ألا ياليت لو نعشق .. حبايبنـا بـدون قلـوب
عشان القلب ما يدفـع .. ثمـن لخيانـة أحبابـه
والا يا ليت لو حب العشيق .. يثمن المحبـوب
ولا يجرح أحاسيسه .. ويحـرق غالـي ثيابـه
خسارة ما بقى وسط المحبه غير حمـل ذنـوب
خسارة قلتهـا للحـب .. يومـه قـرر غيابـه
خسارة من عنا قصه .. تغربل قاري المكتـوب
قست لين أجبرت قلبـي.. يبـادل وقتـه عتابـه
بدت يومي لمحت اللي... لمحروم النظر مطلوب
وصرت آموت من دونه... واذا جا القلب يحيابه
بذاك الصوب اوجه له.. اذا قالوا بذاك الصوب
وادور لي سبب والقاه لـو مـا فـادت اسبابـه
والاقي في شفاه احلى .. عذوبة نكهة المشروب
وفي حضنه ( مرام ) اللي نسوه وراحوا اقرابـه
واذا حرك سمو الطرف .. أشقى بالهدب وآذوب
واروح بعالم ( ن) ثاني.. سبايب نظـرة اهدابـه
وفي الآخر يخليني . جريح . مولع . ( ومسلوب
من الحب العظيم اللـي تعـدى حبـره كتابـه )
ويترك قلب من حبه .. محال انه بيـوم يتـوب
ولا هو اللي كسب حبه !! ولا خذ منه اتعابـه !!
عشقت بقلب لكني .. طلبـت يثمـن المحبـوب
ولكـن الغـرام اقفـى وراحـت بعـده ركابـه
تلوموني اذا كررت .. لو نعشق بدون قلوب ؟؟
عشان القلب ما يدفـع .. ثمـن لخيانـة احبابـه
2013/10/25, 05:30 PM
ألا ياليت لو نعشق ..
المواضيع المتشابهه
