بخصوص القنوات المشفرة والنظام الجديد... يرجي الدخول من الجميع !!!

عبدالفتاح حسين · #1 2014/03/14, 10:27 PM

السلام عليكم ورحمة الله وبركاته
بعد التحية ...
من بعد ما تغير نظام BeIn Sport إلي النظام الجديد هي وسابقة عهدها *** أصبح شغلنا الشاغل كله وهمنا اللي مش عايز يرتاح الباقتين دول

وكل شوية مش هاقول كل يوم لا كل شوية ادخل القسم ألاقي موضوع جديد وغير اللي قبله ....
إلحق خلال 48 ساعة !!! والنهاردة الساعة 8 !!! ومفاجئه بكره !!! إلخــــ..

يا جماعه عيب كدا ما يصحش الكلام دا المنتدي له وزنه وثقله ومصداقيته
ماتبوظوش شكل المنتدي وهيبة المنتدي يعني كفاية أوي كدا
المنتدي هنا مدرسة يشهد ليها الكل وليس كغيره من المنتديات الأخري من هذا الفن وانتم عارفين المنتديات عاملة إزاي ؟!

أنا أولاً مش من مشتركي BeIn Sport ولا *** عشان ماحدش يزايد
ولا أنا عضوية بن امبارح عشان النقطة دي ماحدش يعلق عليها بس انا من متابعي ومرتادي المنتدي من زمان أوي حتي لو مش بشارك

ثانياً ... يا جماعة والله كلنا لينا عقل نفكر بيه بمناسبة موضوع التشفير دا
إزاي شبكة قنوات دفعت ملايين لكي تحد من عملية القرصنه بشكل نهائي إلي أن يإذن الله تتحل المشكلة دي وتنكسر كسرة ماتقوم منها إن شاء الله هي واختها الاتنين يارب في يوم واحد
دول أكيد جربوها طبعاً الأول ع الشيرنج وعملوا فيها البدع بلا شك حتي يتأكدوا ان نظامهم يعمل بشكل سليم دون ثغرات أو مشاكل

وبعدين اللي يكسر قناة يكسر اختها واللي يكسر اختها يكسر باقة ...
يعني لا مؤاخذه هي القناه دي شغاله علي كارت موبينيل والتانيه فودافون ولا حاجه ... ايه السخف دا

والأهم من دا كله ازاي ال *** بقالها كاااااااااام سنه ولسه ماتفتحتش لحد الآن الي بعض قنوات واعتقد إن دا مش كسر ولا ثغره بدليل أنها مش مستقره وهم عدد معين ومعروف للكل

وجايين دلوقتي تكسروا النظام الجديد بكل سهولة كدا بين يوم وليلة !!!
كلنا عارفين انها سياسة شركات وشغل مصالح والكل مستفاد ومافيش حد متضرر إللي يفكر ان الجزيرة هاتتضرر من موضوع الشيرنج دا فيما بعد يبئي غلطان ... يا اخوانا دي صفقات وحاجات احنا مانعرفش عنها حاجه الكبار لهم مصلحة فيها ولما مصلحتهم ياخدوها من القصه دي في الآآآآآآآخر توصل للغلابه اللي زي حالتنا بعد ما يرضي عليها أصحابها

لا والغريب ان اعضاء عاديين جداً مش مشهود لهم بحرفيتهم أو خبرتهم في هذا المجال يتحدثون عن الكسر والفك وغيره ...

يا عم دا انت عندك الخبرا الغرب ماكسروش Nova احنا اللي هانكسر دي ونظام احدث بلا شك ... افتكر لنا وقفه مع نفسنا شوية
وبعدين مش عايزين نضحك علي بعض دا معظم ان ماكنش الكل طبعاً شغل الشيرنج ببرامجه ومستلزماته برمجه أجنبيه مش من عندنا احنا !!!

وأكيييييييييييييد وإن شاء الله هاييجي اليوم اللي هانشوفها مكسوره ماحدش هايلمها بإذن الله وربما قريب أو بعيد !!!

بالمناسبة أنا قرأت التحذير عن حظر نشر مواضيع تخص الباقتين دول بس أفتكر إن دا موضوع عتاب بعيد عن الفشر والترهات التي نراها كل دقيقة والتانية وافتكر ماحدش من الزملاء يختلف معايا ف كدا
وكلامي السابق موجه لفئة معينه من الأعضاء هي عارفه نفسها وكان لازم تنبيه الزملاء من هذا الأمر في حدود علمي ومعرفتي بهذه الأمور فانا لست خبير بل أقلكم علماً

