[EMADALZOUK]

السلام عليكم و رحمة الله و بركاته

كنت عايز اسال على سلك الدش نوعه هل بيفرق فى جودة الاشارة ولا لا

يعنى لما اشترى سلك اسبانى اصلى يفرق فى الجودة عن انى اشترى سلك صينى العادى اللى بيتباع فى السوق ولا لا
ولو بيفرق يفرق كام فى المية لقوة الاشارة

لان انا امتلك كرت ستاليت و يهمنى ان الاشارة تبقى عالية علشان استقبال الكارت غير الرسيفر من حيث قوة استقبال الاشارة

و ياريت اعرف ازاى اتاكد لو حبيت اشترى سلك اسبانى او ايطالى انه اصلى ؟

[richard2006]

بص يا أخي الفاضل مبدئيا نوعية السلك بتفرق كتير خصوصا لو السلك هيكون لمسافات طويله أو داخل بواط جوه الحيطه وكده ؛؛ وثانيا أفتكر أفضل الانواع هوا السويدي ؛ ثم الاسباني ثم الايطالي (أو العكس) لكن مقدرش أفتيلك وأقولك هيفرق كام في الميه للاشاره؛
وبرده أنتظر باقي ردود الاخوه الكرام يمكن يفيدوك بتوضيح أكتر ؛ وتحياتي لك يا باشا

[ropy_ana]

لو انت فى مصر فى نوعين سلك كويس جدااا
تلفيز 25 متر بى 25 جنيه و اف تى اى 25 متر بى 30 جنيه والاتنين اسبانى موجودين فى باب اللوق ..
واكيد السلك بيفرق جامد جدااا

[الحاج شريف]

المشاركة الأصلية كتبت بواسطة richard2006

بص يا أخي الفاضل مبدئيا نوعية السلك بتفرق كتير خصوصا لو السلك هيكون لمسافات طويله أو داخل بواط جوه الحيطه وكده ؛؛ وثانيا أفتكر أفضل الانواع هوا السويدي ؛ ثم الاسباني ثم الايطالي (أو العكس) لكن مقدرش أفتيلك وأقولك هيفرق كام في الميه للاشاره؛
وبرده أنتظر باقي ردود الاخوه الكرام يمكن يفيدوك بتوضيح أكتر ؛ وتحياتي لك يا باشا

السطور التاليه من مداخله مع أحد الإخوه بخصوص كيفيه إختيار السلك قد تفيدك عند إختيار نوعيه السلك بغض النظر عن بلد المنشأ أو الإسم التجارى
السلك الجيد له مواصفات أهمها
الموصل النحاس الداخلى لا يقل سمكه عن 1مم
الشبكه الخارجيه كامله وليست بضع شعيرات
العازل لايكون "طريا" بحيث ينضغط عند الضغط عليه أو فى الكرب والإنحناءات ، كمالا يجب أن يكون صلبا بحيث ينكسر عند ثنيه ، بل يكون مرنا يمكن ثنيه بدون تغيير استدارته

[EMADALZOUK]

المشاركة الأصلية كتبت بواسطة richard2006

بص يا أخي الفاضل مبدئيا نوعية السلك بتفرق كتير خصوصا لو السلك هيكون لمسافات طويله أو داخل بواط جوه الحيطه وكده ؛؛ وثانيا أفتكر أفضل الانواع هوا السويدي ؛ ثم الاسباني ثم الايطالي (أو العكس) لكن مقدرش أفتيلك وأقولك هيفرق كام في الميه للاشاره؛
وبرده أنتظر باقي ردود الاخوه الكرام يمكن يفيدوك بتوضيح أكتر ؛ وتحياتي لك يا باشا

شكرا على ردك يا غالى
انا فعلا كنت ممشى السلك جوة الحيطة بس كان مخلى الاشارة ضعيفة عن الطبيعى بسبب اللحمات اللى فى السلك و غيرته و خليته من بره مباشرة على الرسيفر اشتغل احسن من الاول والاشارة عليت و علشان كدة قولت يمكن نوع السلك كمان بيفرق مدام الحكاية كدة
بالنسبة للسلك تقريبا مفيش غير الاسبانى و خايف الا يكون هو كمان مضروب مش عارف اميزه ازاى لما اجى اشتريه

[EMADALZOUK]

المشاركة الأصلية كتبت بواسطة ropy_ana

لو انت فى مصر فى نوعين سلك كويس جدااا
تلفيز 25 متر بى 25 جنيه و اف تى اى 25 متر بى 30 جنيه والاتنين اسبانى موجودين فى باب اللوق ..
واكيد السلك بيفرق جامد جدااا

شكر على الرد يا غالى
بس انا محتاج السلك 30 متر علشان مظبوط و مكونش فيه وصلات متاكد من حوار الــ 25 متر لانى لما سالت قوللى فى 30 متر اسبانى ؟
انا من الاسكندرية مش من القاهر

[richard2006]

طيب بص بصه على الموضوع ده كده هتأخد فكره مش بطاله؛ وأنا مش عايز أكتب أسعار علشان قوانين المنتدى
http://www.masrawysat.com/vb/showthr...08#post7439908

[EMADALZOUK]

المشاركة الأصلية كتبت بواسطة asharif

السطور التاليه من مداخله مع أحد الإخوه بخصوص كيفيه إختيار السلك قد تفيدك عند إختيار نوعيه السلك بغض النظر عن بلد المنشأ أو الإسم التجارى
السلك الجيد له مواصفات أهمها
الموصل النحاس الداخلى لا يقل سمكه عن 1مم
الشبكه الخارجيه كامله وليست بضع شعيرات
العازل لايكون "طريا" بحيث ينضغط عند الضغط عليه أو فى الكرب والإنحناءات ، كمالا يجب أن يكون صلبا بحيث ينكسر عند ثنيه ، بل يكون مرنا يمكن ثنيه بدون تغيير استدارته

شكرا على الاضافة يا غالى و ان شاء الله اشترى سلك بالمواصفات دى
لان واضح جدا ان جودة السلك بتفرق فى جودة الاشارة

[EMADALZOUK]

المشاركة الأصلية كتبت بواسطة richard2006

طيب بص بصه على الموضوع ده كده هتأخد فكره مش بطاله؛ وأنا مش عايز أكتب أسعار علشان قوانين المنتدى
http://www.masrawysat.com/vb/showthr...08#post7439908

تمام يا غالى شكرا على المشاركة

[محمد حجاز]

متابعة جيدة جداً
والرجاء من الإدارة عودة وضع الأسعار

[حماد]

افضل سلك دش.. السويدى ولن تجده الا بعناء شويتين...ثم الايطالى .. ثم السعودى...

[EMADALZOUK]

نزلت دورت على سلك نظيف ملقتش كل الموجود فى السوق صينى بس مختلف فى الاسم اشى دريك و اشى اسبانى ابيض و مش عارف ايه كلها انواع مضروبة
و غالبا السلك مش حيكون نحاس و حيبقى حديد و مطلى نحاس يعنى اردى نوع من السلوك مش عارف ايه الحل ايه اخلينى زى ما انا و خلاص ولا ايه رايكم يا رجالة مصراوى سات :)