[DmgRoxx]

واضح ان التعليق طبعا عامل مشكله عويصه عندنا من المتتسماش
وحولنا كتير اننا نجيب التعليق من النت والماتش على قناة اجنبيه بس طبعا التاخير الفظيع البيكون رخم
وبرامج النت او المشاهدة اونلاين عموما صورة مش تمام
وغيرها وغيرها من الافكار
فجتلى فكرة كدة يمكن تنفع وهى
هنشغل الماتش من قناة اجنيبه ودى على قفا مين يشيل
التعليق بقى : كتير طبعا دة اذا مكنش الكل عندة Skype وكله عارف انو سريع جدا فى نقل الصوت والصورة
الصورة لا تعنينا فى شئ المهم الصوت
فلو واحد عنده وصله او مشترك رسمى يحط الاكونت بتاعه على Skype ونخش محادثه جماعيه ويشغل التعليق من عندة وانت تشغل سماعه الكمبيوتر والصورة من التلفزيون
وبما انها صوت بس مش هتكون بفلوس او لمدة اسبوع بس مجانا ويكون اكثر من واحد عشان ميكنش فيه ضغط
بس عارف ان وضع الاميلات والروابط الخارجه ممنوع فى المنتدى ف يا ريت نستثنى فترة كاس العالم فقط من القانون دة

و يا ريت يكون تحت اشراف المشرفين حتى يعنى لان اظن مفيش فكرة احسن من دى لمشكله التعليق
واهو كمان نتعرف على بعض اكثر والتواصل هيكون احسن بكتير وليها فوائد ان شاء الله غير حوار التعليق بس وتبادل خبرات وهتكون حاجه حلوة جدا
ولو المشكله هنلم ناس ازاى: مشرف وليكن حورس العاطفى مثلا يعمل ال Call ويبعت لواحد عندة واى حد عند الشخص التانى عايز يخش ممكن يدخله وهكذا بقى يعنى مش شرط الكل يكون عند حورس فى الكونكت
لو الفكرة لقت قبول انا بعد كدة هنظمها ان شاء الله حلو

[mk9999]

فكرة جميلة جدا ياريت الادارة تاخدها في الاعتبار

[صلاح النسر]

فكرة جميلة جدا

[أبوكريم]

يارب تتنفذ الفكره

[رجب ابو احمد]

نفس الفكره كنت عاملها في كاس العالم 2010 كنت عاملها علي الشبكه الدش كنت جايب الصوره من الباقه السوسريه والصوت قناه راديو من الريسيفر ومدخلهم علي مدخل الصوت والصوره في الفيديو والفيديو مخرج علي rf ياريت يكون في قناه راديو لقنوات بين سبورت

[owen_sat]

اللهم صلى وسلم وبارك على سيدنا محمد عليه افضل الصلاه والسلام

[DmgRoxx]

واضح ان الفكرة عجبت الناس يا ريت الاهتمام من الادارة ننتظر غدا لان اظن مفيش حد منهم بيسهر للان

[seco beco]

راديوو beinsports بجودة عالية
http://mixlr.com/elias609/
http://mixlr.com/radio-kora

[الرائد22]

يمكن لكل من يملك الجهاز ان يشاهد قناة لBin sports عن طريق HDMI
و يدخل الصوت الى الكمبيوتر عن طريق RCA cable

[mohamed ic]

فكرة جميلة جدا

[احمد محمد ا]

و الله فكرة جميله و تستحق التفكير و التطبيق و نتمنى نظرة من الاداره المحترمه و اسلوب التطبيق

[DmgRoxx]

مفيش حد من المشرفين رد هل نبدا فى نعمل الفكرة وننشر اميلاتنا فى ال Skype ولا لأ؟!

[حورس العاطفى]

انت عارف انه مينفعش انت نيتك سليمه غيرك هيعمل مصايب

[MOHAMED ESMAT]

نتمنى ان الاداره توافق فكره رائعه جدا حتى لو تجربه ولو حصل حاجه تتلغى بس نخوض التجربه لان التعليق اصبح ازمه للاسف !

[DmgRoxx]

المشاركة الأصلية كتبت بواسطة حورس العاطفى

انت عارف انه مينفعش انت نيتك سليمه غيرك هيعمل مصايب

مصيه زى ايه
حد مثلا يشتم اثناء المبارة؟
الهوست صاحب الكونكت يقفل الصوت من كل المشاركين ويفتحوا فقط للعنده القناة الهيكون طبعا شخص واحد فقط عشان نغطى اكبر عدد وميكنش فيه ضغط على كونكت واحد
ولا فيه مشاكل تانيه تقصدها ويا ريت توضح وانا ان شاء الله هحلها وهتابع كل حاجه على قد ما اقدر
وزى ما قلت الادراة هى الهتشرف عليها يعنى مش هيكون انا يعنى المصايب ان شاء الله مش موجودة