[elgentel]

حتى الموضوع احد الزملاء اخبرنى انى وضعتة فى مكان خطاء
و ها انا اعيد الموضوع يا مسهل


الاخوة الافاضل بعد التحية
انا ناوى اشترى جهاز جديد و بعد ما سالت اصحابى اللى جايبين اجهزة شيرنج من زمان كله قالى هات برفكس 9400 رخيص و سهل و كلام كتير المهم بعدها لقيت اللى بيقولى هات جهاز اتش دى و اخلص بدل ما تغير قدام قولت برضو فكرة
المهم دخلت قسم الكيوماكس اتش دى و انى افهم حاجة حسيت انى زى البطيخة قاعد اقرا و اول ما اركز اروح متلخبط من اول وجديد انا عندى شوية استفسارات بس ارجوكم تسعدونى ممكن حجات بدائية جدا و انا مش فاهمها ينوبكو فيا ثواب

الاسئلة هى
انا لقيت اكثر من موديل للكيوماكس ال اتش دى (ممكن اكون غلطان فبرجاء الاجابة و التصحيح بالمرة )

لقيت كيوماكس 999 و كيوماكس جولد و كيوماكس اتش دى و كيوماكس اتش دى فرجن 2 و لقيت لون اخضر و اسود و الوان تانية

طيب انا عاوز اشترى دلوقتى اجيب ميين فيهم مين فيهم ال اتش دى و مين فيهم موديل كويس و مين فيهم موديل فيه مشاكل يعنى من الاخر كدة حد يقولى اشترى الموديل كذا اللى لونة كذا و انا هاسمع الكلام على طول و انزل اشترى

وياريت كمان حد يقولى هاشترى ايه غير الرسيفر علشان النت (اسم الوصلة ايه و بكام)

و لما اشترى الجهاز و اجربة ابص على ايه او اتاكد من ايه
و هل السوفت اللى على الجهاز تمام ولا اخلى الراجل ينزلى سوفت جديد
و انا عندى النت فى البيت مشترك مع الجيران بس من غير اى بيى اوتوماتيك يعنى د هايثر ولا لازم الراجل ينزل اى بى

من الاخر كدة انا من اسكندرية و عاوز انزل ملك حفنى بعد ما تظبطونى فى الردود انزل محدش يشتغلنى و احس انى فاهم مش بطيخة زى ما انا حاسس دلوقتى فياريت محدش يبخل عليا فى الرد شكرا جزيلا
و لو فيه اسكندرانية عندهم محلات يبقى ننفعهم و يبقى علاقنتا فى المنتدى نفعتنا احنا الاتنين

سلام يا احلى شباب

[oscar]

من الاخر هات الكيوماكس الجوكرv1 مش هتلقى جهاز فى امكنياته والدعم بتاعه فى تطور جامد وفاتح كل باقات العالم وقريبا الشوتايم عليه وتوكل على الله

[ياسرالمنياوى]

ياغالى عليك بكوماكس hdلان المستقبل كله فى الريسيفرات التى تدعم hd

[mhmdahly]

حبيبي اهلا بيك في منتداك وبين اخوتك

هات الجوكر v2 لانه ببساطة الاحدث وكمان زيه زي v1 لكن يتميز عنه انه له مدخل 2 فلاشه


والامكانيات زيه زي الاصدار الاول لكنه بصراحة الاحدث

انا عن نفسي عندي الاصدار الاول للجوكر v1 بس مكنشي الاصدار الثاني نزل

خليك في الحديث افضل

[elgentel]

ياااااااااااا 3 ردود فى 6 دقائق د انتم شباب جامد موووووت شكرا يا رجالة

بس ممكن حد يشاور على جهاز باسمة المعروف عند التجار و لونة علشان انول اخلص من غير ما يحدث خداع من التجار يعنى احلى شباب قالولى

