ايه الادوات المطلوبه للتعديل على طبق ثابت 120 ؟

TheMaximoKapoo · #1 2014/07/15, 03:27 AM

ايه الادوات المطلوبه للتعديل على طبق ثابت 120 ؟

الطبق اوروبى سنتر و نايل سات مسطره - انا مش لاقط الاوروبى HD وعاوز اهوى الصواميل و اغير العدسه ومش عارف ازاى بصراحه يعنى ايه المطلوب ؟ مفك ولا مفتاح كام ولا ايه بالضبط

والعدسه بتتفك ازاى ؟ بالمفك ولا المفتاح لانى جربت بالزراديه احرك الصواميل لكنى فشلت بصراحه

لان مشكلتى كالاتى مع الفنيييين اللى موجودين ف المنطقه عندى :::

بقولو مش لاقط الاوروبى HD على طبق 120 بيقولى الاتش دى ملهوش علاقه بالطبق طالما انت لاقط اوروبى خلاص ... الغريبه انى لاقط تردد 11054 بتاع ZDF باشارة %62 على جهاز HD

اقول لواحد تانى عاوز اركب قمر استرا 23 يقولى معرفوش

اقول للتالت طب دهوك يقولى محدش بيعرف يجيبها

اقول للرابع عاوز هسبا سات الاسبانى يقولى مبشتغلش ف اى قمر غرب بعد النايل سات والكارثه ان ال 4 مقتنعين ان الاوروبى HD بييجى لوحده و محدش منهم يعرف استرا 23 ولا هسبا سات

دلوقتى طبقى 120 . اعمل فى ايه ؟ انا كل املى القط اوروبى HD او هسبا سات HD او اى قمر يجيب كل البطولات المهمه على الشيرنج بتقنية HD

TheMaximoKapoo · #2 2014/07/15, 05:57 AM

بانتظار المساعده يا شباب

م/علاء يحيي · #3 2014/07/15, 06:05 AM

يا حبيبى دول مينفعش يتقال عليهم فنيين كدا بنظلم الفنيين مش اى حد يركب النايل سات يبقى فنى

TheMaximoKapoo · #4 2014/07/15, 06:09 AM

اقتباس:

المشاركة الأصلية كتبت بواسطة م/علاء يحيي

يا حبيبى دول مينفعش يتقال عليهم فنيين كدا بنظلم الفنيين مش اى حد يركب النايل سات يبقى فنى

طيب انا عاوز اهوى صواميل الطبق عشان احركة يمين شمال سنه خفيفه يمكن القط ال HD ع الاوروبى ... محتاج ايه عشان اهوى صواميل الطبق و اربطها ؟ وممكن صوره للصاموله اللى المفروض تتهوى عشان الطبق يتحرك يمين شمال عادى ؟

EMADALZOUK · #5 2014/07/15, 10:10 AM

اقتباس:

المشاركة الأصلية كتبت بواسطة TheMaximoKapoo

طيب انا عاوز اهوى صواميل الطبق عشان احركة يمين شمال سنه خفيفه يمكن القط ال HD ع الاوروبى ... محتاج ايه عشان اهوى صواميل الطبق و اربطها ؟ وممكن صوره للصاموله اللى المفروض تتهوى عشان الطبق يتحرك يمين شمال عادى ؟

يا غالى انت عندك عدة مفاتيح ولا بتسال علشان تشترى لو عندك جرب فك المسامير وشوف انهو مفاتيح اللى تمشى مع الصامولة اللى عندك لو معندكش ممكن تشترى طاقم مفاتيح بلدى صينى يمشى الحال معاكى خصوصا انك مش حتستخدمه على طول

bello32 · #6 2014/07/15, 10:28 AM

المفاتيح اللي بتستخدمها هي مفتاح 10 وده لصواميل العدسه
او مفتاح 13 وده لباقي الصواميل
ويا سلام لو يبقي معاك بنز تمسك بيه ضهر المشمار و انت بتفك الصاموله
ااخيرا حاول تغير القطعه عشان مثلا انا كنت بقطعه ترومان ﻻقط دهوك لكن مش شغاله
غيرتها ب كيوماكس اشتغلت تمااااااام

agsagamore · #7 2014/07/15, 10:53 AM

عفكرة انا مش فنى بس اول مرة اعرف ان الاوروبى فيه اتش ظى بس بس دا بتشتغل عليه بقية القنوات ولا ايه مش فاهم

