[إبراهيم داود]

مجموعه من 50 فرد كان بيحضروا مناظرة (seminar)
وفجأة وقف المتحدث عن الكلام وقرر انه يعمل نشاط للمجموعة كلها
ادى كل واحد من المجموعة بالونة وطلب من كل واحد فيهم انه يكتب اسمه على البالونة اللى معاه ..

بعدها جمع كل البلالين وحطها ف اوضة تانية
وبعدين سمح لهم انهم يدخلوا الاوضة التانية اللى فيها البلالين اللى عليها اساميهم..

وطلب منهم ان ف خلال 5 دقايق كل واحد يلاقى البالونة اللى كاتب عليها اسمه
وبكل حماس بدأ كل فرد ف المجموعة يدور ع بالونته..

وكانوا في فوضى وعمالين يزقوا بعض ف هرجله كبيرة عشان يلاقوا البالونة اللى عليها اساميهم
وبعد 5 دقايق محدش قدر يلاقى البالونة اللى عليها اسمه
دلوقتى اتطلب من كل فرد انه ياخد بالونة عشوائية قدامه ويديها
للشخص اللى اسمه مكتوب عليها..

وف خلال دقايق كان كل واحد منهم معاه بالونته اللى عليها اسمه
المتحدث قالهم: هو ده بالظبط اللى بيحصل ف واقع الحياة.. كل واحد بيدور ع سعادته ف حماس مش عارف هى فين ..
لكن السعادة الحقيقية تكمن ف اسعاد الاخرين .. حاول تسعد الناس وقتها بس ده هيعود عليك بالسعادة اللى بتتمناها

وهو ده الغرض من حياة البشر

اسعد غيرك تسعد

وانت نازل فى الشارع حاول تسعد الناس لو حتى بابتسامة

[أبـو على]

جزاك الله كل خير على هذا العرض الطيب

[جلال العسيلى]

بارك الله فيك أخي
وجعل ماقدمته في موازين حسناتك
تحياتي لك

[manst2005]