفكره كويسه بس اللى انت بتقوله ده محتاج مليارات لان انت بتتكلم عن تغيير البنيه الاساسيه للاستقبال الفضائى وتكلفه عمل ابراج زى ابراج الموبايل على مستوى العالم وكل ده ممكن تتخلى عنه فى سبيل الابقاء على الطبق والسلك وتعمل الباقى اللى انت قلت عليه

[الجوهرى المصرى]

انا معاك على نفس الراى والله الموفق ارجو الدعا لمصر ام الكل

[tar_ek_06]

الكلام جميل لو مبنى على اساس علمى ومش اى كلام وخلاص

[ناصر الشرقاوى]

وكل ده هيحصل امتى وفين وازاى وبكام ومين اللى هينفز و هينفز لمين ومين اللى هيمول و هينزل بسعر كام و عقبال ما ينزل هياخد كام سنة يووووووووووووووه انا تعبت

[محمود يسري]

بصراحة تفكير رائع
لكن بالفعل احنا لسة محتاجين وقت كبيييير جدا
والموارد اللي عندنا مش هتسمح
زي ما قال الاخوة هيحتاج دعم بالمليارات
واحنا مش في المانيا
لكن مشكووووووووور على هذه الفكرة
وأتمنى ييجي اليوم اللي نشوفها حقيقة على أرض الواقع

[اشرف فهمى]

ياغالى داحنا بنستورد السبح والفوانيس وسجاده الصلاه ربنا يعينك

[wael2400]

الافكار كتير بس مين اللى يعملها اظن بعد خمسين سنة

[م/ على زهران]

والله أنا مصمم علي تنفيز الفكرة وهاسعي وراهة أنا عارف مواردنا بس ممكن نبدأ في مصر الأول وبعدين نتوسع وانا عارف ان كل الناس هاتشترك طبعا أنا مصري ومن الناس الغلابة يعني مش هاجي عليهم في السعر أبدا بس هو يتعمل الأول وأنا أوعدكم بأسعار خيالية ولو مصر مش مستعدة بالتنفيذ يبقي الصين هي الحل للإنطلاقة

[hamada_mohamed]

بص اى واحد مصرى هيرد عليك هيحبطك و هيحسسك ان مفيش امل
و انا كمان كنت ممكن اقولك كده ..بس انا مش هحبطك هقولك على طريقة تعملها لو الفكرة العملية معاك.

بص يا سيدى
انت ممكن تصنع نموذج بدائى من الرسيفر ده و تسافر بيه الصين و توديه مصنع هناك
و المخطوطات بتاعته و كل حاجة و تقولهم الجودة الى انت محتاجها ..ضعيفة متوسطة او درجة اولى..و هما بيصنعوه و انت تاخده تبيعه..زى كل الشركات الامريكية ما بتعمل
و اشهرهم ابل ...بتعمل تصميم للموبايل و بيتصنع فى الصين
انت ممكن تعمل كده فى الصين عشان طبعا الصناعة فى مصر تعبانة دلوقتى

بس انت هتحتاج فلوس او سبونسر و هتحتاج دعاية صح

و ربنا معاك :)

[طه ياقوت]

فكرة ممتازة

[sonic_aaan]

بصراحة اى هبل فى الجبل و اى كلام و خلاص كل اللى حضرتك بتقوله خزعبلات
وكلام مش مرتب ولا راكب على بعضه و لا ينفع يركب على بعضه
اقرا شوية فى الاتصالات او يعنى ايه انترنت او يعنى بث فضائى قبل ما تهلفط

[م/ على زهران]

ألف شكر أستاذ حمادة علي الإفادة بس طبعا أنا نفسي أعمل دا بس محتاج مساعدة وزقة ماهي إيد لوحدها ماتسقفش وأنا حايا ببحث عن فريق عمل لمساعدتي واللي مخليني متحمس وموصر علي الإختراع ده أصحاب محلات الصيانة والبيع اللي بتعامل معاهم بس والله لو الفكرة إتنفزت وشوفناها كلنا في النور أنا واثق ان التكنولوجيا هايقف تطورها في صناعة الريسيفرات وساعتها كل اللي خد الموضوع بهزار وأحبطني هخاطبهم بالواحد وهافكرهم باللي كان بس تنفيز الفكة حتي نموزج مصغر عايز وقت وتشجيع علي العمل بإتقان وهايكون مجال الستاليت وامضائيات يد واحدة عشان هانكون بنكمل بعض أنا عارف إن ممكن الفكرة تتسرق قبل ماتتنفز عشان كدة إفتكروا كلم صاحب الموضوع علي زهران

[م/ على زهران]

المشاركة الأصلية كتبت بواسطة sonic_aaan

بصراحة اى هبل فى الجبل و اى كلام و خلاص كل اللى حضرتك بتقوله خزعبلات
وكلام مش مرتب ولا راكب على بعضه و لا ينفع يركب على بعضه
اقرا شوية فى الاتصالات او يعنى ايه انترنت او يعنى بث فضائى قبل ما تهلفط

إحترم نفسك يا محترم وبلاش رد السفهاء ده عشان كدة غلط أنا بقالي حوالي 3سنين بدرس في الموضوع وكلمت ناس من المهندسين الفنين في شبكات المحمول الثلاث وعارف إن في ساعات بيبقي في خلل وفي ضعف شبكة بتقصر علي الإتصال المحمول بس أنا عندي اللي يثبت الإشارة وعندي أسرار في هذا المجال أشك إن حضرتك لو فضلت تقرأ طول حياتك في هذا المجال مش هاتوصل ربعه وخليك فاكر إنك قرأت الفكرة الخلاصية للموضوع وا كنت عايز إني أصورلك الإختراع بالرسم التوضيحي بتاعه خلاصة الكلام أنا عارف أنا بعمل إيه ومش هاستني كلمة من واحد زيك عشان أقطع الإختراع انت عارف أنا بشبهك بإيه ؟ بالسفهااء اللي بيمنعوا بغبائهم أي إبداع في الوطن العربي إنه يطلع إلي الن ور سامحني إنت اللي جبته لنفسك مش قد الكلام ماتقولوش }من تدخل في ما لا يعنيه نال ما لا يرضيه{