[ابوعلي2111]

تليفزيون نيو بس مش احمد بهجت لان الشاسيه بتاعه صيني جاي من الشركه كدا انا اول واحد يفتحه مشكلته بيشتغل ستاند باي ولما تشغله من البرسات اللمبه الحمرا تطفي وتسمع صوت زنه ثواني ويعمل ستاند باي تاني تكرر الموضوع ده اكتر من مره او تترك الجهاز شويه بيشتغل بعد 10 دقايق ولما يشتغل صوره كويسه والصوت ضعيف جدا انا غيرت اي سي الصوت 2003 ونفس المشكله وغيرت جميع مكثفات الباور والصوت نفس المشكله ضعيف جدا من الطبيعي لما الجهاز الصيني بياخر في التشغيل بنغير المكثف 100u 50 انا غيرت كل مكثفات الباور والثنك نفس المشكله انا اسف اني طولت عليكم بس بجد انا احترت في الجهاز دا وعملت كل حاجه ممكن تتعمل اتمني اجد الحل من المصراويه لان دايما قبل ما نقع مصراوي بيسندنا

[اسامه الحكيم]

اخى الكريم غير المكثف 16/470 على خط تغذيه 12 فولت الخارج من الشوبر بمكثف اخر 16/1000 وانشاء الله يشتغل تمام

[ابوعلي2111]

هجرب ان شاء الله يشتغل وهرد عليك

[ابوعلي2111]

نفس المشكله موجوده

[ابوعلي2111]

فين الرد يا مصراويه

[احمد عبد العاطى]

المشاركة الأصلية كتبت بواسطة اسامه الحكيم

اخى الكريم غير المكثف 16/470 على خط تغذيه 12 فولت الخارج من الشوبر بمكثف اخر 16/1000 وانشاء الله يشتغل تمام

بعد اذنك يا هندسة تشرحلنا المعلومة الجميلة دى
اذاى يغير المكثف 470/16 ب 1000/16
ممكن تشرحهالنا
لو تكرمت

[اسامه الحكيم]

المشاركة الأصلية كتبت بواسطة احمد عبد العاطى

بعد اذنك يا هندسة تشرحلنا المعلومة الجميلة دى
اذاى يغير المكثف 470/16 ب 1000/16
ممكن تشرحهالنا
لو تكرمت

ايه المشكله اخى الكريم لما يرفع الميكرو فى المكثف البديل ولا دى حاجه غريبه ولا انا قولتله ركب المكثف بالمقلوب وواضح من اسلوبك انك بتتريق

[طه سعيد]

المسائله مش تريقه يا بشمهندس اصل فرق الميكرو كبير انت ممكن تركب 330 او 220 مكان 470 لكن 1000 كتير علشان كدة هو بيسال ازى اركب 1000 مكان 470

[محمد ربيع الجمسي]

بص يازعيم هاؤقلك كذا حل اولا اخلع السينسور وجرب من غيره اذا لاقيت المشكلة ذى ماهيا جرب ic momarie غير الموجود وياريت يكون رقم 24c08 وشوف الديودات ال بجواراللاين واذا كانت المشكلة لسة موجودة جرب بور الهيروزنتال برقم 1651 وشوف ومعاك لحد مايشتغل باذن الله

[ابوعلي2111]

يا اخي انا بقولك الجهاز بيشتغل لوحده بعد 10 دقايق او تطفيه وتفحه كذا مره بيفتح زجربت من غير السينسور نفس المشكله يبقي ايه دخل باور الاين

[محمد ربيع الجمسي]

ياحبيبى ممكن يكون الفولت محبوس فى احد السيلكونات الخارجة ماهو انت ماشى من غيرنظام المفرود تبداء من خرج البور وبعد كدة تشوف ايسى momare وبعدخرجات الفولتية وبعدين شوف ترازيستو 7805 المغذى لايسى الذاكرة momare وتاكد من اعادة الحام على ايسى العمليات وبعدين احنا بنساعدك يقوم واحد يهاجم اسامة الحكيم وانتا التانى تهاجمنى

[احمد عبد العاطى]