* من الاخر هات الكيوماكس الجوكرv1 مش هتلقى جهاز فى امكنياته
* ياغالى عليك بكوماكس hdلان المستقبل كله فى الريسيفرات التى تدعم hd
*هات الجوكر v2 لانه ببساطة الاحدث وكمان زيه زي v1 لكن يتميز عنه انه له مدخل 2 فلاشه


طيب حددولى الاسماء التجارية علشان اعرف اشترى (بس انا شوفت مشاركات فى المنتدى هنا بتحذر من فيرجن 2 ) برضو مستنى الاجبات من الاحباب

[elgentel]

طيب خدو كمان ناس كتير بترشح الجوكر طيب هو الشوكر دى حاجة من ال اتش دى اللى الناس بترشحها

مش عارف حاسس انى بقيت غبى بزيادة و انا الموضوع مش مستاهل ؟

[oscar]

سيبك من موضوع الفلاشه التانيه هات الفرجن واحد له سوفتات كتير اوى غير فرجن 2 وعند فك حمايه السنه المجانيه هتكون على v1 الاول وله تحويلات روح لاى محل فى الاسكندريه وقله عاوز الجوكر v1 وهتلقيه من 500 او 510 ده اخره

[elgentel]

aشكرا يا اوسكار انت راجل زى السكر
تمام انا عرفت هاروح اقول ايه بس هوفيرجن واحد دة hd ولا فيه منه عادى
و السرفر السنة بيحتاج تظبيت او اى بى وحجات كدة ولا اجربة واجى اشغلة فى البيت بدون مشاكل ؟ شكرا للردود

[oscar]

بص اهم حاجه انت تقول للتاجر كيوماكس hd الجوكر v1 وخليه يجربه يجربه على النت وخلى بالك من تاريخ السلفر متفرحش انو فتح القنوات وهو بيجربه قله هاتلى تاريخ السلفر ولازم واكيد يكون بتاريخ اليوم الى انت اشتريته منه لان فى اجهزه بتلقى التاريخ قديم على السلفر ويارب تكون فهمت قصدى

[mhmdahly]

اللي هتطلبة ( جهاز كيوماكس 999 جوكر v1 hd ) اظن كده جبت ليك من الاخر

[محمدوجدى]

دى صور الجوكرhd -v1
]دي مجموعة صور لجوكر الكيوماكس الجديد الاتش دي[/SIZE][/SIZE]
[/CENTER]

الكرتونة




الكرتونة من الجانب، وهنا المواصفات التفصيلية



الريموت مسقط رأسي




الريموت مسقط جانبي




الريسيفر من أعلى




الواجهة الأمامية




الجزء الأين من الواجهة الأمامية، وهنا باب صغير توجد خلفه فتحة يو اس بي




الريسيفر من الخلف




صورة مقربة للتوصيلات من الخلف




كارت الضمان من الامام




كارت الضمان من الخلف وبه سيريال نمبر!!




كتالوج التشغيل




علامة مائية لامعة توجد على الكرتونة والريسيفر نفسه، مكتوب عليها "ضمان عبد العال" بخط دقيق، لضمان عدم التقليد
من شدة اللمعان يبدو في الصورة عدسة وفلاش كاميرا التصوير منعكسة كإنها على مرآآآة




وصلة النت





جانب من وصلة النت




الجانب الآخر من وصلة النت




كابل الهاي ديفينشن




فتحة كابل الهاي ديفنيش







منقول من مشاركة اخى السيد جمال

http://www.masrawysat.com/vb/showthread.php?t=843

[/QUOTE]

[oscar]

ومتنساش موضوع تاريخ السلفر اوكيه يا مان اظن كدا اوكيه

[elgentel]

د كدة تمام التمام و حلوة موضوع التاريخ دة فى الجوووون

شكرا يا احلى شباب

[elgentel]

طيب سؤال يا شباب هو فيه ايه باقات غير موجودة فى ******* المجانى للجهاز و هل تستاهل ان الواحد يعمل اشتراك مدفوع و هل ******* ثابت ؟

شكرا جزيلا مرة تانية