[Ahmed_K]

السلام عليكم
انا كان عندى مشكلة فى تردد معين على النايل سات على الرسيفر Strong 4620XV فانا قلت احدث السوفت وير يمكن دة يكون احسن
فنزلت احدث سوفت وير من الموقع الرسمى قلت اكيد هيبقى احسن
المهم نزلتة من الفلاشة ولاكن زى السوفت القديم لا جديد

وانا بدور فى الصفحات فى المنتدى هنا لقيت الموضوع دة
http://www.masrawysat.com/vb/showthread.php?t=877756

المهم نزلت ملف البوت اللى موجود فى الموضوع و يا ريتنى ما كنت قرأت الموضوع من اساسة
بعد تنزيل ملف البوت عن طريق الفلاشة الرسيفر قفل و لم يفتح تانى

هل يوجد حل لهذا؟ ضرورى لو سمحت!

[مهندس / سـيد حافظ]

أخى الكريم
كل مشكله ولها حل
أولا الموضوع بتاع الأستاذ / أحمد المعبدى
خاص بتحويل الجهاز من xv ألى xiii
وبمعنا أن المفروض حضرتك كنت تحمل البوت باللودر لأن بعد تحميل البوت الجهاز سوف يتوقف عن العمل وبعدها مباشرة تحمل السوفت عن طريق اللودر أيضاااا
البووووووت

السووووفت

اللــــــودر

[Ahmed_K]

يا ريتنى ما كنت قرأت الموضوع اللى فى الرابط دة اصلا. انا جبت لنفسى و جع الدماغ

على اى حال, انا بحثت ووجدت ان الموضوع دة عايز كابل اسمه rs232 صح؟
بس انا دورت على الكابل دة و لم اجدة, و الغريب ان اصلا كتير مش عارفيين الاسم دة اصلا.
هو الكابل دة بيتباع فين؟

[Mohammad star sat]

المشاركة الأصلية كتبت بواسطة ahmed_k

يا ريتنى ما كنت قرأت الموضوع اللى فى الرابط دة اصلا. انا جبت لنفسى و جع الدماغ

على اى حال, انا بحثت ووجدت ان الموضوع دة عايز كابل اسمه rs232 صح؟
بس انا دورت على الكابل دة و لم اجدة, و الغريب ان اصلا كتير مش عارفيين الاسم دة اصلا.
هو الكابل دة بيتباع فين؟

توجه بالجهاز الى اقرب مركز صيانه وسوف يتم عمل اللازم للجهاز

[Ahmed_K]

شكلها كدة. انا عندى فضول انى اجرب اول محاولة بنفسى.
بس بخصوص الكابل rs232 انا اتصلت بمحل اجهزة كمبيوتر محدش يعرفة. و رحت محل بيبيع رسيفرات للاسف بردة محدش يعرفة. غريب فعلا.
هو لية اسم تجارى اخر؟ و بيتباع فى اى محلات؟

[ابراهيم ستالايت]

وصلة تحديث اخى الفاضل ويريت تقول للبائع وصلة تحديث بين الرسيفر والكمبيوتر

[Ahmed_K]

شكرا يا ابراهيم. انا جبت الكابل بالفعل ولاكن وجدت انه لا يوجد مكان له فى الكمبيوتر. أعمل اية؟

[ابراهيم ستالايت]

اى كمبيوتر اخى الفاضل يوجد فية وصلة كوم تحديث

[pero_peter7]

المشاركة الأصلية كتبت بواسطة Ahmed_K

شكرا يا ابراهيم. انا جبت الكابل بالفعل ولاكن وجدت انه لا يوجد مكان له فى الكمبيوتر. أعمل اية؟

هناك كابل لتحويل من usb الى com

[ابوحنــين وأسيـــل]

المشاركة الأصلية كتبت بواسطة Ahmed_K

شكرا يا ابراهيم. انا جبت الكابل بالفعل ولاكن وجدت انه لا يوجد مكان له فى الكمبيوتر. أعمل اية؟

استاذ احمد الموضوع بسيط للغايه مش محتاج زعل ولا اي تعصب السوفت والبوت واي شئ يجب ان اعرف معناهم قبل عملهم وانتا لازم تاخد الامور ببساطه

اي كيسه كمبيوتر فيها وصله تحديث لو الجهاز اللي عند حضرتك مفهوش وده نادر في كمبيوترات معينه واكيد في الاب توب الجديد ممكن

اروح عند اي صديق او جار جمبي واعمل السوفت عنده واحل المشكله

اجيب كارت كوم خارجي واركبه وسعره رخيص علشان لو حبيت اعمل سوفت ولاملف

ولما تشتري من اي محل متقولش له الاسم بالمصطلح العلمي للمنتدي زي rs232
قوله كابل تحديث عادي معكوس بتاع الاسترا والاسترونج
لان المحلات والناس بتتعامل بالمصطلح العامي (البلدي) لانك في مصر
ودايما لازم يكون عندك صبر ومحاولات عديده علشان لما تقع في مشكله تقدر تركز وتحلها بدون تعب تحياتي لك

[احمد محمد محمود موسى]

المشاركة الأصلية كتبت بواسطة ابراهيم ستالايت

اى كمبيوتر اخى الفاضل يوجد فية وصلة كوم تحديث

مش اى كمبيوتر اخى فى وصلة التحديدث
مثل
البورد g41 بيو استا ر لا يوجد بها كوم

[tihab]

هات الكابل من النخيلي الي في وسط البلد
وممكن تلاقي عنده تحويل للكابلات عشان تركب على وسائلusb

[Ahmed_K]

اسف يا جماعة على التأخير. كنت فى سفر عمل و لسة راجع امبارح.

و الحمد لله جبت الكابل و ركبتة فى الكمبيوتر.

الجهاز: Strong 4620XV
اللودر: SRTLoaderP-1.94
البوت: boot 4620 xiii

واستخدمت اللودر مع ملف البوت و لاكن لا شئ يحدث. فقط اربع شرط فى الرسيفر. و اللودر كاتب: Connect your receiver and turn it on

لية؟؟

[Ahmed_K]

الريسيفر يعمل مرة اخرى الان.
شكرا لكل من ساعد. انا سعيد مش لانة اشتغل تانى (انا عندى ثلاثة ريسيفرات غيرة فى البيت) و لاكن لان كان عندى فضول انى اصلحة بنفسى. و الحمد لله اصلحتة, طبعا بمساعدتكم!

أخر شئ انا كنت عايز ملف البوت الاصلى للنسخة 4620xv وليس ل 4620xii

هل هو موجود؟