[ahmedn3]

يا جماعة بعد اذن المنتدى انا لدى بعض المعلومات الهامة بخصوص باقة *** و ابوظبى الرياضية والجزيرة واستطعت معرفة ترتدين منهم
والموضوع كله انه عباره عن سترمينج سرفر
يعنى lnb مبرمجه على ترددان وهما
11900
و
11854
ونظام العدسه انها تستقبل ويرلاس
من شبكات مثل شبكات المحمول
وكمان يجب ضبط القمر على قمر w3c بعد القمر الاسرائيلي وموقع القمر بالضبط Eutelsat 3C / 3.1° East اتجاه الطبق شمال قليلا من النايل سات ووش الطبق كله تحت وكمان لازم تقلب ميزان الطبق
وكمان لازم يكون الطبق اعلى من اى شى بجواره ناقص بس كدة ان احنا نعرف نوع lnb المستخدم انا معلوماتى انة اسمة lbn) ahmedbna) ولاكن اكيد هذا ليس اسم lnb المنتج من الشركات المشهورة اى هذا اسم مستعار لكى لا احد يعرف ما هو النوع بالضبط المستخدم فى الالتقاط
كدة انا عملت اللى عليا وارجو من المهتمين بالامر مساعدتى لمعرفة نوع lnb المستخدم بالضبط

[walid tarek]

شكرا جدا يا اخى و ان شاء الله نعرف اسم القطعه ال lnb

[papar2009]

لا واللة برفو علييك لما الطبق يبقا باصص لتحت يبقا 3 سى اية الجمال دا يعنى مينفعش شبكات ارضية سيتك ولو تعبان اوى من نوع الانبى ممكن تركب واحد ليك هتعرف نوعها وتاريخ حياتها بس ابقا قبلنى لو عرفت تشغل قناة منها وعلى فكرة الموضوع شغال من سنة من اول ما اعلانا عنة اول مرة وكتير غير سيتك حولو وفشلوا وللمعلومة بس الى موجود على يوتل 3 دا كسر **** وللمعلومة اكتر الى موجود عندنا الشوتايم والاروبت وابوظبى تاكد من كلامك وبعدين اكتب سلام

[data2008]

وانت ليه عاوز تشغل الناس ببلاش
الراجل مشكور عملكم نظام جديد لتشغيل القنوات اللى مش قادرين نشوفها تانى
وكلف نفسه وجاب رسيفرات شوتايم وابوظبى وجزيره
من حقه انه يكمل مشروعه ويلم الفلوس اللى هو صرفها
ده صاحب شبكه زى صاحب ******* مثلا هل ترضى ان يكون ليك *****
والناس توزعه على بعضهم
انا عن نفسى هنفع الراجل ده واجيب منه قطعه لمده سنه
يعنى كتر خيره
وعلى فكره ده جهاز بث ترددات موجود على الارض
مش قمر ايطالى
والجهاز ده ثمنه على ما قريت 150000 والله اعلم

[HeadDigital]

الموضوع كله جعل الطبق هوائي وبتعديل LNBf وجعلها تستقبل Wifi من خلال الطبق فقط

[data2008]

المشاركة الأصلية كتبت بواسطة headdigital

الموضوع كله جعل الطبق هوائي وبتعديل lnbf وجعلها تستقبل wifi من خلال الطبق فقط
a084kk

ربنا يشفيك
دى صوره بتاعه الوايرليس بتاع الانترنت بتركبها على الاكسيس بوينت

[eljooker]

نرجو الاحترام فى المناقشه يا اخوانى و عيب الالفاظ التى تكتب نحن فى منتدى محترم و الكل يعبر عن لاايه ولكن بادب الحوار

[wahidsat11]

السلام عليكم ياجماعه موجود القنوات في مصر بس ليه شروط اولا لايقل ارتفاع العماره التي يركب عليها الطبق عن عشره ادوار والاشتراكات بتعتها موجوده في باب اللوق وثمن الاشتراك بالتركيب 1200 وفي القاهره الكبري فقط

[ahmedn3]

