[اسلام فتحى]

بسم الله الرحمن الرحيم
السلام عليكم ورحمة الله وبركاتة
كل عام وانتم بخير
عندى جهاز حصله ماء وفصل
اولا : كيفية قياس دائرة الباور بالالفوميتر الدجيتال
ثانيا : هل يقاس وهو الجهاز شغال فى الكهرباء ام لا
ثالثا : اضبط الالفوميتر على ايه واطرافه الموجب والسالب اخليها فين
اسف على الاطاله الرجاء المتابعة
شكرا لكم

[م ربيع الجادورى]

اولا حفاظا على جهازك وديه مركز صيانة
او اتفضل ما طلبت وانا غير مسئول
دورة صيانة مصراوى سات - من البداية للاحتراف اهداء من الاخ / ادم ‏

تعرف على الافوميتر الديجيتال والانالوج وطرق القياس بالصورة

[م / وليد هانى]

المشاركة الأصلية كتبت بواسطة م ربيع الجادورى

اولا حفاظا على جهازك وديه مركز صيانة
او اتفضل ما طلبت وانا غير مسئول
دورة صيانة مصراوى سات - من البداية للاحتراف اهداء من الاخ / ادم ‏

تعرف على الافوميتر الديجيتال والانالوج وطرق القياس بالصورة

الله ينور يا حاج ربيع

[ABO SHOROUQ]

ياغالى ممكن ترد على الاسئلة سؤال سؤال
شكرا لك

[ABO SHOROUQ]

يعنى هى مش غلبه الاسئله
استحملوه شوية

[اسلام فتحى]

شكرا لجميع على المتابعة

[اسلام فتحى]

واحنا اكيد بنتعلم من منتدانا مصراوى سات

[م ربيع الجادورى]

المشاركة الأصلية كتبت بواسطة محمود الجغل

يعنى هى مش غلبه الاسئله
استحملوه شوية

يا غالى احنا منتدى محترم وردينا على الاسئله
والاخ مبتدئ وانت لو كان عندك معلومة ضيفها غير كده
ليس لك توجيهنا
نحن نعمل لوجه الله
اما لو الرسيفر ضرب منه هيقول الله يخرب بيوتكم
طيب ليه من البداية عايز يتعلم انا وضعت له الطريق
واذا كانت الاسئله مش غلبه رد عليه بدون توجيه لينا
انت بتكلم راجل عنده خمسين سنه

[اسلام فتحى]

يااستاذى انا بتعلم فى الرسيفر يعنى مش قصة اذا
باظ ومش حدعى عليك

[م ربيع الجادورى]

طيب انت هتقيس على وضع الاكهربا عادى وياريت على السيريا علشلان لو فى قفله والا حاجه
هتضع الطرف الاسود من الافو على الارضى والطرف الاحمر على الفولت المراد قياسته

واذا كان مش مخرج خالص تأكد من الفيوز ثم من الملف ثم من الموحدات ثم اى سى بور تالف

اذا كان مخرج فولتيات البور مش ثابته غير الفوتوكابلر والثيرستور
اذا كان مخرج فولتيات ضعيفة على بعض المخارج غير سيليكون ومكثف هذه المخارج

[اسلام فتحى]

استحملنى شوية استاذى
الالفوميتر يكون وضعه على ايه بالضبط وانا بقيس

[ABO SHOROUQ]

المشاركة الأصلية كتبت بواسطة م ربيع الجادورى

يا غالى احنا منتدى محترم وردينا على الاسئله
والاخ مبتدئ وانت لو كان عندك معلومة ضيفها غير كده
ليس لك توجيهنا
نحن نعمل لوجه الله
اما لو الرسيفر ضرب منه هيقول الله يخرب بيوتكم
طيب ليه من البداية عايز يتعلم انا وضعت له الطريق
واذا كانت الاسئله مش غلبه رد عليه بدون توجيه لينا
انت بتكلم راجل عنده خمسين سنه

اسف استاذى الفاضل
انا قصدى ان الكل بيتعلم من المنتدى ومن حضرتك
واتعودنا من منتدانا الصبر على اعضائه
اسف مره اخرى

[م ربيع الجادورى]

بيكون على وضع الفولت مكتوب قصادها بالانجليزى v

او هتلاقى مكتوب dc
ولازم تخلى قيمة الفولت فى الافو اعلى من القيمة اللى انت هتقيسها
يعنى لو هتقيس خط 30 خلى الافو على وضع 100

[ABO SHOROUQ]

المشاركة الأصلية كتبت بواسطة اسلام فتحى

استحملنى شوية استاذى
الالفوميتر يكون وضعه على ايه بالضبط وانا بقيس

اولا احضر افوميت ديجتال اجعل المؤشر على 200فولت فى الافو ميتر ثم ضع الكابل الاسود وهو الارضى على جسم الرسيفر وبالكابل الاحمر قم بقياس نقاط الكهرباء من خرج دايره الباور وهو السوكت كلما تضع فى نقطه يعطيك قياس
مثلا 30 /22 /5 /3.3 هى دى القياسات وغالبا يكون مكتوب على الدايره نفسها رقم القياس الخاص
هذه القياسات تكون بعد الشوبر( ححاجه شبه الترنز) موجود فى الدايره
اما بالنسبه لل13 وال18 فولت ضع ابره فى خرج التيونر مكان سلك الاشاره والارضى مكانه على جسم الجهاز
والمؤ على ال200 فولت كما هو ستجد 18 فولت غير فى الرسيفر الافقى واللراسى ستتغير القياسات
ملحوظه الافقى ال18 فولت
الراسى ال13 فولت

[م ربيع الجادورى]

المشاركة الأصلية كتبت بواسطة محمود الجغل

اسف استاذى الفاضل
انا قصدى ان الكل بيتعلم من المنتدى ومن حضرتك
واتعودنا من منتدانا الصبر على اعضائه
اسف مره اخرى

مفيش اسف ولا حاجه كل الموضوع اننا بنشتغل لله
ويكفى انكم تحصلون الخبرة ونحن نحصل الثواب من الله
وكلنا بنتعلم لحد اخر يوم فى حياتنا