[star_times]

عايز اعمل مشروع انا وواحد صاحبى وانا بفهم فى الاجهزه والسوفتات شويه بس كنت عايز اعرف لو فتحنا محل صغير كده يتكلف قد ايه مبلغ يعنى لو هنشترى شويه اجهزه مع جهاز كمبيوتر مع وصله نت ارجو الشرح بالتفصيل مع جزيل الشكر

[المهندس / محمد هشام]

هتشترى كام جهاز صينى على كام جهاز كورى على كام جهاز اتش دى

بالنسبه للأجهزة الكورى والاتش دى إلعب فى المضمون والمعروف عشان المرتجعات اما الصينى مالوش مرتجع اوى عامة هات الصينى اللى السوفت الخاص به بيرتب برقم 2

وهات جهاز كمبيوتر يفضل بورده جيجا بايت g31 وما فوق مع وصلت تحديث ويستحسن تخلى اى فنى يعمل وصله متعدده وهياخد منك حركة 20 ج

هات كام طبق 70 باراكليبس
على كام طبق 130
وطبقين 180

هات مثلا 50 لفة سلك دش مع كرتونة سلك نت للماتور مع 4 أكياس إف كونكتور مع كرتونه عدسات عادية

مع كام قطعه اريون 2 مخرج مع 2 عدسه اريون 4 مخرج مع كام عدسه بريفكس أم علبه سمرا و50 علبة دايزك ويفضل ترومان

كده ناقصك التجهيزات الداخليه وهى الأرفف ويفضل ان تكون زجاج لتبرز الأصناف وتعطى شكل جمالى ومكتب

وإنزل باب اللوق وإسأل فى كل المحلات عن أسعار الجمله عشان تجهيز محل عشان تاخد أرخص سعر وتاخد تليفون كل محل وتتأكد إن موردينهم بينزلوا عندك فى منطقتك وتحسب حسبتك وتوكل على الله وأتمنى إنى أكون مانسيتش شىء

[star_times]

استاذى العزيز شكرا ليك على المعلومات بس اخر حاجه كنت عايز اعرفها فاللى هى فى حدود كام يتكلف كل اللى انت قولت عليه؟

[المهندس / محمد هشام]

ياباشا على قد فلوسك تقدر تشغل نفسك مش شرط اول ماتشتغل تكون رجل اعمال اهم شىء تكون فاهم شغلك وعارف انت بتعمل ايه علشان محدش ياكلك فى السوق عامة انت ممكن تبدأ ب10000 او 15 الف او 20 الف وربنا يوفقك اخى الكريم وللتذكرة ممنوع ذكر اسعار فى المنتدى

ومن توكل على الله فهو حسبه .

[أبو نورسين]

ياهندسة
اعتقد ان الراجل صرف نظر عن هذا المشروع
بعد هذه التكلفة
ههههههههههههه
تحياتى
وتقبل بود اخيك
أبو نورسين

[المهندس / محمد هشام]

المشاركة الأصلية كتبت بواسطة أبو نورسين

ياهندسة
اعتقد ان الراجل صرف نظر عن هذا المشروع
بعد هذه التكلفة
ههههههههههههه
تحياتى
وتقبل بود اخيك
أبو نورسين

هههههههه ليه ياغالى دى ألوفات بسيطه مش ملايين

عامة ربنا يكرمه .

[star_times]

شكرا لكم جميعا

[اسامه حامد]

المشاركة الأصلية كتبت بواسطة أبو نورسين

ياهندسة
اعتقد ان الراجل صرف نظر عن هذا المشروع
بعد هذه التكلفة
ههههههههههههه
تحياتى
وتقبل بود اخيك
أبو نورسين

هههههههههههههههه