المشاركة الأصلية كتبت بواسطة data2008

وانت ليه عاوز تشغل الناس ببلاش
الراجل مشكور عملكم نظام جديد لتشغيل القنوات اللى مش قادرين نشوفها تانى
وكلف نفسه وجاب رسيفرات شوتايم وابوظبى وجزيره
من حقه انه يكمل مشروعه ويلم الفلوس اللى هو صرفها
ده صاحب شبكه زى صاحب ******* مثلا هل ترضى ان يكون ليك *****
والناس توزعه على بعضهم
انا عن نفسى هنفع الراجل ده واجيب منه قطعه لمده سنه
يعنى كتر خيره
وعلى فكره ده جهاز بث ترددات موجود على الارض
مش قمر ايطالى
والجهاز ده ثمنه على ما قريت 150000 والله اعلم

استاذى الفاضل انا كتبت هذة المعلومات لنمنع من جشع التجار مع العلم ان قطعة lnb والاشتراكات لا تزيد عن 10 الاف جنية شاملة كل الباقات وكل شئ فجشع التجار يقول لك ان قطعة lnb ستكلفك 600 -700 جنية فما هذا الجشع فما المانع ان الكل يستفيد ولاكن باسعار معقولة مثلا لا تزيد عن 100 جنية فى الثلاث شهور

[ahmed_kama]

ياجماعة الموضوع ده بجد وال l.n.b بيتباع فى باب اللوق فى محل مشهور وثمنه 350 L.E.

[kingegy11]

شكرا علي المجهود الجميل

[ahmedsea]

ممبروك علينا قناة النمل الارضية انا عن نفسى كفات الطبق على وشة

[هشام سيد]

دي خلاصه الموضوع واللي قرأته في احد المواقع اللي بتدعم الخدمه دي
وللأسف طبعا مش هينفع احط لينك الموضوع او اسم الموقع لأنه ممنووووووووووووع
طبعا مش انا اللي بتكلم ده كلام علي لسان صاحب الفكره مش انا

اولا يا جماعه علشان افهم كل واحد من اعضاء الموقع الكرام ايه فكره تشغيل القنوات
هو نظام جديد بث واير ليس صوره عن طريق ترددات معينه نقوم باتقاطها عند تركيب طبق مساحه متر مثل ecc او بريفكس و انا بعتبر دول احسن انواع عن نفسي و نقوم بتركيب قطعه ( lnb ) معينه معدله لاستقبال هذه الترددات

--------------------------------------------------
اسئله في دماغك عايز اجابتها ... ؟
--------------------------------------------------
س : طيب ايه الانواع الي بيشغل عليها النظام دا ؟
ج : اي نوع مش مهم عادي المهم يكون جهاز حديث مش لازم اي امكانيات

س : طيب لازم يكون hd ؟
ج : لا مش لازم لان دا بث صوره

س : يعني الصوره هتكون وحشه ؟
ج : لا طبعا لانها قويه و نقيه جدا جدا

س : اي الاماكن المتاح فيها الاشتراك حاليا ؟
ج : القاهره و الجيزه فقط و باقي الاماكن قريبا ان شاء الله علي حسب الطلب و الكميه

س : ازاي اشتراك لو انا من القاهره او الجيزه ؟
ج : بتجهز طبق متر زي ما قولنا و بعد كدا بتتصل بيا وانا ببعت ليك مهندس يركب ليك الطبق بتاعك

س : اي سعر الاشتراك ؟
ج : ال 3 اشهر + LNB فقط 200 جنيه مصري

س : ايه القنوات العامله عليها ؟
ج : ما يعادل 16 قناه من باقات الشويتم و الاوربت و ابوظبي

س : هل عدد القنوات ثابت عند 16 قناه ام قابله للزياده ؟
ج : ان شاء الله قابله للزياده بمقابله زياده عدد المشتركين ان شاء الله

[dale_d25]

مشكور اخي العزيز

[ahmedn3]

ارجو من المهتمين بالامر مساعدتى لمعرفة نوع lnb المستخدم بالضبط