[yaser_allam]

الجهاز مش راضى يسحب ملف خالص بالجى اكس ياترى فية لودر اخر لة وياترى الشكلة فى ايه على العلم انى نزلت 2 ملف سوفت مدمج بملف قنوات من موضوعين على مصراوى هنا وحجم الملف 2 ميجا واللودر الجى اكس فياترا ما هى نوع الوصلة والاعدادات الاكيدة .
واكون شاكر

[yaser_allam]

ارجوا المساعدة فى هذه المشكلة نظرا لان الزبون عمال يجى كل شوية على الجهاز

[yaser_allam]

ارجوا المساعدة فى هذه المشكلة نظرا لان الزبون عمال يجى كل شوية على الجهاز

[MR/WaeL]

اخى ما نوع الواصلة

[yaser_allam]

انا الى بسئل يا اخى الكريم على نوع الوصلة

[م ربيع الجادورى]

باسلوبك ده ماحدش حيرد عليك لان موضوعك ممكن يكون فى حاجه تانيه غير الوصله
1 الوصله
2 الوندوز
3 الفيروس
4 الكوم فى الكمبيوتر
5 الكوم فى الرسيفر
6 اللودر
كل دى عوائق تمنع تنزيل الملف وممكن يكون الملف اللى حضرتك بتنزله مش كامل

[yaser_allam]

الاستاذ المحترم / ربيع للصيانة
تحية طيبة
اخى الفاضل حضرتك بتقول باسلوبك دة محدش هيرد عليك
اولا مالة اسلوبى انا بسئل باحترام
ثانيا : ردا على النقاط الستة
1- الوصلة *** عندى المعكوسة( الجاهزة 2-3 3-2 5-5) وعندى المستقيمة 2-2 3-3 5-5
2- الويندوز انا شغال علية تمام قبل الجهاز دة وبعدة برضوا شغال .
3- الفيروسات جهازى خالى من الفيروسات .
4- الكوم فى الكمبيوتر سليمة 100%
5- الكوم فى الرسيفر ممكن تكون مش سليمة بس دة احتمال ضعيف .
6- اللودر وسبق انى قلت باستخدم gx منزلة من المنتدى مع الاعدادات مع الملف .

مع الاخذ فى الاعتبار انى مهندس كمبيوتر مش صغير وانا ادمن لعدة مواقع ونائب مدير لموقع اخر ولا اقبل ان يجرحنى احد بهذا الشكل
انا حسيت من اسلوبك بحدة فى الكلام وخصوصا فى الجملة الاولى على العلم ان مفيش ما بينا موقف سابق

[م ربيع الجادورى]

لو يرضيك ان اسف ولاكن انا لم اقصد اى اهانه او تجريح ولاكن لى عتاب الراجل سالك سؤال وقال ما نوع الوصله المستخدمه كان من الاولى ان تقول ان الوصله المستخدمه العدله او المعكوسه مش تقول انا اللى بسئل هو ده عتابى وان كنت زعلت منى فانا اكرر اسفى مره تانيه
شكراا استاذ ياسر

[yaser_allam]

اخى ربيع تحية مباركة من عند الله
اخى الاكبر سنا ومقاما لا داعى للاسف بيننا
لقد فهم القصد من الاخ المحترم / مستر وائل بالخطأ فمن المفترض اننى بسئل ما هى نوع الوصلة وما هى اعدادات اللودر فتكون الاجابة مثلا بـــ الوصلة العادية او المعكوسة . لكن جائت الاجابة بما كنت لا اتوقعة بمعنى ان الاجابة جائت بسؤال .
وعموما الموضوع انتهى وارجوا ان نكون اصدقاء
تقبل تحياتى

[م ربيع الجادورى]

ولا يهمك ولاكن انا طبعى مانحبش ننام وحد زعلان منى وصدقنى يشرفنى صداقتك شكرا على قبول اعتزارى

[مهندس محمودعبدالحميد]

المشاركة الأصلية كتبت بواسطة ربيع للصيانة

ولا يهمك ولاكن انا طبعى مانحبش ننام وحد زعلان منى وصدقنى يشرفنى صداقتك شكرا على قبول اعتزارى

والله يا اخى ربيع انت رائع وكمان تسلم على متابعتك للموضوع يا غالى

[MR/WaeL]

مغلق اذا تكرر الرد هكذا مرا اخر سيتم ايقافك نهائى