[osa1963]

امبارح كنت فى ماسبيرو فقالوا ان ماستر التليفزيون جايب مباريات كاس اوروبا فرحت للماستر و لقيت 4 شاشات عليها فيدات من ميلانو و مانشستر و باريس و اظن كمان كوبنهاجن تقريبا و حوالى الساعة 9 و نص بدات الصور تيجى زى اللى باشوفها على الجزيرة تماما و لما سالت قالوا انها بتيجى ارسال بدون ***** لان مصر عضو مؤسس فى اتحاد الاذاعات الاوروبية و لما سالت تانى طيب ليه يا جدعان ما فيش اذاعة للمباريات دى قالوا مريحين دماغهم مين دول قالوا لى اللى فوق و سالت تانى يعنى المباريات دى مجانية قالوا لاعضاء الاتحاد ايوه لكن لغير الاعضاء حاجة تانية و كمان قالوا ان مباريات الدورى الانجليزى و الايطالى و الاسبانى عندهم كل اسبوع بالفيدات مش صورة الجزيرة طيب ليه يا جدعان ما دام عندكم كل ده قالوا مالناش دعوة ده بتاع الناس اللى فوق و ان عندهم تعليمات مشددة بعدم تسجيل اية مادة و كمان قالوا ان دورى ابطال افريقيا بيشوفوه كله عندهم من قناتين واحدة اليوروفيزيون و التانية من جوهانسبيرج تيليبورت و قالوا كمان ان بتيجى ملخصات جميع الدوريات حتى اليونانى و بيتفرجوا عليها و بعدين يبقفلوا المحل و يمشوا و قعدت اتفرج على المباريات الاربعة و كانت كلها متعة فى الصورة الهاى ديفينشين و فى الاخر مشيت بدون ما اسال السؤال الكبير لكن عرفت ان الحاجة دى عندهم علطول من زمان و طبعا افتكرت " الحاجة " سناء منصور لما مسكت القناة الفضائية و قررت انها ما متذيعش الكورة عليها بحجة عدم وجود وقت و اتضح بعدها ان اوربيت كانت واخدة حقوق اعادة بث القناة التانية و ان مساعدة مالية للغلبانة المسكينة مدام سناء ادت الى النتيجة المعروفة و دمتم

[غاوى111]

انا قرات كلامك بس معرفش الهدف منه او عايز توصل لينا ايه

[ahly2009]

ياباشا دول بيلقطوا الفيدات ويقطعوا منها عشان يعرضوا الاجوان والملخصات فى النشرات انما فيه حقوق للبطولات والجزيره مشترياها للشرق الاوسط وشمال افريقيا بالمليارات
احنا بنسرق بس الصوره

[osa1963]

النهاردة كمان كانوا بيشوفوا فيد ماتش الاردن من العربسات مباشرة الساعة خمسة و ماتش تانى من الجزائر

[ashrafbali]

( اللهم صلى على محمدٍ وعلى آل محمدٍ كما صليت على ابراهيم وعلى آل ابراهيم انك حميدٍِ مجيد . اللهم بارك على محمدٍ وعلى آل محمدٍ كما باركت على ابراهيم وعلى آل ابراهيم انك حميد مجيد