[waleedatta]

بعد اذنكم يا اخواني انا من صعيد مصر من محافظة سوهاج
معايا طبق 120 وحاولت كتير اركب الهوت بيرد بس للاسف مش بيجيب غير اشاره ضعيفه جدا برغم المحاوله علي اكتر من تردد بس برضو يدوب تردد اللي يجيب اشاره ضعيفه جدا علما ان الطبق شغال وبستقبل عليه النايل سات بيشتغل وكمان حاولت اشغل عليه العرب سات والاكسبريس والهولندي كله اشتغل ارجو الحل من حضراتكم هل الطبق ده صغير علي استقبال القمر ولا ايه

[المهندس كرم ستالايت]

اخى الكريم اضبط على تردد11137 افقى

ويفضل قبل التجربة تغير lnb

[ahmed jamal]

لو الطبق سليم مافيهوش حاجه جرب تغير القطعه

[waleedatta]

حضرتك هو التردد 11137 اللي بيجيب معايا اشاره ضعيفه بس هو الطبق ده مناسب لالتقاط القمر في سوهاج عندنا ولا لا

[المهندس كرم ستالايت]

المشاركة الأصلية كتبت بواسطة waleedatta

حضرتك هو التردد 11137 اللي بيجيب معايا اشاره ضعيفه بس هو الطبق ده مناسب لالتقاط القمر في سوهاج عندنا ولا لا

القمر الاوربى اشارتة قوية يستقبل فى جميع انحاء مصر

[waleedatta]

ماشي الف شكر لحضرتك بس الطبق لو بيستقبل النايل سات والعرب سات بشكل ممتاز ومش بيستقب الهوت بيرد الا باشاره ضعيفه جدا يبقي المشكله فين مع ان الطبق علي مسطره ولما بغير من قمر لقمر يدوب برفع وانزل الطبق

[المهندس كرم ستالايت]

المشاركة الأصلية كتبت بواسطة waleedatta

ماشي الف شكر لحضرتك بس الطبق لو بيستقبل النايل سات والعرب سات بشكل ممتاز ومش بيستقب الهوت بيرد الا باشاره ضعيفه جدا يبقي المشكله فين مع ان الطبق علي مسطره ولما بغير من قمر لقمر يدوب برفع وانزل الطبق

بص ياغالى انا هقولك على حاجة تريحك خالص

هات التردد10720افقى 22000 التردد موجود على قمرw3ااول ما تستقبلة اطلع بطبق سنة بسيطة ناحية الشمال وانت واقف خلف الطبق سوف تستقبل تردد11137 افقى وهو تردد قوى جدا للقمر الاوربى
وانا تحت امرك تقبل تحياتى

[waleedatta]

ماشي اخي بارك الله فيك وباذن الله خير
بس انا مش بلف الطبق خالص يعني الجزء اللي موصله بالعمود علي مصبوب في الارض مش بحركه ولا بفكه يدوب بطلع وانزل الطبق

[amr shawkey]

أخي الغالي علي مقدار فهمي واعذرني بس حاول تفك الطبق وتخليه حر ده اذا كان حالة الطبق جيدة ولف العدسة وأنت واقف امام الطبق خلي مخرجها للساعة 5 كده ناحية اليمين وحرك الطبق لو أنت علي النايل السات شمال قليلا ثم أعلي بالطبق قليلا أيضا ودي الترددات لضبط القمر ويارب أكون عرفت افيدك
بالنسبة لضبط الهوت برد
اضبط على تردد 11747 افقى 27500 و 10814 افقى 27500 اضبط على اعلى اشارة
ثم ضع تردد 10719 ثم تردد 12713 ثم تردد 12731 لو الثلاثة شغالين كويس
بكدة يكون الهوت بيرد كلة تمام التمام وكلهم على 27500

[hhahmed93]

اخى العزيز انا بظبط الطبق على تردد 11766 عمودى 27500 بيظبط معايه وتمام كل الترددات شغاله وبعد كده بجيب الكام التانيه على شمال الهوتبيرد وانا امام الطبق وبيجى معايه تمام وبالتوفيق

[فني تركيبات]

المشاركة الأصلية كتبت بواسطة waleedatta

بس انا مش بلف الطبق خالص يعني الجزء اللي موصله بالعمود علي مصبوب في الارض مش بحركه ولا بفكه يدوب بطلع وانزل الطبق

هى دى المشكله
ياغالى لابد من تحريك الطبق لليمين والشمال ورفع وخفض الطبق
الى ان تستقبل اشاره ممتازه للطبق

[زيادعماد]

اخى العزيز احضر فنى متخصص وريح بالك

[waleedatta]

الف شكر لتعاونكم جميعا