[كيمو 2005]

اردت الرد فى هذا الموضوع
http://www.masrawysat.com/vb/showthr...1430741&page=2

طب انت ايه رايك فى السيسى بعد اللى عمله ده هتفضل بردوو مؤيد ليه ولا ايه
احنا عايزين نفهم بقى ان السيسى ده هو اللى الخرب البلد وهو اللى شال مرسى بدون وجه حق
طب انا عايزك تعترف السنة اللى محمد مرسى مسكها كان احوالك المادية فيها كانت عاملة ازاى وحاجات تانية كتير ومفيش وقت نقعد نكتب

يا اخوانا كل شىء كرب فى البلد
وليست المشكلة فينا ولا فى حسنى ولا فى مرسى ولا فى السيسى
المشكلة فى المنظومة الادارية للبلاد انها تعامل ربنا فى الطبقة الفقيرة والمتوسطة وتعمل لصالحهما فقط وليس لانفسهم ومكانتهم والمحسوبية والاقارب والاصدقاء والاثرياء.
الكلام كثير واليكم مثال بسيط
انقطاع الكهرباء
يوجد اماكن فى البلد لا ينقطع عنها الكهرباء فى حين لو الادارة تمام وعايزة توفر فعلا هذه الاماكن جديرة ان ينقطع عنها الكهرباء بعيدا عن ان تدوس على الطبقة الفقيرة والمتوسطة الاماكن دى كلها فلل وشقق فاخرة شوف هيوفر كهربا اد ايه ولن يتأثرو بانقطاع الكهرباء لانهم مقتدرين على ايجاد البديل شوف الفيلا الواحدة او الشقة الواحدة فيها كام تكييف وكام تلفزيون وكام دش وكام ثلاجة وكام سخان وكام نجفة وكام لمبة وكشافات وكام موبايل بيشحن وكام وكام وكام
يا ترى هايوفرو أد ايه؟
وفى نفس الوقت هايوفرو أدية لما يقطع على الاماكن الفقيرة والمتوسطة اللى بيوتهم مفيهاش اكتر من كام لمبه وموفرة للطاقة كمان وبيتخانقوا مع بعض لو فى حد سايب لمبه على الفاضى علشان حامل هم فاتورة الكهربا اخر الشهر متجيش كبيرة عليه يعجز عن سدادها وتلفزيون يتيم ودش وتلاجة يتيمة وتليفون يتيم وحته مروحة
فضلا عن ذلك وهو الاهم انه متأثر بانقطاع الكهربا لانه غير قادر على ايجاد البديل.
لأ والغريبة يحاسب الفقير والثرى بنفس التعريفة
هل يستوى الاعمى والبصير !!!
رغيف العيش هل يقدر الفقير يشترى العيش اللى يتاكل
مياه الشرب هل يقدر الفقير يشترى المياه المعدنية اللى تتشرب
وعلاج وتعليم وووووو
لماذا لم يكونوا فى احسن حال؟
قيس على ذلك اشياااااء كثيرررررة
نقدر نقول ربنا يقدر الشعب المصرى البسيط ويعينه على هذه الايام العصيبة
ويوجه الرئيس السيسى بالقلب والعقل والادارة الرشيدة نحو هذه الناس البسيطة
وسيكون افضل رئيس جابته مصر وربنا هيكون معاه لان ربنا مع نصرة الفقير الضعيف البسيط الغلبان اللى لا يملك المال ولا النفوذ ولا المحسوبية ولا الشهرة ولا شقة ولا حتى قوت يومه للغد
انا عن نفسى مش ندمان ان انتخبت الرئيس السيسى

ربنا يعينه ويوجه نحو الصواب كما ذكرت

لان المشكلة فى المنظومة الادارية للبلد
مع ان بلدنا فيها خير كتيررر ميخليش فيه حد فقير ولكن بدرجات متفاوته كما قال ربنا العظيم
بس مش يكون التفاوت يبقى من الارض للسحاب
وكمان ينداس عليه حرام
نحتاج نتكاتف جميعا ورائه وندعو ان يكون خيرا لمصر والشعب المصرى البسيط اللى هيكون سبب نجاحه ورضا ربنا عنه لان كلنا فى رقبته الان

والحمدلله
معلش طولت عليكو

[ahmed jamal]

تحيه لكل واحد قرا الموضوع من الاول للاخر

[™Mr.Hassan™]

"]رأي حضرتك يحترم
ولكن ممنوع في المنتدي ان يكون الموضوع متصل بالسياسه

مغلق ....................