[Manegarplay]

السلام عليكم ورحمه الله وبركاته

انا عندى طبق 180

ومركب الهوت بيرد سنتر والنايل سات ع مسطره

وكنت شوفت موضوع لتركيب قمر اموس وكان فيه الصوره دى



وكان الشرح انى اشترى عدسه والزقها ع عدسه النايل سات زى الصوره وبس كده يشتغل اموس

هل الكلام ده صحيح وانا عاوز اعرف لو هعمل كده هركبها ع الشمال ولا اليمين ولا ايه لانى مش عارف فى الصوره انهى عدسه النايل سات

ساعدونى واستحملونى بقي ع كتر الاسئله انتو عارفين كآس العالم بقي والواحد كان دايما معتمد ع الشيرنج بتاع الى متتسمـآش :( :(

[أبوعرفة]

ياغالى وانت واقف خلف الطبق اموس على اليمين
وبعدن مش تلصقها وخلاص لازم تظبط القمر باستخدام الرسيفر بتاعك

[Manegarplay]

يعنى وانا بركبها اموس ع الشمال صح؟؟

تمام هجربها بكره ان شاء الله

[أبوعرفة]

ايوة وانت بتركبها ووجهك للطبق بيبقى على الشمال
يعنى اللى فى الصورة ده
الاساسى السنتر نايل واللى جمبه على يمينه ده اموس

[Manegarplay]

تمام شكرا انا كده فهمت بس عندى استفسار تانى معلش

انا دلوقتى زى ماقولت فى اول الموضوع انى عندى طبق 180 ومركب عليه اوروبى سنتر ونايل سات وكل عدسه بمخرجين وطبعا مركب اتنين دايزك واحد ترومان الى هو بـ 15 جنيه ده والتانى الى هو الفريم بتاعه بلاستيك بـ 25 والاوروبى شغال تمام ع كارت الستالايت هو والنايل سات والاشاره بتوصل لـ 80 تمام ده ع الدايزك البلاستيك

اما ع الرسيفر الاوربى مش شغال وقنوات معينه بس الى شغاله وفى الغالب هى باقه rai بس واشارتها 30 او 35

وانا بدلت الدايزك بين الاتنين والاشاره اتبدلت بقي الرسيفر احسن والكارت الى بايظ

مع العلم ان الدايزكين جداد

كده يبقي عيب دايزك صح مش عدسه

[أبوعرفة]

اكيد طالما بدلت واشارة الرسيفر اتحسنت يبقى عيب دايزك

[Manegarplay]

عشان انا بصراحه شكيت فى العدسه عشان هى قديمه شويه لكن لما غيرت الدايزك اشتغل ع الدايزك البلاستيك تمام المشكله ان الى ادانى الدايزك قالى ده ترومان وبتاع وهو عليه لوجو الترومان

[طارق عجلان]

طب هو وجه العدسه هيبقى ازاى يعنى زى النايل مثلا ولا فى انهى اتجاه ؟؟؟؟

[Manegarplay]

ع حسب مافهمت هيبقي زى النايل بالظبط لان الفرق بين القمرين مسافه صغيره تقريبا 3سم او 4

[DmgRoxx]

انا للاسف ورايا امتحان بكرة بس ان شاء الله احاول اصورلك الطبق عندى لان انا كمان عندى اوروبى ونايل واموس
ولو قدر الله ملحقتش انهاردة بعد ما ارجع من الامتحان بكرة ان شاء الله هصورة وصور اوضح من دى بكتير بس ادعو لى يا جدعان نعدى الامتحان على خير

[Manegarplay]

ربنا يوفقك يـ رب

عموما انا هستناك مافيش مشكله

ومعلش هنتعبك معانا شويه :)

[حورس العاطفى]

المشاركة الأصلية كتبت بواسطة أبوعرفة

ايوة وانت بتركبها ووجهك للطبق بيبقى على الشمال
يعنى اللى فى الصورة ده
الاساسى السنتر نايل واللى جمبه على يمينه ده اموس

ايوه كده وده عكس الكلام الاولانى

[Manegarplay]

طيب هو انا اركب العدسه هتكون اسفل النايل سات ولا اخليها متوازيه معاها ؟

[زوما المصرى]

ياجماعة الاموس اقدر اركبة على طبق متر فى الرياض ياريت حد يفدنا

[seco beco]

اموس 4 غرب

11647
v
8518
اظبط على دا عليه اهم قناتين اللى هيذيعوا كاس العالم
بعد كده اعمل بحث أعمى عشان باقى الترددات

التردد عادى مش HD