[abo salma 2]

انا عندى طبق 240

والمسمارين بتوع البولار بيفكو لوحدهم اثناء تحريك الطبق شرقا وغربا مما يوثر على الاشاره واضطر الى انزال الطبق اقصى الغرب حتى يتثنى لى استقبال الاقمار باشاره افضل

السؤال هنا هما المسمارين دول مقاسهم كام لانهم عاوز اغيرهم

وما الورد المطلوبه بالتفصيل وهل الورد بتكون بلاستيك افضل او من الحديد

عفوا انا غير متمرس فى الموضوع ده بس كنت عاوز اغير المسمارين دول بمشتملاتهم

عشان اقدر اثبت البولار اثناء التحريك ويكون الطبق بيتحرك بسلاسه من غير ثقل بردو

والصوره دى بتوضح المسمارين المقصودين وشكرا على سعه صدركم

[حموده عياد]

بص ياغالي ممكن يتغيرو طبعا ولكن في حل بسيط موجود في المحلات مسطره او حامل بتحطه للطبق وبتتحكم يمين وشمال به وبيثبت الطبق وبكده ممكن تستغني انك تغيرهم تحياتي لحضرتك

[حموده عياد]

المسطره دي بتركب مع ذراع ومع البولار زي زراع الماتور بالضبط

[abo salma 2]

شكرا يا اخى على الرد

بس ممكن توضيح اكتر هركب المسطره ازاى يعنى

[satytree]

ممكن تغير المسامير والصواميل بخلع مسمار والدهاب الى المحل وتغير الورد سهل من أى ورشة سيارات أوموتسيكلات المهم كم قطر الطبق من الحواف الداخلية والعمق وهل تستقبل أسترا19؟

[abo salma 2]

المشاركة الأصلية كتبت بواسطة satytree

ممكن تغير المسامير والصواميل بخلع مسمار والدهاب الى المحل وتغير الورد سهل من أى ورشة سيارات أوموتسيكلات المهم كم قطر الطبق من الحواف الداخلية والعمق وهل تستقبل أسترا19؟

شكرا يا اخى

بس هو قطر الطبق مهم فى ايه

هو عموما 230

واستقبل استر19

[عادل عامر]

المشكلة عندك ابو سلمى ممكن يكون سببها النحاستين الموجودين فى البولار فى مسمار النصف ممكن يكونو مبوشين اتاكد منهم الاول والمسمار اللى يحل ممكن تحط فية صمولة ثانية وتربط عليها هتزنق وميحلش المسمار تانى وممكن تحل صامولة وتوريها للبائع وتجيب زيها اتنين

[abo salma 2]

انا عاوز اللى عنده طبق 240

وعلى درايه بالمسامير دى يدلنى

والاهم فيه ورد كتير فى المسمار الخلفى منها بلاستيك وحديد عاوز دول بالتحديد

[abo salma 2]

المشاركة الأصلية كتبت بواسطة عادل عامر

المشكلة عندك ابو سلمى ممكن يكون سببها النحاستين الموجودين فى البولار فى مسمار النصف ممكن يكونو مبوشين اتاكد منهم الاول والمسمار اللى يحل ممكن تحط فية صمولة ثانية وتربط عليها هتزنق وميحلش المسمار تانى وممكن تحل صامولة وتوريها للبائع وتجيب زيها اتنين

يا استاذ عادل كل سنه وحضرتك طيب واحشنى والله

انا بس فيه مشكله ان المسمار الاسفل فى الاتنين لو ربطه جامد وعملتله استرا الطبق بيتحرك بصعوبه ولو هويته شويه

بيبقى فيه بوش والطبق بيجى يمين وشمال

واحترت كل ما اضبط الصبق ع الشعره

ابتدى احرك الطبق شرق وغرب

المدار بيبوظ تانى بسبب المسمار ده

فكنت عاوز اغيره بورده بكله وريح دماغى

[حجاج تى فى]

غير المسمارين يابو سلمى واعمل بنهم مسافة بالورد علشان الطبق يتحرك او ركب البولار بتاع ال180 اللى عندك
او هات مسمار طويل وركبه وده هيظبطلك الموضوع هو مسمار 23 تقريبا
انظر الصورة