[بيبه عادل]

طبعا كلنا عارفين أن الألتراس أمبارح كان بيسخن بس في شتيمة شيكابالا

وكانت مجرد بروفة ليوم 30 والتقيل لسه ما جاش

و كلنا عارفين برضو ان الوايت نايتس مش حيسكت على شتيمة نجمه المحبوب وحيحضر رد مناسب

وطبعا الرد دا مش حيغيب عنه صالح سليم رمز الأهلي و كمان طبعا مش حيغيب عنه نجم كلنا حبيناه و هو الخلوق أبو تريكة

والله أعلم كلا الالتراسين بيفكروا في ايه بس المؤكد أنهم مش بيفكروا إلا في مين حيفوز بأكبر كمية شتيمة

ومين حيقل أدبه أكتر و مين حينتصر في هذه المعركة الكلامية والدخلات

و الله أعلم بعد المعركة الكلامية إيه اللي ممكن يحصل بعد المباراة





طيب ليه نجومنا ما يكونش على قدر المسئولية ...

إزاي ؟؟؟

انا عندي أقتراح و لو حد عنده اقتراح تاني يا ريت يقول عليه

على فكرة هو اقتراح بسيط جدا و سهل التنفيذ قوي

فيها ايه لو شيكابالا راح مع أبو تريكة تحديدا و راح أعتذر لجماهير الأهلي قبل مباراة المقاولين

و فيها إيه لو شيكابالا لبس تي شيرت مكتوب عليه ابو تريكة و نادي المائة أو رقم 100

عشان لو ابو تريكة جاب هدفه رقم 100

و حتى لو ما جابش خلي معاه تي شيرت احتياطي عليه ابو تريكة و رقم 99

انا بتكلم بجد على الأقل شيكابلا لو اعتذر عن اللي عمله محدش حيبقى له حجة انه يشتمه تاني

و بعدين مش معقول أن شيكابلا حيفضل يتشتم طول عمره لأنه في يوم من الأيام حيبقى نجم منتخب مصر

وما ينفعش أن علاقته بجماهير الأهلي حتفضل كدا طول عمرها

يعني من مصلحة شيكابلا أنه يعتذر ويلم الدور و من مصلحة جماهير الأهلي أنها تبطل تاخد ذنوب من شتيمة شيكابلا

وبعدين مش من المعقول أن اتحاد الكورة حيفضل طول عمره أطرش مش بيسمع الشتيمة أكيد حيسمعها في يوم وحيوقع عقوبات على الجماهير



دا نداء لشيكابلا لمصلحتك ومصلحة جمهور الناديين



اعتذر ... فالاعتذار من شيم الكبار

[ٱحےـمد اسےـماعيل]

في النهاية سيخر كل اللعبين مبسوطين رايقين احباب مافيش اي مشكلة

ومن الغباء الجمهور ياكل بعضه

ربنا يستر

كل الشكر لك حبيبي

[ايمن حماد]

طبعا كل اناء ينطح بما فيه وللاسف الموضوع تخطى كل الحدود ولابد من وقفة مع هذه القله الموتورة التى لاتمثل الشعب المصرى الغلبان المطحون

وهناك ماهو اهم من هذه التصرفات وفى النهاية فعلا لاعبى الاهلى والزمالك خارج الملعب علاقتهم طيبة جدا

[علاوى]

دى مش كورة يا اخونا ولا ده تشجيع اللى بيحصل ده حاجة غريبة من الجماهير ايه اللى جرى بس الكل بيشم فى بعضه والمشاكل زادت قوى على الساحة الرياضية دلوقتى
ربنا يستر فى ماتش القمة اللى جاى انا حاسس انى فى مجزرة فى المباراة ده

[محمدزكريا59]

لا للـــــتــــعـــــصــــب

[عبده نت]

طرح الان الكابتن شوبير على مودرن كورة انه سوف يدعو الكابتن
ابوتريكة والكابتن شيكابالا وذلك لتهدئة الاجواء قبل اللقاء المرتقب بين الناديين
وياريت يستجيب الكاباتن للمبادرة من شوبير

[شرم-81]

جمهور الاهلي بيفتعل المشاكل

[ربيع سيد]

جمهور الاهلي احسن جمهور

[aiman noor eldein]

مجهود رائع استاذ بيبه عادل لك كل الشكر

[عادل مصطفى]

ان شاء الله
لازم شيكابالا وحسام وابراهيم
ياخدوا حقهم من الالتراس اهلاوى
وأنا بإذن الرحمن هكون اول المتواجدين مع الالتراس اهلاوى من اجل شيكا والاقرعان

[خوليو_سات]

جمهور الاهلى كان محترم بس الاخ بالا هو اللى ولعها يستاهل

[hamada 20]

اعتقد عدم استجابه شيكا لشوبير

[رامى 2010]

اعتقد عدم استجابة شيكا لشوبير وكمان شيكابالا هو اول من اخطا وكلكم شاهتوا الفديو وعليه الاعتزار والاعتزار سمة الرجال وان رفض فلن نرض بان جمهور الاهلى الكبير يرد عليه بسب و بشتائم وننتظر الرد فى الملعب وايضا ان الجمهور سب لشيكابالا فسيكون هذا رد فعل لفعل شيكابالا المستفذ

[مجدى (الضابط) كشك]

ارجوكم لاننسى ان البيت الواحد فيه الاثنين احمر وابيض فالى متى هذا الانحدار

[رامى 2010]

المشاركة الأصلية كتبت بواسطة الضابط

ارجوكم لاننسى ان البيت الواحد فيه الاثنين احمر وابيض فالى متى هذا الانحدار

كلامك جميل جدا وياريتك تكون مسؤل احنا الغير مسؤلين بنهدى و المسؤليين بيولعوها وطبعا اقصد شيكابالا بما فعله فى نهاية مباراة الاتحاد وربنا يهدى النفوس والله حتا لاتكون فتنة مابين الجماهيرين غلطة لاعب وحماس زايد ممكن يروح فيها جمهور غلبان والله ربنا يهدى اللهم امين