[ahmedfoxhearts]

انا عندى مشكلة يا اعضاء المنتدى الكرام
انا عندى بعض القنوات مثل التحرير وال CBC والنهار بتفتح بالنهار ومش بيفتح بليل ممكن اعرف فين المشكلة لو تكرمتوا, مع العلم ان انا عندى رسيقر ترومان 9090b option.

وشكرا لحسن التعاون

[حورس العاطفى]

اظبط الطبق
ولكن احتمال اخر قد يكون السبب وهو قربك من شبكة محمول تتعارض مع اشارة هذا التردد

[ahmedfoxhearts]

علم وينفذ

بارك الله فيك اخ حورس

[هانى حمدى طايع]

غير سلك الاشاره عندك السلك تالف

[ahmedfoxhearts]

جزاك الله خيرا اخ هانى طايع

[محمد ياسـين]

اضبط الطبق وفية تردد اسهل cbc 11137-h الاولى فقط

[حسام بوب1]

غير lnb وعن تجربة

[bareh]

غير سلك الاشاره فقط

[m_hassan10]

ياباشا مشكلتك ان شاء الله سهله
والحل انك تغير القطعه (lnb)
واى خدمه

[حورس العاطفى]

الاخوه الكرام عاوزين الراجل يغير قطعه عشان تردد واحد فاصل وباقى الترددات شغاله
ده منطق برده
وبعد شويه القطعه الجديده توقع تردد تانى ونغيرها وهكذا

[hhhhaaaa]

مع احترامى للجميع
المشكلة ليل اة ونهار لاء والعكس يبقى ال ان بى

[حورس العاطفى]

المشاركة الأصلية كتبت بواسطة hhhhaaaa

مع احترامى للجميع
المشكلة ليل اة ونهار لاء والعكس يبقى ال ان بى

ليل او نهاار يبقى ظبط طبق ياباشا
ظبط بسيط

[DODO_136]

القنوات تعمل بشكل جيد وهذه صور للقنوات المذكورة الآن

[ahmedfoxhearts]

ان شاء الله انا يابشمهندسين هضبط الطبق الاول ولو لقدر الله مجبش نتيجة هشترى lnb جديدة .
وأول ما أحصل على نتيجة ايجابية فى اى حالة من الحالتين هبلغكم ان شاء الله لتعم الفائدة علينا جميعا ان شاء الله.

[ahmedfoxhearts]

السلام عليكم
انا ضبط الطبق يامهندسين مصراوى سات وركبت LNP جديدة كلو اشتغل تمام وبعد يومين كلو رجع تانى زى الاول

بس دة اكدلى انا المشكلة مش فى الطبق ,LNP او السلك زى ماحضرتكوا تكرمتوا وساعدتونى فى الحلول والمقترحات المنطقية ودة للاسباب دى
1- انا اشتريت من يومين رسيفر ترومان 9090b option من توكيل الترومان فى باب اللوق لاحد افراد عائلتى -ودة نفس الموديل اللى عندى ومن نفس المكان- وقمت بتركيب والوصلات وكلو تمام, بعد يومين لاقيت نفس القنوات بالظبط اللى مش بتشتغل عندى مبتشتغلش بردوا عندهم وبتشغل فى بعض الاوقات والبعض الاخر لا, مع العلم ان المكان مختلف تمام وبالمثل حجم الطبق وكل حاجة.

2- لما بيحصل ان القنوات مش بتيجى خالص بوصل نفس الوصلات بتاعت الرسيفر الجديد على الرسيفر القديم بتاعى- الترومان TM 150 Plus- المفاجاة ان كل حاجة بتشتغل علية زى الفل ومفيش اى تقطيع فى الاشارة اة اختفاء اى اشارة من على الرسيفر.
انا عارف ان الموضوع معقد شوية , بس اتمنى ان اجد الحل عندكوا باذن الله.

ونشكركم على حسن التعاون والمجهود العظيم.