المشاركة الأصلية كتبت بواسطة اسامه الحكيم

ايه المشكله اخى الكريم لما يرفع الميكرو فى المكثف البديل ولا دى حاجه غريبه ولا انا قولتله ركب المكثف بالمقلوب وواضح من اسلوبك انك بتتريق

اخى اسامة انا لا اقصد اى نوع من الاستهزاء ولاكن
الميكرو الى انت كاتبة اعلى من المعدل الطبيعى
ولاكن المقصود وضع معلومة صحيحة لان السائل
بينفذ كلامنا ودة ممكن يؤدى الى حدوث اعطال
اكبر من ذالك والدليل على صحة كلامى شهادة
العضو المشارك معنا بالموضوع
اخى اسامة نحن هنا نعمل لوجة
الله مش عشان نعدل على بعض ولاكن المقصود
هوا تصحيح معلومة ليس الا واعتذر لك ان
كان صدر منى اى شئ
تحياتى لك مهندسنا الغالى

[احمد عبد العاطى]

المشاركة الأصلية كتبت بواسطة طه سعيد

المسائله مش تريقه يا بشمهندس اصل فرق الميكرو كبير انت ممكن تركب 330 او 220 مكان 470 لكن 1000 كتير علشان كدة هو بيسال ازى اركب 1000 مكان 470

كلام سليم
(لا تعليق)

[اسامه الحكيم]

المشاركة الأصلية كتبت بواسطة احمد عبد العاطى

اخى اسامة انا لا اقصد اى نوع من الاستهزاء ولاكن
الميكرو الى انت كاتبة اعلى من المعدل الطبيعى
ولاكن المقصود وضع معلومة صحيحة لان السائل
بينفذ كلامنا ودة ممكن يؤدى الى حدوث اعطال
اكبر من ذالك والدليل على صحة كلامى شهادة
العضو المشارك معنا بالموضوع
اخى اسامة نحن هنا نعمل لوجة
الله مش عشان نعدل على بعض ولاكن المقصود
هوا تصحيح معلومة ليس الا واعتذر لك ان
كان صدر منى اى شئ
تحياتى لك مهندسنا الغالى

اخى احمد وانا ايضا لا اقصد من وراء مساعدتى الا وجه الله وبعدين انا لما برفع الميكرو فى دوائر التغذيه الكهربيه وخاصه الفولتات الناتجه عن محولات التيار مثل الشوبر وخلافه بنجعل الفولت اكثر ثبات واستقرارا ورفع الميكرو هنا ليس له اى ضرر او تأثيرانما يزيد من كفائه الدائره.... انما الاماكن الحساسه مثل مكثفات الشحن والتفريغ فى الفريتكال ومكثفات الهيروزنتل واى مكثف تعتمد عليه الدائره كثابت زمنى لها لابد ان يركب نفس القيمه بدون تغيير او تعديل وعلى العموم حصل خير ورمضان كريم ومعرفه خير انشاء الله

[ابوعلي2111]

المشاركة الأصلية كتبت بواسطة mohammedrabie

ياحبيبى ممكن يكون الفولت محبوس فى احد السيلكونات الخارجة ماهو انت ماشى من غيرنظام المفرود تبداء من خرج البور وبعد كدة تشوف ايسى momare وبعدخرجات الفولتية وبعدين شوف ترازيستو 7805 المغذى لايسى الذاكرة momare وتاكد من اعادة الحام على ايسى العمليات وبعدين احنا بنساعدك يقوم واحد يهاجم اسامة الحكيم وانتا التانى تهاجمنى

يا صاحبي انا مش بهاجمك انا بس عاوز الفت انتباهك ان الجهاز بعد 10 دقايق بيشتغل كويس جدا ما عدا الصوت بس اللي بيكون ضعيف وانا جربت كل حاجه في دايره الباور والهروزينتال وعملت كل حاجه قالت عليها الاعضاء ويبقي الحال علي ما هوه عليه انا بقالي اكتر من 16 سنه في المجال ده اول مره اتعقد كدا ممكن تكون قرفه الزبون وحشه لاني اتخانقت معاه قبل حتي ما اشوف عطل الجهاز ايه وقفلته تاني بس بعد تحايل الزبون والناس اللي موجوده قبلت الجهاز تاني وياريتني ما قبلته صدعت نفسي وصدعت زمايلي في مصراوي معايه