[الملك زيد]

ممكن ارسل خط نت مسافة 4 كيلو بنانو استيشن ام5 واستقبل واوزع ف نفس الوقت بلوكو ام5 اوزع لا سلكى>انا اقصد استقبل واوزع هوائى بلوكو واحد ولا لازم 2لوكو

[وائل001122]

ياغالى عادى جدا انك تنقل نت مسافه 4 كيلو بنانوستيشن ام فايف

وتستقبل بلوكو ام تو


لكن اللى مش عادى انك تستقبل وتوزع بلوكو واحد فقط لابد من واحد يستقبل ( ستيشن )

وواحد تانى يرسل ( أكسيس بوينت)



وبالتوفيق انشاء الله

[الملك زيد]

الف شكر يا استاذ وائل على الافاده بس ايه الفرق بين اللوكو ام2 وام5 وفى حاجه تانيه يا باشا انا هوزع مسافة 1 كيلو يعنى ابعد مشترك عندى على مسافة كيلو او 900 متر
وفيه كمان حاجه لما ارسل بنانو استيشن واستقبل بلو كو افضل ؟ولا لما ارسل بنانو استيشن واستقبل واوزع ببلوت وهايبر 15 db
معلشى يا باشا تابع معايا عشان فى ناس كتير شتتونى وحيرونى وانا عامل الشبكة دى مش عشان الربح انا عاملها لى انا و4 اصدقا ء
فانا عايز اخد كلام حضرتك وانزل اشترى الاجهزه مش هسال حد تانى

[وائل001122]

ياغالى

انتا لو عاوز توزع لمسافه 1 كيلو فقط يبقى ليه تكلف نفسك وتنقل نت من مكان لمكان وتجيب اجهزة تانيه


انتا هات جهاز واحد بس فقط وحطه عندك فوق السطوح على ماسورة طولها مثﻻ يعنى 3 متر وتوزع بيه لمسافه 1 كيلو مرتاح جدا جدا


والجهاز دة اسمه ( بيكوستيشن إم تو )


واصحابك هايستقبلوا بأكسيسات عاديه او بالﻻبتوب او بالتابلت او الموبايل او اى جهاز يشتغل وايرليس


اما بالنسبه للفرق بين اﻻم تو واﻻم فايف


اﻻم تو دة تقدر ترسل وتستقبل بيه نت عادى جدا على اﻻكسيسات والموبايﻻت والﻻبتوب

اما اﻻم فايف دة بيستخدم لنقل النت فى المسافات البعيدة عن 3 كيلو وانتا طالع يعنى للنقل فقط وﻻزم تجيب جنبه جهاز ام تو مثﻻ بيكوستيشن ام تو لو عاوز توزع لمسافه كيلو


نانوستيشن ام تو لو عاوز توزع 2 -3 كيلو مثﻻ

والبوليت والهايبر مع بعض 3 كيلو


واى سؤال او استفسار نحن معاك ياغالى

[الملك زيد]

ربنا يخليك يا محترم ويجزيك خير على تعبك معايا بس فى حاجه عايزاقول لحضرتك عليها
اولا المكان اللى احنا فيه مفهوش dsl ولا نت خالص غير الفلاشات بس
لاكن النت موجود على مسافة 4 او 5 كيلو فانا عايز ارسل النت من المكان اللى فيه نت للمكان عندنا وبعد كده اوزع على الاناس اللى مشتركين معايا فى الشبكة هوائى برضو لانهم بعيد عن بعض .
فان عايزاعرف من حضرتك جهاز ارسل بيه المسافة دى اللى هى 4 او 5 كيلو وبعد كده استقبل عندى بايه واوزع
واسف على الاطالة

[وائل001122]

تمام ياغالى


لو المكان عندك مفتوح فى المسافه اللى هيا 5-6 كيلو


يبقى تجيب 2 نانوستيشن ام فايف واحد فى المكان اللى فيه نت والثانى فى المكان اللى هاتستقبل فيه نت تمام


او لو المكان فيه بعض العوائق وتكون عاوز تشتغل فى المضمون بدل ما تركب وتلقى الشغل عندك مش تمام طبعا انا بقولك كدة وانتا شوف الطبيعه عندك عامله ايه وكمان ميزانيتك عامله ايه ياغالى

يبقى تجيب 2 نانوبريدج ام فايف واحد فى النقطه الاولى اللى فيها النت والثانى فى النقطة الثانيه اللى فيها انتا واللى عاوز توزع فيها النت


دة بالنسبه للنقل


اما للتوزيع للعملاء

افضل شئ هو


فى المنطقه بتاعتك يبقى تجيب بوليت تو اتش بى هاى باور وتجيب انتينا اومنى هايبرلينك 15 دى بى أى تمام

[الملك زيد]

هى المنطقة اللى بين نقطة الارسال والاستقبال مفهاش اى عوائق اراضى زراعيه ومفيش اى بيت مرتفع وهى تقريبا 4 كيلو وان زادت فممكن تزيد نص كيلو والمكان اللى هرسل منه مرتفع كمان يعنى نانو استيشن هيكون تمام يا باشا
سؤال معلشى يا باشا ممكن استقبل بلوكو ام2 واوزع بلوكو ام 2 تانى يعنى بدل البوليت والهايبر
وكنت عايز اسال حضرتك ممكن اتحكم ف السرعة عن طريق البوليت يعنى نقسمها واضمن محدش يضيف حد جاره عن طريق وصله سلكى اص مش هجيب ميكروتيك
ومعلش تعبتك معايا يا استاذ وائل

