[™Mr.Hassan™]

السلام عليكم ورحمه الله وبركاته

انا عندي مشكله لتالت مره اكتب فيها ومش اتحلت لحد دلوقتي هيا ان عند توصيل كابل النت في ******* يقف الرسيفر تماما عن العمل ولازم اقفله من الباور الخلفي واشغلو تاني كتبت الموضوع الاول ليا رد عليا احد الاعضاء وقالي ان المشكله في السوتش اللي متوصل معاي في نفس الروتر فلاحظت اني لما اشيل سلك السوتش من الروتر مفيش تهنيج نهائيا وعند توصيل سلك السوتش في الروتر يتوقف الرسيفر عن العمل فكان الحل تغيير السوتش وتغيير السلك فعملت الحلين مع بعض وجبت روتر robotic لكن فضلت نفس المشكله هيا هيا رجاء المساعده لان المشكله دي تعبتني جدا

[احمد حسين ابو عمرو]

اخى هل نوع الجهاز كماكس 999 اتش 3

[™Mr.Hassan™]

نوع الجهاز drake he@d hd v2
واتمني من المشرفين عدم نقل الموضوع مثل المواضيع السابقه لان الموضوع اما بيتنقل محدش بيرد عليه نهائيا في قسم الدريك ومحدش بيساعدني

[م ربيع الجادورى]

الله اعلم وانا لا أعلم

[™Mr.Hassan™]

شكرا لحضرتك واكيد حد من الاخوه هنا عندو الحل للمشكله دي

[™Mr.Hassan™]

ايه يا جماعه مفيش حد عندو حل

[walid hanafy]

اولا وقبل كل شئ اخى الحبيب اعمل اعادة ضبط مصنع للجهاز مع عمل سوفت وير( دة طبعا وانت فاصل كابل النت )
طالما انت متاكد ان السلك والرواتر مافيهومشى حاجة

[™Mr.Hassan™]

عملت ضبط مصنع كتير جدا ونزلت كذا سوفت وبردو نفس المشكله

اتمني الحل والمساعده من الاعضاء

[احمد سمير]

جرب الريسيفر يا أخى
على وصلة نت أخرى تكون فى مكان مختلف عن الشارع
اللى إنته فيه
لأن الجهازه ده دائم المشاكل مع النت
ومتابع معاك

[™Mr.Hassan™]

حضرتك انا روحت التوكيل قبل كده والجهاز اشتغل زي الفل مش فيه اي حاجه
ايه الحل وشكرا لمتابعه حضرتك

[مرمر نت فون]

بعد اذن الاخوة الكرام انا مريت بالمشكلة دى قبل كدة
جرب اخى الغالى توصل الرسيفر من الروتر مباشر بدون اى سويتش و ان شاء الله المشكلة هتتحل

[™Mr.Hassan™]

المشاركة الأصلية كتبت بواسطة مرمر نت فون

بعد اذن الاخوة الكرام انا مريت بالمشكلة دى قبل كدة
جرب اخى الغالى توصل الرسيفر من الروتر مباشر بدون اى سويتش و ان شاء الله المشكلة هتتحل

ياغالي انا فعلا اما بركب الرسيفر للروتر مباشر مش بيهنج بس اما بركب سلك السوتش معاه في نفس الروتر بتحصل المشكله وللعلم انا مقدرش الغي الروتر

رجاء حل اخر بعد اذنك

[مرمر نت فون]

مفيش حل غير كدة يا باشا لو الراوتر عندك حاول تغيره بواحد اخر 4 بورت و خلى للرسيفر بورت ثابت من الاربعة .... و دة الى حصل معايا بالظبط

[مرمر نت فون]

و لو الراوتر بالفعل 4 بورت و بيهنج عند توصيل السويتش يبقى لابد من تجربة سويتش اخر و يا ريت من نوع تى بى لينك بلاش الانواع التانية لانها بتعمل تعارض مع بعض الرسيفرات

[™Mr.Hassan™]

المشاركة الأصلية كتبت بواسطة مرمر نت فون

و لو الراوتر بالفعل 4 بورت و بيهنج عند توصيل السويتش يبقى لابد من تجربة سويتش اخر و يا ريت من نوع تى بى لينك بلاش الانواع التانية لانها بتعمل تعارض مع بعض الرسيفرات

اولا شكرا جزيلا علي المساعده

الروتر فعلا 4 بورت من نوع tedata hg530
ولكن الاربع مداخل مشغوله واما اشغل الرسيفر بشيل سلك الكومبيوتر الخاص بيا من الروتر واركب سلك الرسيفر مكانو

ونوع السوتش tplink قالي الاعضاء في موضوع سابق انو هو اللي بيعمل تعارض وقمت بتبديله لنوع robotic وبردو نفس المشكله

وانا مش شاكك في الروتر لسبب بسيط اني لما بشيل كل السلوك واحط سلك الرسيفر بس بيشتغل الرسيفر ميه ميه ولا تهنيج علي الاطلاق

لو عند حضرتك تفسير ياريت تقولي