EMADALZOUK · #8 2014/07/15, 11:37 AM

اقتباس:

المشاركة الأصلية كتبت بواسطة bello32

المفاتيح اللي بتستخدمها هي مفتاح 10 وده لصواميل العدسه
او مفتاح 13 وده لباقي الصواميل
ويا سلام لو يبقي معاك بنز تمسك بيه ضهر المشمار و انت بتفك الصاموله
ااخيرا حاول تغير القطعه عشان مثلا انا كنت بقطعه ترومان ﻻقط دهوك لكن مش شغاله
غيرتها ب كيوماكس اشتغلت تمااااااام

عندى المسامير و الصواميل مصدية و مكلبشة جامد و مش عارف افكها ازاى لدرجة انها من كتر الضغط عليها بالمفتاح و البنز بتتاكل مفيش حل سهل للموضوع ده علشان انا عايز افكهم و اغيرهم بمسامير جديدة علشان اقدر اتحكم في رتكيب الطبق بشكل سهل

krem12012 · #9 2014/07/15, 01:31 PM

الحل يا غالي حط على المسامير والصواميل شوية زيت باكم بتاع عربيات او حاول تقطع المسامير بمنشار حديد

TheMaximoKapoo · #10 2014/07/15, 03:55 PM

تمام يا رجاله ... لو عاوز اهوى الصواميل بتاعت الطبق عشان احركه فوق تحت يمين شمال ... استخدم ايه بالضبط + ممكن صوره للصواميل اللى هتتهوى لان الطبق من ورا مليان صواميل !!!

owen_sat · #11 2014/07/22, 02:12 AM

موضوع قديم يا غالى ومنقول

حماد · #12 2014/07/22, 03:16 AM

اقتباس:

المشاركة الأصلية كتبت بواسطة owen_sat

موضوع قديم يا غالى ومنقول

لما الموضوع ده قديم ومنقول.. مواضيع حضرتك نقول عليها ايه ..؟ ربنا يسامحك..

hamoudy14 · #13 2014/07/22, 03:38 AM

اقتباس:

المشاركة الأصلية كتبت بواسطة owen_sat

موضوع قديم يا غالى ومنقول

ايه بالظبط اللى قديم وايه اللى منقول كمان ده

الراجل عايز مساعدة
هو اى كلام وخلاص

owen_sat · #14 2014/07/22, 04:01 AM

هو الراجل سيبنى فى حالى عمال يقول وانا لما قولت زعلتو لا حول ولا قوه الا بلله

agsagamore · #15 2014/07/22, 05:02 AM

اقتباس:

المشاركة الأصلية كتبت بواسطة owen_sat

موضوع قديم يا غالى ومنقول

منتقول متين ؟

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ماهى الادوات المطلوبه لعمل مجله ولكم الشكر	اشرف اشرف22	المايكـــروتيـــك	4	2019/10/21 06:44 PM
الادوات المطلوبه لفك وتحريك الطبق	Bosh	تركيبات الدش و الدش المركزي	11	2018/05/06 02:51 PM
ممكن اعرف الادوات المطلوبه لتركيب دش ثابت	mohmedmido	تركيبات الدش و الدش المركزي	2	2016/09/13 01:51 PM
سوبر ماكس بوت 121 أخد ملف خطأ ممكن الادوات المطلوبه للإصلاح	AHMEDELC	كيوماكس 999 جولد	3	2014/10/08 10:41 PM
ممكن اعرف الادوات المطلوبه	medo0443	ترومان TRUMAN	10	2013/04/21 07:23 AM