[فايز الكميلي]

أنا ساعات بيجيني رسيفرات عايزه ملفات قنوات حديثه فاببحث في الموقع ما بلقيش
فأنا طالب من حضراتكم تعليمي
كيفيه تحديث ملف القنوات القديم اللي هو علي الرسيفر
أرجوكم
وشكراااااااااااااااااااااااااا

وأرجوا الشرح بالتفصيل

[المهندس / محمد هشام]

كل رسيفر له طريقه تختلف عن الاخر بمعنى الترومان يختلف عن الكاون يختلف عن الصينى عن الهوماكس القديم عن التوبفيلد عن.......... وهكذا كل رسيفر له سوفت بيختلف عن التانى ده انت ممكن يكون معاك رسيفر ترومان وتنزله 3 سوفت يشتغلوا علي نفس النوع وكل سوفت بشكل مختلف لكن الاساسيات واحده اهم شىء انك تكون بتعرف كلمات بسيطه فى الانجليزى هتفيدك

زى installation تركيب وهى اللى فيها البحث
manage channel ادارة القنوات وهى اللى فيها ترتيب ومسح القنوات وتعديلها
settings اعدادات وفيها تغير اللغه وخلافه
favorite المفضله ودى اللى بتجمع فيها القنوات اللى بتحب تشاهدها فقط
default , factory settings اعادة ضبط المصنع وحذف كل القنوات والعوده للترددات الاصليه
بالتوفيق ياغالى .

[المهندس / محمد هشام]

طريقة التحديث بتكون بالبحث الشبكى للتردد 11488 افقى و 11680 افقى

وبحث عادى يعنى اقفل الشبكى على 10815 افقى و 10727 افقى

وبعد كده رتب القنوات كده تم التحديث

وبالنسبه للمنتدى هنا ذكر كل الأجهزة اللى فى الوطن العربى لكن ممكن تلاقى جهاز غير متوافر بكثرة تلاقى الادارة مش مهتميه بيه زى الرسيفرات الاخرى اللى عليها سؤال بإستمرار

اما بالنسبه للتحديث عن طريق الكمبيوتر فهنا هتحتاج كابل خاص بالرسيفر يصل بينه وبين الكمبيوتر اسمه كابل تحديث تشتريه من محلات الالكترونيات وفيه منه 3 انواع او اكثر المشهور اللى هو العريض هتلاقى ليه صور وشرح فى قسم الصيانه بعد كده بتنزل الملف اللى انت عاوزه من القسم المختص بالرسيفر اللى معاك لو محتاج سوفت لازم يكون لنفس الموديل بالرقم عشان ماتحرقش الفلاشه ولو عاوز ملف قنوات برضه نفس الكلام وسواء لو هتحمل سوفت او ملف قنوات على الرسيفر بيبقى فيه برنامج بينزل ال2 وساعات بيكون لكل ملف برنامج خاص به البرنامج ده اسمه هنا اللودر والبرنامج ده شغلته نقل بينات الملف الى فلاشة الرسيفر واى سؤال انا معاك خليها على الله .

[ابومريم 2080]

كل عام وانتم بخير

[فايز الكميلي]

بجد متشكر لحضرتك أخي تسلم

[حورس العاطفى]

منقول لقسمه