[ehapadel]

السلامُ عليكُم ورحمة الله وبركاتة ..


أنا عَندي جهاز Strong 4930 HD

الجهاز عَندي غير مُستقر .. يعني سعات بيهيس في موضوع القنوات! ، بحتاج تقريباً أمسح كل القنوات وأعيد البحث عنها كُل شهر !!، والغريب بقي إنة أحياناً مش بيجيب كل القنوات ( يعني في ترددات بتكون ناقصة ) ، فا لما زعقت وحسيت إن في حاجة مش مظبوطة، قلت أجي لـ أهل الخبرة هنا يدلوني .. هل دا طبيعي؟ ، وهل المجموعات عددها 91 بس ؟ ، أحيناً كان بيجيب 100 وكسر .. دا من إية ؟؟
وأول ما اشتريتة كان بيفتح يوتيوب حالياً مش بيفتح اليوتيوب إية السبب ؟؟
وهل جودة السلك إلي نازل من الطبق فوق لـ الريسيفر بتأثر علي الاشارة ؟

وهل لما أسحب القنوات علي فلاشة .. وبعديها أمسح كل القنوات من علي الريسيفر وأحطه النسخة إلي سحبتها مرة تانية علي الريسيفر بتأدي لمُشكلة ؟ ، وتفرق اية قائمة تحرير عن قائمة تحريك ؟

وسؤال في الشيرنج هل مجموعة قنوات باين إسبورت ها تكون متاحة علي الشيرنج ولا النظام ها يكون فيها إزاي ؟؟

[م / أبو عبد الرحمن]

أخي الكريم
عشااان تقدر تراقب جهازك بطريقة مضبوطة وتشوف موضوع
القنوات اللي بتيجي وتروح
اعمل ضبط مصنع ولا تقم بتنزيل أي ملف قنوات
ثم اعمل بحث أعمى للنايل سات على سبيل المثال
ثم قم بمراقبة هذه القنوات لفترة
إذا حدث أي إهتزاز في تردد هذه القنوات
قم بفحص المسائل الأخرى مثل :
( الطبق - العدسة - الدايزك - السلك - .......... )

[ehapadel]

بالفعل راقبتها والقنوات زي ما وضحت بتروح .. أنا شاكك في السلك ممكن يكون نوعة رضيء مثلاَ ؟ ،

إستفسار يعني اية ..
الدايزك

[عبده 2010]

بعد اذن الغالي المحترم م ابوعبدالرحمن
اخي ان عندك من الاقمار متحرك ام ثابت ولاتملك كام قمر
ام نايل فقط او معه اوربي
الاول المجموعات ليس لهادخل باي شئ لان كل يوم به جديد امابالاضافة او الحذف
يعني كل الشغلانة يدوي بالبلدي
ادي موقع قمر النايل سات به كل الترددات

والقمرالايضافي ايضا

ومن ناحية اليوتيوب الاول اعطيه اخر سوفت من المكتبة وثانيا النت اخي له دور بالعملية
وهذه الايام بالاخص النت شكله زفت مع الكل بالذات لو مع شركة لنك مشترك لان بها صيانة واسعة ومسببا لنا بي شديد

جودة السلك إلي نازل من الطبق نعم له دور بالذات لوكانت المسافة طويلة عندك ويوجد انواع ممتازة بالسوق

وتفرق اية قائمة تحرير عن قائمة تحريك
تحرير تغير الاسم تحريك يعني انقل من مكان الي مكان

الشيرنج اخر الشهر اخره معنا بالنسبة للجزيرة لانعرف مالذي سيحدث بعد ذلك

إستفسار يعني اية ..
الدايزك
هو عن عبارة عن اداة بتجمع لك كل القطع الموجودة علي الطبق عندك علي مدخل واحد

[ehapadel]

شكراً لردك الوفي والمفسر أستاذ عبدة ..

خليني أنا كمان أجوبك إيجابات مفسرة
الطبق عندي 180 وبة ماتور ولاكن لظرواً ما عطلت الماتور وشلت السلك بتاعة يعني حالياً هوا سابت علي النايل سات ..
ولاكن زي ما وضح لحضرتك للأسف الشديد كل شوية التردادت بتروح !
و شكراً علي القائمة المفسرة
من كام إسبوع حصلت حاجة غريبة جداً بالنسبالي ..
كنت بتفرج علي mbc2 ولقيت التردد بيروح ويجي فا بقلب ملقتش تردد علي اي قناة وبالصدفة جبت قناة النهار بلاس لقيت عليها قناة mbc2 من غير صوت استمر الوضع 5 دقائق تقريباً ! ،، ورجعت الامور زي ما هي ! ، وبعدها قررت إني اعيد الجهاز للمصنع وابحثة تاني
بالفعل أنا جبت السوفت من المكتبة وحملتة علي الـ فلاش يو إس بي ودخلتة الجهاز ودخلت علي البوت وسطبت السوفت وللأسف مرداش يبوت :( الجهاز مستحيل كان يفتح ولما كان يفتح كان يثبت علي اختيار اللغة وبناءً علية مكنتش بعرف حتا اختار اللغة لان الريموت كان بيدي اوامر غلط !! ، اية الحل من وجهة نظر حضرتك ، وفضلت عطلان فترة لحد ما وديتة للأنا شارية منة نزل علية السوفت إلي كان جاي بية !

هايتم تغير السلك في اقرب فرصة

شكراً للتوضيح

[عبده 2010]

اذا كنت متاكد ان الموتور لايعمل من فترة الا علي النايل سات
وفجاء حصل ماذكرت
ماعليك الا ان تغير القطعة لان العيب حاليا بالقطعة بتخرف بتحصل كتير هذه المشكلة مع القطعة احيانا
والله معك اخي
وعلي فكرة ياريت لو اعطيت سوفت للجهاز اعطيه له باللورد افضل

[ehapadel]

تمام فعلياً القطعة دي متغيرتش من 2002 .. وجاري تغيرها شكراً لمتابعتك معاايا

طب اللودر أنا عندي البرنامج بس إزاي أقدر أوصل الريسيفر بالكمبيوتر ؟ ، إية الادوات المطلوبة يعني ؟

[عبده 2010]

المطلوب اخي كابل التحديث العادي
وكل الشرح المطلوب تجده بالمكتبة من استاذنا المحترم ابوعبدالرحمن
طريقة تحديث أجهزة سترونج HD بطريقة اللودر

[ehapadel]

شُكراً لك ولهُ وشُكراً لتفاعلك معي ..

[م / أبو عبد الرحمن]

كل الشكر والتقدير لأستاذنا الكبير
عبده 2010
كبار الشخصيات
على متابعاته الرائعة لمساعدة إخوانه الأعضاء

[russia199]

يا سلام على رجال مصراوى سات
هى دى الروح الطيبة
بين الأعضاء
شكرا لكم أخوانى

[ehapadel]

طب حالياً أنا لما أجي اعمل إرجاع للمصنع بلاقية جايب قنوات يعني مش بيمسح القنوات !! ، إية السبب في دا ؟

[عبده 2010]

اختار اخر بند
التوليف عند المصنع
وان اردت ان تمسح القنوات
من قائمة محو القنوات واضغط lnfo من الريموت سيتم ازالة اي قمر تختاره بالكامل

[ehapadel]

بالفعل بختار التوليف عند المصنع !! ، بس بيجيب قنوات برضو؟، لازم أعمل مسح جميع القنوات ، كدا يكون العيب فين ؟

[ehapadel]

محدش عاد متابع ولا إية ؟ !