[noar-pp]

ممكن حد يشرحلي عن الافومتر الؤشر لاني مبتدا بالصيانة لو تكرتم

[م/عبدالمنعم شقوير]

ادخل هنا ياغالى

[noar-pp]

ممكن ايملك لو سمحت ونكون اصدقاء وانا اشكر سرعة تجاوبك وردك

[م/عبدالمنعم شقوير]

ممنوع كتابة اي ايميل او رقم تليفون او اى عناوين
ياغالى التواصل على صفحات المنتدى فقط

[noar-pp]

شكر م عبد المنعم ولكنكنت اريد ان اتوصل معك اكثر

[noar-pp]

اشتريت افومتر ومش عارف كيف اقيس عليه الافو الانالوج

[م/عبدالمنعم شقوير]

الافــــــــــــوميتر



يعتبر الافوميتر من اهم الادوات اللازمة للصيانة وذلك لاجراء القياسات المختلفة ,,,,,

سيتضمن الشرح بإذن الله تعالى الاتى:-

1- انواع الافوميتر

2- طريقة قياس كل من ( المقاومة -الدايود-الملف-الترانزوستور) بواسطة الافوميتر

3- طريقة قياس كل من (الجهد المتردد_والجهد الثابت) بواسطة الافو ميتر

نبدأ على بركة الله

*اولا : انواع الافوميتر*


يوجد نوعين اساسين من الافوميتر ,,,,,,,,

الاول-الافوميتر الانالوج



الثانى - الافوميتر الديجيتال


والاثنين لاغنى عنهما فى اجراء القياسات ...انا عن نفسى افضل استخدام الافوميتر الانالوج

فى قياس المقاومة والدايود والترانزوستور والملفات وايضا فى تتبع خطوط الدائرة

وافضل استخدام الافوميتر الديجيتال فى قياس الجهد الكهربى ....مع ان كل واحد منهم ممكن ان يقوم باجراء

كل هذة القياسات بمفردة ...ولكن انا افضل ذالك

*ثانيا :طريقة قياس كل من ( المقاومة -الدايود-الملف-الترانزوستور) بواسطة الافوميتر*



-طريقة قياس (المقاومة).


سيتضمن الشرح طريقة قياس المقاومة بواسطة الافو ميتر الانالوج ,,,, وايضا طريقة القياس

بواسطة الافو ميتر الديجيتال ... والطريقة اللى تريحك استخدمها ,,,,,

اولا:- طريقة قياس المقاومة بواسطة الافو ميتر الانالوج


طبعا احنا اتحدثنا فى الدروس السابقة عن المقاومة , وطريقة تحديد قيمة المقاومة عن طريق الوانها,طيب بعد ما حددنا قيمة المقاومة

عاوزين نقيس المقاومة للتاكد من انها سليمة ام تالفة ,,, اذا لابد من استخدام الافو ميتر لاجراء القياسات

لقياس المقاومة يجب أن نحرك مفتاح اختيار القياس إلى أحد الأماكن الخاصة بقياس المقاومة والتى توضحها الصورة التالية


وكما هو واضح فى الصورة ان المكان المخصص لقياس المقاومة يوجد به التدريجات التالية

x1

x10

x1K

x10K

وهذة التدريجات تعبر عن قيمة المقاومة...يعنى لو عندنا مقاومة لاتتعدة الواحد كيلو اوم (1000اوم) يبقى

هنوقف المفتاح عند (x1) او (x10) ,,, اما اذا زادت قيمة المقاومة عن (1k( يبقى هنقف بالمفتاح عند (x1k(.

واما اذا زادت قيمة المقاومة عن 500كيلو مثلا يبقى هنقف بالمفتاح عند (x10K)


لحد كدا تماااااااااااااااااااام

طيب ازاى نحدد قيمة المقاومة على التدريج الموجود على شاشة الافو ميتر؟

اعلى تدريج هو الخاص بالمقاومة .......





يبقى الخطوات المتبعة عند قياس مقاومة ما هيكون كالتالى :

الاول احنا معانا المقاومة وعرفين قيمتها من الالوان الموجوده عليها ..هنحرك المفتاح على المدى المناسب كما ذكرنا

هنوصل طرفى الافوميتر (الاسمر والاحمر) بطرفى المقاومة .... هننظر اين استقر المؤشر على اعلى تدريج

هتكون قيمة المقاومة تساوى الرقم الذى استقر عنده المؤشر على اعلى تدرج مضروب فى الرقم الواقف عنده المفتاح

ايه ده يا عم انا مش فاهم الكلام ده !!!!!!!