[وائل001122]

تمام ياغالى


علشان تعمل شغل تمام وتريح نفسك من البدايه

اعمل الاتى وطبعا حضرتك اعمل اللى يريحك فى البدايه والنهايه لكن انا لوجه الله بدلك على الصح طبعا


انتا هاتجيب 2 نانوستيشن لزوم النقل تمام

واحد فى نقطة الارسال والثانى فى نقطة الاستقبال


وهاتجيب بوليت وهايبر لزوم بث النت للناس علشان يشوفوا الشبكه بتاعتك عن طريق الاكسيسات او اللاب توب او التابلت او الايفون او الموبايل تمام


اما بخصوص السرعه فى التوزيع ريح نفسك هات راوتربورد ادمج عليه ووزع من كيسه كمبيوتر عاديه جدا واى امكانيات مش هاتفرق


ولو مش عاوز تجيب راوتربورد وتكلف نفسك يبقى هات كيسه كمبيوتر عاديه جدا وبأى إمكانيات وهات كارت لان تانى غير اللى موجود فى الكيسه نفها

وجمع راوتراتك فى سويتش وخذ من السويتش سلك ووصله فى اى كارت فى الكيسه اللى هاتشتغل عليها تمام وشوف انتا هاتجيب كام خط علشان اجهزلك رول لدمجهم على الكيسه علشان يخرجلك النت بمجموع الخطوط المدمجه كلها تمام وتقدر توزع كمان من نفس الكيسه يعنى تدمج وتوزع منها عادى جدا ومن غير ما تكلف نفسك كثيرا


بس انا افضل انك تدمج على راوتربورد وتوزع من كيسه وتريح نفس على طول تمام ومعنى كلامى هذا هاتعرفه لما تعمل *****



وبالتوفيق لك ياغالى إنشاء الله وربنا يكرمك يارب

[الملك زيد]

طيب ممكن يا استاذ وائل استقبل واوزع بالبلوت مباشرة يعنى اجيب نانو استيشن واحد بس فى منطقة الارسال ولا لازم اتنين نانو استيشن

[وائل001122]

اخى لو عاوز تعمل شغل صح وتريح نفسك من كثرة الحديث عن الاجهزة والحيرة فى اختيار الاجهزة المناسبه يبقى لابد من عمل الاتى



لابد من وجود 2 نانوستيشن للنقل

وبوليت وهايبر للتوزيع للمشتركين



هنا فى ارض الابداع نسعى لتقديم النصيحه الجيدة للجميع لاننا محل ثقه وسوف نظل ذلك دائما فهذا هو مبدئنا فى العمل والعطاء


فبالطبع نحن سوف نقوم بإرشادك على الاختيار الصحيح اخى الغالى


ولك مطلق الحريه فيما تفعل وتتصرف وتجدة مناسب لك


وهذا يصب فى مصلحتك اولا واخيرا طبعا

[الملك زيد]

انا اشكرك يا محترم على سعة صدرك
وانا بسال حضرتك الاسئلة دى عشان انا مش عارف اى حاجه ف حكاية الشبكات وواثق انك بترشدنى للصح ربنا يجزيك خير بس انا كنت بسال السؤال الاخير ده عشان الحالة الماديه لا تسمح ف الوقت الحاضر بشراء اتنين نانو استيسشن فكنت بسال لو نانو استيشن واحد والهايبر والبوليت للاستقبال والتوزيع
معلشى يا باشا اخوك ابيض ف حكاية الشبكات فا ستحملنى

[وائل001122]

ياغالى

ولا يهمك احنا نحب نرشد الجميع على الصح

وانشاء الله هاتتعدل وتبقى تمام لا تقلق

بس صدقنى انتا تعمل شغل صح من البدايه يريحك وماتصرفش عليه لكن لو عملت شغل مش مظبوط يبقى استحمل التعب ووجع القلب والمشروع يفشل منك وتبقى انتا الخسران اصل مشروع الشبكات دة سمعه لو انتا كويس من البدايه اضمن المكسب ياغالى


علشان كدة مش مشكله نانوستيشن زيادة بس شغلى يكون صح وهاتحسبها مش هاتفرق كتير على فكرة



بس أتمنالك كل خير وربنا يوفقك ويرزقك بالحلال ياغالى واى مساعدة نحن معك




بالتوفيق

[الملك زيد]

والله يا باشا هى الشبكة مش تجاريه خالص ده كل الحكايه ان احنا 5 اصدقاء لمينا من بعض مبلغ وهنشترك ف خط 2 ميجا يعنى مش هنزيد عن 5 فقط شبكة خاصه يعنى فكنا عايزين نميشها على قد فلوسنا

[وائل001122]

انا اتمنالكم كل خير حبايبى


لكن هو دة الشغل الصح


بس انتوا ممكن تشوفوا واحد او اثنين ويدخلوا معاكم شركاء وتشتروا الاجهزة ويبقى شغل كويس برضه على 2 ميجا

2 ميجا دول يستحملوا 10-15 واحد شغالين تمام التمام على *******



وبالتوفيق مرة اخرى

[الملك زيد]

ماشى يا باشا ربنا يجزيك كل خير على المعلومات القيمه وانا هعمل بنصيحة حضرتك هزود عدد المشتركين
وتصبح على الف خير يا محترم