طولت أنا بعتذر علي الاطاله وتحياتي لكم

احمد محمود عبد العاطي · #2 2014/03/14, 10:36 PM

كلام رائع يا اخي ...... انها بزنس . ويارب في الاخر تنكسر لتعم الفائدة للجميع

h_king · #3 2014/03/14, 10:36 PM

كلام سليم اعتقد ان هذا النظام صعب الكسر والخبراء عجزو عن كسر الباقات الي تعمل بنظام تزاوج اعتقد ان هذه الباقات
لن يتم كسرها وحتى ان تما كسرها ستحتكر عن وكلاء الاجهزة علشان بيعماو دعاية للجهاز وبهذه الطريقة لن يتم كسرها عن طريط ال سي سي كام

وشكرا

waled123 · #4 2014/03/14, 10:37 PM

كلامك موزون وفيه عقلانية كبيرة تقبل تحياتى اخى الكريم

iceproxy · #5 2014/03/14, 10:42 PM

الله أكبر يا باشا هو دا الكلام

عبدالفتاح حسين · #6 2014/03/14, 10:43 PM

اقتباس:

المشاركة الأصلية كتبت بواسطة waled123

كلامك موزون وفيه عقلانية كبيرة تقبل تحياتى اخى الكريم

شكراً يا فندم علي ذوق حضرتك

عبدالفتاح حسين · #7 2014/03/14, 10:43 PM

اقتباس:

المشاركة الأصلية كتبت بواسطة iceproxy

الله أكبر يا باشا هو دا الكلام

أيوة كدا عايزين كلنا نتفاعل ولا نلقي لهذه المواضيع اهتمام
حتي يتيقن لنا الامر من مصادر لها وزنها

عبدالفتاح حسين · #8 2014/03/14, 10:44 PM

اقتباس:

المشاركة الأصلية كتبت بواسطة h_king

كلام سليم اعتقد ان هذا النظام صعب الكسر والخبراء عجزو عن كسر الباقات الي تعمل بنظام تزاوج اعتقد ان هذه الباقات
لن يتم كسرها وحتى ان تما كسرها ستحتكر عن وكلاء الاجهزة علشان بيعماو دعاية للجهاز وبهذه الطريقة لن يتم كسرها عن طريط ال سي سي كام

وشكرا

الله ينور عليك أخي الكريم كدا حضرتك فاهم اللعبة ...

عبدالفتاح حسين · #9 2014/03/14, 10:45 PM

اقتباس:

المشاركة الأصلية كتبت بواسطة احمد محمود عبد العاطي

كلام رائع يا اخي ...... انها بزنس . ويارب في الاخر تنكسر لتعم الفائدة للجميع

ستنكسر إن شاء الله ... اليوم أو غداً بإذن الله

عبدالفتاح حسين · #10 2014/03/14, 10:48 PM

يا جماعه الموضوع لعبة كبيره وأكله طعمه الكل سانن سنانه عليها
لا تتوقع أن يكون هناك تسريبات حتي من مصممي هذا النظام اللعين
كلها مصالح وبيزنس
ولا أتوقع أن نستفيد نحن منها الآن كمستخدمين عاديين
قبل ما تطلع شركة جديد اسمها مش عارف إيه كدا لها جهاز مخصوص
بتفتح القنوات دي وبرامج جديدة ونظام شيرنج جديد وقصه

يعني لازم الكبار ياكلوا وينبسطوا واللي هايفيض احنا هانكمل ... أعزكم الله طبعاً

عبدالرحمن عامر · #11 2014/03/14, 10:53 PM

كلامك زي العسل يا استاذ بجد انت جبت من الاخر ولخصت الحوار للكل وشكرا لك

عبدالفتاح حسين · #12 2014/03/14, 10:59 PM

اقتباس:

المشاركة الأصلية كتبت بواسطة عبدالرحمن عامر

كلامك زي العسل يا استاذ بجد انت جبت من الاخر ولخصت الحوار للكل وشكرا لك

شكراً أخي الكريم ... كلكم أساتذتنا ونعتز بكم

محمد7777 · #13 2014/03/14, 11:01 PM

كلامك موزون وفيه عقلانية كبيرة تقبل تحياتى اخى الكريم

khaledelsheref · #14 2014/03/14, 11:02 PM

ستنكسر إن شاء الله ... اليوم أو غداً بإذن الله

عبدالفتاح حسين · #15 2014/03/14, 11:03 PM

اقتباس:

المشاركة الأصلية كتبت بواسطة محمد7777

كلامك موزون وفيه عقلانية كبيرة تقبل تحياتى اخى الكريم

شكراً جزيلاً أخي الكريم لمتابعتك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تنبيه هام جدا جدا يرجي الدخول من الجميع	ashrafdishnono	مجتمع دريم بوكس مصر ( قسم خاص بمناقشات و اخبار الدريم بوكس )	1	2012/11/26 02:38 AM
هااااام يرجي من الجميع الدخول	الحاج عبدالله الظريف	صيانة التليفزيون	4	2012/01/18 11:28 PM
هام بخصوص القنوات المشفرة لسوفت 2.1 الجديد	muhammad iprahem	كيوماكس 999 HD ( V1, V2, V2.2, V3 )	19	2011/08/11 11:24 PM