طيب مثال عشان نفهم اكتر

لنفرض ان عند قياس المقاومة المؤشر استقر بعد الرقم (20) بشرطتين


وانا واقف بالمفتاح على المدى (x1) هتكون قيمة المقاومة تساوى

20+2(الشرطتين)x1=22اوم

اذا قيمة المقاومة تساوى 22 اوم

طيب لو انا واقف بالمفتاح عند المدى (x10) يبقى هتكون قيمة المقاومة تساوى

22x10=220 اوم

طيب لو انا واقف بالمفتاح عند المدى (x1K) هتكون قيمة المقاومة تساوى

22x1K=22kاوم

ولو انا واقف بالمفتاح عند المدى (x10k) هتكون قيمة المقاومة تساوى

22x10K=220kاوم

وهكذااااااااااااااااااا

ملحوظه هامة :- مع الممارسة هتلاقى الموضوع سهل جدا بمجرد النظر على المؤشر هتلاقى نفسك

بتحدد قيمة المقاومة علطول بدون عمليات الجمع والضرب دى



ثانيا :-طريقة قياس المقاومة بواسطة الافوميتر الديجيتال



طريقة قياس المقاومة بواسطة الافو ميتر الديجيتال هى هى نفس طريقة قياس المقاومة بالافو ميتر الانالوج

من حيث مفتاح مدى القياس ,,, ولكن الفرق انه بمجرد توصيل طرفى الافوميتر بطرفى المقاومة

ستظهر القراءة على الشاشة ولكن إذا ظهرت هذه القراءة الموضحة فى الصورة التالية




فمعنى ذلك أن قيمة المقاومة أعلى من القيمة التي اخترناها باستعمال

مفتاح اختيار القياس. عند ذلك يجب تحريك المفتاح إلى وضع آخر بقيمة أكبر حتى تظهر لنا قيمة المقاومة



انتظرونا مع طريقة قياس باقى العناصر بالافوميتر

[م/عبدالمنعم شقوير]

- طريقة قياس الدايود-



طريقة قياس الدايود سهلة جداااااااااا ,,,,, ولكن نحب ان نذكر بشىء

تم شرحة سابقا عند الحديث عن الدايود ,,,,,,,,,

يتكون الدايود من طرفين الاول يسمى انود ( + ) والثانى يسمى كاثود ( - )



يفضل قياس الدايود باستخدام الافوميتر الانالوج

ويتم القياس فى مرحلتين وفى المرحلتين يتم ضبط مفتاح القياس فى الافو

على وضع ( X1) .

المرحلة الاولى :-

يتم توصيل الطرف الموجب للافوميتر مع الطرف الموجب للدايود

ويتم توصيل الطرف السالب للافوميتر مع الطرف السالب للدايود

فى هذة الحالة لابد ان يظل المؤشر ثابت دون ان يتحرك حتى يكون الدايود

سليم .... اما اذا انحرف المؤشر جهة اليسار فمعنى ذالك تلف الدايود



المرحلة الثانية :-

يتم فيها توصيل الطرف السالب للافو ميتر مع الطرف الموجب للدايود

وتوصيل الطرف الموجب للافوميتر مع الطرف السالب للدايود

وفى هذة الحالة لابد ان ينحرف الموشر جهة اليسار حتى نقول ان الدايود

سليم ,,,, اما اذا حدث العكس ولن ينحرف المؤشر فمعنى ذالك ان الدايود

تالف ...




نخلص من ذالك ان الدايود يقيس فى اتجاه واحد ولا يقيس فى الاتجاه الاخر



انتظرونا مع طريقة قياس باقى العناصر

[م/عبدالمنعم شقوير]

[COLOR="DarkGreen]- طريقة قياس الملف والفيوز-[/COLOR]



الملف ببساطة هو عبارة عن لفافة سلكية من النحاس ,, وهو عبارة عن

سلكة موصلة للتيار ...يرمز لها فى البوردة بالحرف (L) والملف منتشر

بكثرة فى دوائر البور ... ويوجد منه ايضا فى البوردة ,,,,,

طريقة القياس :-

يتم توصيل طرفى الافو ميتر بطرفى الملف بعد ضبط مفتاح الافوميتر

على ( X1) . فى هذه الحالة لبد ان ينحرف المؤشر جهة اليسار

اما اذا لم ينحرف المؤشر فمعنى ذالك تلف الملف

الصورة توضح طريقة القياس







- الفيوز-
الفيوز هو أيضا عبارة عن سلكه وطرقة قياسه مثل قياس الملف

ويرمز له فى البوردة بالرمز ( F& L)..

[م/السيد الغرباوى]

مبدع يا منعم باشا
تسلم ايدك